၂ ရာဇဝင်ချုပ်

၃၄ ယောရှိ+ နန်းတက်ချိန်မှာ အသက်ရှစ်နှစ်ရှိပြီ။ ဂျေရုဆလင်မြို့မှာ ၃၁ နှစ် စိုးစံတယ်။+ ၂ ယောရှိက ယေဟောဝါရှေ့မှာ မှန်ရာကိုလုပ်ပြီး ဘိုးဘေးဒါဝိဒ်ရဲ့ လမ်းစဉ်အတိုင်း လိုက်တယ်။ ဘယ်ညာ မလွဲသွားဘူး။

၃ ယောရှိက လူငယ်လေးဖြစ်ပေမဲ့ နန်းစံ ၈ နှစ်မှာ ဘိုးဘေးဒါဝိဒ်ရဲ့ ဘုရားသခင်ကို စတင်ရှာဖွေတယ်။+ နန်းစံ ၁၂ နှစ်မှာ ယုဒပြည်နဲ့ ဂျေရုဆလင်မြို့က အထွတ်အမြတ်နေရာတွေ၊+ ကိုးကွယ်ရာသစ်တိုင်တွေ၊*  ရုပ်တုတွေကို+ စတင်ဖယ်ရှားတယ်။+ ၄ ဗာလဘုရားရဲ့ ယဇ်ပလ္လင်တွေ ဖြိုချတာကို သူကိုယ်တိုင်  လိုက်ကြည့်တယ်။ ပလ္လင်တွေပေါ်က နံ့သာပေါင်း မီးရှို့ရာစင်တွေကိုလည်း ကိုယ်တိုင်ခုတ်လှဲတယ်။ ကိုးကွယ်ရာသစ်တိုင်တွေ၊ ရုပ်တုတွေကို အပိုင်းပိုင်းချိုးပြီး အမှုန့်ချေပစ်တယ်။ ပြီးတော့ အဲဒီရုပ်တုတွေဆီ ပူဇော်သက္ကာ ဆက်သလေ့ရှိသူတွေရဲ့ သင်္ချိုင်းပေါ်မှာ ကြဲလိုက်တယ်။+ ၅ ပုရောဟိတ်တွေရဲ့ အရိုးတွေကို သူတို့တည်ခဲ့တဲ့ ပလ္လင်တွေပေါ်မှာပဲ မီးရှို့တယ်။+ ဒီလိုနဲ့ ယောရှိက ယုဒပြည်နဲ့ ဂျေရုဆလင်မြို့ကို သန့်စင်စေတယ်။

၆ ဒါ့အပြင် ယောရှိက မနာရှေ၊ ဧဖရိမ်၊+ ရှိမောင်နဲ့ နဿလိနယ်မြေတွေထဲမှာရှိတဲ့ မြို့တွေ၊ အဲဒီမြို့တွေဝန်းကျင်က ပျက်စီးနေတဲ့နေရာတွေမှာ၊ ၇ ယဇ်ပလ္လင်တွေကို ဖြိုချပြီး ကိုးကွယ်ရာသစ်တိုင်တွေ၊* ရုပ်တုတွေကို+ အမှုန့်ချေပစ်တယ်။ အစ္စရေးတစ်ပြည်လုံးမှာရှိတဲ့ နံ့သာပေါင်း မီးရှို့ရာစင်အားလုံးကို ခုတ်လှဲပြီးနောက်+ ဂျေရုဆလင်မြို့ကို ပြန်လာတယ်။

