Kpe ti sara aye so na ngoi so mo yeke sara mbeni étude

Ti tene gbâ ti tënë: Pensé ape so mo doit ti fa aye kue. Jésus asara lani kua na ahundango tënë ti mû maboko na azo ti gbu li nga ti wara tâ kiringo tënë ni (Mt 17:24-27). Ahundango tënë ayeke sara si mandango ye ni anzere mingi nga ayeke mû maboko na mo ti bâ nyen la zo so mo yeke manda Bible na lo agbu nda ni nga amä na bê na ni. (be l. 253 par. 3-4) Tongana mo yeke hunda mbeni tënë, kanga bê nga ku kiringo tënë ni. Tongana wamandango ye ni akiri tënë na lege ni ape, ahon ti fa na lo tâ kiringo tënë ni, hunda ambeni tënë so ague na lo ti wara tâ kiringo tënë ni. (be l. 238 par. 1-2) Sara tënë na mbeni lege so amû maboko na lo ti gbu nda ti afini tënë.—be l. 230 par. 4.

Ti compliqué fango ye ni: Kpe nzara ti fa aye kue so mo hinga na ndo ti tënë ni (Jn 16:12). Luti na ndo ti kota tënë ti yâ ti paragraphe ni. (be l. 226 par. 4-5) Ti fa anzene nzene tënë so anzere alingbi ti sara si lo gbu nda ti akota tënë ni ape. (be l. 235 par. 3) Tongana wamandango ye ni agbu nda ti kota tënë ni awe, gue na paragraphe ti peko.

Ti hunzi gi aye ti manda ni hio: Ye so e ye ayeke ti ndu bê ti zo, me pëpe ti hunzi gi aye ti manda ni hio (Lc 24:32). Sara kua na ngangu ti Tënë ti Nzapa ti gboto lê ti lo na ndo ti akota versê ti ye ti manda ni. (2aC 10:4; aHb 4:12; be l. 144 par. 1-3) Sara kua na atapande so akpengba ape. (be l. 245 par. 2-4) Bâ akpale ti wamandango ye ni nga na aye so lo mä na bê na ni, na leke mandango ye ni alingbi na lo. Hunda atënë tongana: “Mo tene ti mo nyen na ndo ti ye so mo yeke manda ge so?” “Nyen la ye so afa na e na ndo ti Jéhovah?” “Aye ti nzoni wa la mo pensé so mo yeke wara tongana mo sara ye alingbi na wango so?”—be l. 238 par. 3-5; l. 259 par. 1.