Kiri na ndö ti akota tënë ni

Eskê na ambeni ngoi a yeke ngangu na mo ti dabe ti mo na aye so mo londo ti manda? A yeke si na e kue ngoi na ngoi. Nyen la apeut ti aidé e? Ti kiri na ndö ti akota tënë ni apeut ti aidé e.

Na ngoi so mo yeke manda ye, na ambeni ngoi, luti kete nga gbu li na ndö ti akota tënë ni. A yeke ye so bazengele Paul awa aita ti sara na ngoi so ala yeke diko lettre ti lo. Lo tene: “Kota tënë ni ayeke so.” (aHéb. 8:1). So lo sara tongaso, lo aidé ala ti mä yâ ti atënë so lo ye ti tene nga ti bâ tongana nyen la atënë ti lo ague oko na mba.

Mo peut ti mû mbeni ngoi, peut-être penze-ngbonga bale-oko na peko ti mandango ye ti mo, ti gbu li na ndö ti akota tënë ti ye so mo manda. Tongana mo dabe ti mo nzoni ape na akota tënë ni, kiri mo diko akete li ti tënë ni wala diko akozo tënë ti paragraphe oko oko ti aidé mo ti dabe ti mo na ni. Tongana mo manda mbeni fini ye, tara ti fa ndani na atënë ti mo wani. Tongana mo kiri na ndö ti akota tënë ni ayeke aidé mo ti bata ni nga mo yeke bâ tongana nyen la mo peut ti sara ye alingbi na ni.