၈ တိုင်းပြည်နဲ့ ဗိမာန်တော်ကို သန့်စင်အောင်လုပ်ပြီးချိန် နန်းစံ ၁၈ နှစ်မှာ ယောရှိက အာဇလိရဲ့သား ရှာဖန်၊+ မြို့ဝန် မာသေယ၊ ယောခတ်ရဲ့သား အတွင်းဝန်ယောအာတို့ကို ယေဟောဝါဘုရားရဲ့ အိမ်တော်ကို ပြုပြင်ဖို့ စေလွှတ်လိုက်တယ်။+ ၉ သူတို့က ပုရောဟိတ်မင်း ဟိလခိဆီ လာပြီး ဘုရားသခင့်အိမ်တော်အတွက် ယူလာတဲ့ငွေကို ပေးကြတယ်။ အဲဒီငွေကို မနာရှေ၊  ဧဖရိမ်နဲ့ ကျန်တဲ့အစ္စရေးတွေ၊+ ယုဒနဲ့ ဗင်ယာမိန်အမျိုးသားတွေ၊ ဂျေရုဆလင်မြို့သားတွေဆီကနေ  လေဝိအမျိုးသားတံခါးစောင့်တွေ ကောက်ခံထားတာ။ ၁၀ အဲဒီငွေကို ယေဟောဝါရဲ့ အိမ်တော်လုပ်ငန်း ကြီးကြပ်ရသူတွေလက်ထဲ အပ်လိုက်တယ်။ ယေဟောဝါရဲ့အိမ်တော်မှာ အလုပ်လုပ်တဲ့သူတွေက အိမ်တော်ပြုပြင်မွမ်းမံဖို့ အဲဒီငွေကို အသုံးပြုကြတယ်။ ၁၁ ဆစ်ထားတဲ့ကျောက်တွေ၊  ထောက်တိုင်တွေအတွက် သစ်သားတွေ၊ ယုဒဘုရင်တွေကြောင့် ပျက်စီးခဲ့တဲ့အဆောင်တွေကို ပြန်ဆောက်ဖို့ ထုပ်တန်းတွေ ဝယ်နိုင်အောင်  လက်မှုပညာသည်တွေနဲ့ ဆောက်လုပ်ရေးလုပ်သားတွေဆီ အဲဒီငွေ ပေးလိုက်တယ်။+

၁၂ သူတို့  သစ္စာရှိရှိလုပ်ကြတယ်။+ လေဝိအမျိုးသား မေရာရိရဲ့သားမြေး+ ယာဟတ်နဲ့ သြဗဒိ၊ ကောဟတ်ရဲ့သားမြေး+ ဇာခရိနဲ့ မေရှုလံတို့က သူတို့ကို ကြီးကြပ်ရတယ်။ ဂီတပညာရှင်တွေဖြစ်တဲ့+ လေဝိအမျိုးသားတွေက၊ ၁၃ အထမ်းသမားတွေနဲ့ အလုပ်ခွင်အသီးသီးမှာရှိတဲ့ အလုပ်သမားတွေကို ကြီးကြပ်ရတယ်။ လေဝိအမျိုးသားတချို့က စာရေး၊ အရာရှိ၊ တံခါးစောင့်တွေ လုပ်ရတယ်။+

၁၄ ယေဟောဝါရဲ့အိမ်တော်မှာ လူတွေထည့်ထားတဲ့ အလှူငွေကို ထုတ်ယူတဲ့အခါ+  မောရှေကတစ်ဆင့်ပေးခဲ့တဲ့+ ယေဟောဝါရဲ့ ပညတ်ကျမ်းကို ပုရောဟိတ်ဟိလခိ တွေ့လိုက်တယ်။+ ၁၅ ဒါနဲ့ ဟိလခိက “ယေဟောဝါရဲ့ အိမ်တော်မှာ ဒီပညတ်ကျမ်းကို တွေ့တယ်” ဆိုပြီး စာရေးတော်ရှာဖန်ကို အပ်တယ်။ ၁၆ ရှာဖန်က အဲဒီကျမ်းကို ဘုရင့်ဆီ ယူလာပြီး “အရှင်မင်းကြီး၊ ကျွန်တော်တို့အားလုံး  ရထားတဲ့တာဝန်ကို  လုပ်ဆောင်နေပါတယ်။ ၁၇ ယေဟောဝါရဲ့အိမ်တော်မှာရှိတဲ့ ငွေကို ထုတ်ယူပြီး အလုပ်ကြီးကြပ်သူတွေ၊ အလုပ်သမားတွေလက်ထဲ အပ်လိုက်ပါပြီ” လို့လျှောက်တင်တယ်။ ၁၈ ပြီးတော့ “ပုရောဟိတ်ဟိလခိက ကျွန်တော့်ကို ဒီကျမ်းလိပ် ပေးလိုက်ပါတယ်”+ လို့ လျှောက်တင်ပြီးနောက် ဘုရင့်ရှေ့မှာ ကျမ်းလိပ်ကို ဖတ်ပြတယ်။+

