Sara kue ti to nda ti a-étude na kozo samedi ti nze

A to nda ni na nze ti mai ti ngu 2011, a wa lani awafango tënë ti to nda ti a-étude na kozo samedi ti nze oko oko. Ti mû maboko na e ti sara ni, nze oko oko a sigigi na article so ayeke na peko ti Tour ti Ba Ndo ti kangbingo ni so li ti tënë ni ayeke “Kiringo tënë na ahunda ti azo”. Tongaso, na ngoi ti bungbi ti fango tënë so a yeke sara na kozo samedi ti nze, a yeke nzoni a fa tongana nyen aita alingbi ti sara kusala na mbage so ti to nda ti a-étude nga a lingbi ti sara mbeni démonstration ti fa lege ti ziango mbeti ni na azo.

A-ancien alingbi ti soro ti sara bungbi ti fango tënë ni na yâ ti agroupe nde nde na kozo samedi ni, wala ti bungbi agroupe ni kue oko na Da ti Royaume. Me, tongana acongrégation nde nde ayeke bungbi ka na yâ ti Da ti Royaume oko, a yeke nzoni pëpe ti tene mbeni congrégation ni apusu ti lo lango ti bungbi ti fango tënë so a zia ni nde ti to nda ti a-étude na mbeni lango nde.