Kapa ti tisango azo na Mémorial ayeke to nda ni na 17 mars
1 Ngu oko oko sarango Mémorial amû lege na e ti fa tënë ti kuâ ti Jésus (1 aCor. 11:26). Ni la, e ye si ambeni zo nga aga na Mémorial ni ti mä tënë na ndo ti pendere ye so Jéhovah amû na e na ndoye, so ayeke sandaga ti Jésus (Jean 3:16). Ti ngu so kapa ti tisango azo na Mémorial ni ayeke to nda ni ande na samedi 17 mars. Mo leke tere ti mo awe ti mû mbage ti mo dä mingi?
2 Tënë so e lingbi ti tene: A yeke nzoni ti tene tënë nduru. E lingbi ti tene: “Bara mo. E ye ti mû na mo nga na sewa ti mo mbeti ti tisango ndo na mbeni kpengba ye so e yeke sara ngu oko oko so a yeke sara ande na ndo ti sese kue na lango 5 ti avril. A yeke mû ande mbeni diskur senge senge ti fa ye so kuâ ti Jésus asara nga na ye so lo Jésus lo yeke sara na ndembe so. Mbeti so afa ndo so a yeke sara bungbi ni dä na yâ ti vaka ti e ge nga na l’heure ni.” Na ngoi so e yeke kangbi ambeti ti tisango ndo na samedi wala na dimanche, tongana lege ayeke dä e lingbi ti zia nga apériodique na azo.
3 Tisa gbâ ti azo: Ye so e ye ayeke ti tisa gbâ ti azo. Girisa pëpe ti tisa a-étude ti mo, avizite ti mo, afami ti mo, avoizin ti mo, azo ti place ti kua ti mo, akamarade ti mo ti ekole nga na ambeni zo so mo hinga ala. A-ancien ti congrégation ti mo ayeke leke ande si a fa tënë na yâ ti territoire ti ala kue kue kue. Tisango azo ngu oko oko na Mémorial ayeke ga ka na aye ti nzoni. Na tapande, na ngu so ahon mbeni wali alï na ndo so a sara Mémorial ni dä, na mbeni ita so ayeke yamba azo ahunda lo ti gi na lo zo so atisa lo. Me, wali ni atene so lo hinga zo oko ge pëpe na lo wara mbeti ti tisango ndo ni na tïtî mbeni zo so afa tënë fade da na da.
4 Hinga ape na popo ti azo so aga na Mémorial a wara mbeni zo so mo la mo tisa lo. Atâa azo ni aga wala ala ga pëpe, so mo sara kue ti tisa ala ayeke ngbâ senge tongaso pëpe. Ambeti so mo kangbi na ala ayeke fa so Jésus ayeke fadeso mbeni kota Gbia. Nga, so mo yeke mû mbage ti mo dä mingi ayeke fa na azo kue, so ti tene azo ti territoire ti mo, amba ti mo awafango tënë, na mingi ni na Jéhovah, so mo bâ na nene ni mingi sandaga so lo mû ndali ti e na lege ti Molenge ti lo.—aCol. 3:15.
[Ahundango tënë ti manda na ye]
1. Kapa wa ayeke to nda ni na lango 17 ti mars?
2. E lingbi ti tene nyen ti fa mbeti ti tisango ndo so?
3. E lingbi ti sara nyen ti tisa gbâ ti azo?
4. E yeke bi tere ti e mingi na yâ ti kapa so ndali ti nyen?