၁၉ ပညတ်ကျမ်းမှာပါတဲ့ စကားတွေကို ကြားတာနဲ့ ယောရှိက ကိုယ့်အဝတ်ကို ဆွဲဆုတ်တယ်။+ ၂၀ အဲဒီနောက် ဟိလခိ၊ ရှာဖန်ရဲ့သား အဟိကံ၊+ မိက္ခာရဲ့သား အာဗဒုန်၊ စာရေးတော်ရှာဖန်၊ မင်းမှုထမ်း အသာယတို့ကို၊ ၂၁ “အခုတွေ့တဲ့ ကျမ်းလိပ်ထဲမှာပါတဲ့ စကားတွေနဲ့ပတ်သက်လို့ ငါ့အတွက်၊ အစ္စရေးနဲ့ယုဒပြည်မှာ ကျန်နေသေးသူတွေအတွက်  ယေဟောဝါဘုရားကို သွားမေးမြန်းပါ။ ဘိုးဘေးတွေက ယေဟောဝါရဲ့စကားအတိုင်း မလုပ်ဆောင်ခဲ့ဘူး။ ဒီကျမ်းလိပ်မှာပါတဲ့ စကားတွေကို မလိုက်နာခဲ့ဘူး။ ဒါကြောင့် ငါတို့ကို ယေဟောဝါ အကြီးအကျယ် အမျက်ထွက်တော့မှာပဲ”+ လို့အမိန့်ပေးတယ်။

၂၂ ဒါနဲ့ ဟိလခိက ယောရှိစေလွှတ်သူတွေနဲ့အတူ ပရောဖက်မ+ ဟုလဒဆီ သွားတယ်။ ဟုလဒက ဟရဟတ်ရဲ့မြေး၊  တိကဝရဲ့သား  အဝတ်ခန်းတာဝန်ခံ ရှလုံရဲ့ဇနီး ဖြစ်ပြီး ဂျေရုဆလင်မြို့ရဲ့ ကွက်သစ်မှာ နေထိုင်တယ်။ သူတို့ အကျိုးအကြောင်း ပြောပြတဲ့အခါ၊+ ၂၃ ဟုလဒက “အစ္စရေးတို့ရဲ့ဘုရား  ယေဟောဝါ  မိန့်မှာတယ်– ‘မင်းတို့ကို လွှတ်လိုက်တဲ့သူကို ပြန်ပြောလိုက်ပါ။ ၂၄ “ယေဟောဝါပြောတာက  ‘ဒီမြို့နဲ့ မြို့သားတွေအပေါ် ငါ ဘေးဆိုးကျရောက်စေမယ်။+ ယုဒဘုရင်ရှေ့မှာဖတ်တဲ့ ကျမ်းလိပ်ထဲက ကျိန်စာတွေအတိုင်း သူတို့ကြုံရလိမ့်မယ်။+ ၂၅ သူတို့က ငါ့ကိုစွန့်ပြီး+ တခြားဘုရားတွေဆီ ပူဇော်သက္ကာတွေ မီးရှို့ပူဇော်တယ်။ သူတို့လက်နဲ့ လုပ်တဲ့အရာတွေကို ကိုးကွယ်ပြီး ငါ့ကို စိတ်ဆိုးစေတယ်။+ ဒါကြောင့် ဒီမြို့အပေါ် မငြိမ်းနိုင်တဲ့ အမျက်တော်မီး လောင်လိမ့်မယ်။’”+ ၂၆ ယေဟောဝါကို မေးမြန်းဖို့ စေလွှတ်လိုက်တဲ့ ယုဒဘုရင်ကို ပြန်ပြောလိုက်ပါ။ “အစ္စရေးတို့ရဲ့ဘုရား ယေဟောဝါပြောတာက ‘မင်းကြားရတဲ့ စကားတွေနဲ့ ပတ်သက်လို့၊+ ၂၇ ငါယေဟောဝါ ပြောမယ်– ဒီမြို့နဲ့မြို့သားတွေနဲ့ပတ်သက်တဲ့ ဘုရားသခင်ရဲ့ စီရင်ချက်ကို ကြားတဲ့အခါ မင်း စိတ်ထိခိုက်ပြီး ကိုယ့်ကိုယ်ကိုယ် နှိမ့်ချခဲ့တယ်။ ကိုယ်ကို နှိမ့်ချတဲ့အပြင် အဝတ်ကို ဆွဲဆုတ်ပြီး ငါ့ရှေ့မှာ ငိုကြွေးခဲ့တယ်။ ဒါကို ငါကြားတယ်။+ ၂၈ ဒါကြောင့် မင်းဟာ ဘိုးဘေးတွေ စုဝေးရာကို ရောက်သွားလိမ့်မယ်။* သင်္ချိုင်းဂူမှာ အေးအေးချမ်းချမ်း လဲလျောင်းရလိမ့်မယ်။ ဒီမြို့နဲ့ မြို့သားတွေအပေါ် ငါကျရောက်စေမယ့် ဘေးဆိုးတွေကို မြင်ရမှာ မဟုတ်ဘူး’”’”+ လို့ပြောတယ်။

ဒါနဲ့  သူတို့က  ယောရှိမင်းကိုအကြောင်းစုံ  ပြန်လျှောက်တင်တယ်။ ၂၉ ယောရှိမင်းက ယုဒပြည်နဲ့ ဂျေရုဆလင်မြို့မှာရှိတဲ့  အကြီးအကဲတွေကို လူလွှတ်ပြီး ဆင့်ခေါ်လိုက်တယ်။+ ၃၀ အဲဒီနောက် ယုဒအမျိုးသားတွေ၊ ဂျေရုဆလင်မြို့သူမြို့သားတွေ၊ ပုရောဟိတ်တွေ၊ လေဝိအမျိုးသားတွေ၊ လူကြီးလူငယ်တွေအားလုံး ယေဟောဝါရဲ့  အိမ်တော်ကို တက်သွားတယ်။ ယေဟောဝါရဲ့အိမ်တော်မှာ တွေ့ခဲ့တဲ့ ပဋိညာဉ်ကျမ်းလိပ်ထဲက  စကားတွေကို အားလုံးကြားအောင် ဖတ်ပြတယ်။+ ၃၁ ပြီးတော့ ယောရှိမင်းက ယေဟောဝါနောက်ကို လိုက်ပါ့မယ်၊ ဒီကျမ်းလိပ်ထဲက ပဋိညာဉ်စကားတွေအတိုင်း လုပ်ဆောင်ပါ့မယ်၊+ ဒီနည်းနဲ့ ပညတ်ချက်တွေ၊ သတိပေးချက်တွေ၊ စည်းမျဉ်းတွေကို စိတ်စွမ်းရှိသမျှ၊ ကိုယ်စွမ်းရှိသမျှ လိုက်နာပါ့မယ်လို့+ သူ့နေရာမှာ ရပ်ပြီး ယေဟောဝါရှေ့ ကတိသစ္စာပြုတယ်။+ ၃၂ ဒါ့အပြင် ဂျေရုဆလင်မြို့နဲ့ ဗင်ယာမိန်နယ်မြေမှာ ရှိသူတွေကို အဲဒီပဋိညာဉ်အတိုင်း လိုက်နာဖို့ တိုက်တွန်းတယ်။ ဂျေရုဆလင်မြို့သားတွေလည်း  ဘိုးဘေးတို့ကိုးကွယ်တဲ့ ဘုရားသခင်ရဲ့ ပဋိညာဉ်အတိုင်း လုပ်ဆောင်ကြတယ်။+ ၃၃ ယောရှိက ရွံရှာဖွယ်ရုပ်တု ရှိသမျှကို အစ္စရေးနယ်မြေအားလုံးကနေ ဖယ်ရှားတယ်။+ အစ္စရေးတွေကိုလည်း ယေဟောဝါဘုရားကို ဝတ်ပြုဖို့ တိုက်တွန်းတယ်။ သူတို့က သူ့လက်ထက် တစ်လျှောက်လုံးမှာ ဘိုးဘေးတို့ရဲ့ဘုရား ယေဟောဝါနောက်ကို လမ်းမလွဲဘဲ လိုက်ကြတယ်။