၆၉ ပေတရုက ခြံဝင်းထဲ ထိုင်နေတုန်း အစေခံမလေးတစ်ယောက် ရောက်လာပြီး “ရှင်ဟာ ဂါလိလဲပြည်သား ယေရှုနဲ့တစ်ဖွဲ့တည်းပဲ” လို့ပြောတယ်။+ ၇၀ လူအားလုံးရှေ့မှာ ပေတရုက “ခင်ဗျားပြောနေတာတွေကို ကျွန်တော် မသိဘူး” လို့ ငြင်းတယ်။

၆၆ ပေတရုက ခြံဝင်းထဲမှာပဲ ရှိနေတုန်း  ပုရောဟိတ်မင်းရဲ့  အစေခံမလေးတစ်ယောက် ရောက်လာတယ်။+ ၆၇ မီးလှုံနေတဲ့ ပေတရုကို တွေ့တဲ့အခါ အသေအချာ ကြည့်ပြီး “ရှင်လည်း နာဇရက်မြို့သား ယေရှုနဲ့တစ်ဖွဲ့တည်း မဟုတ်လား” လို့ပြောတယ်။ ၆၈ ပေတရုက “သူ့ကို ကျွန်တော် မသိဘူး။ ခင်ဗျား ဘာတွေပြောနေမှန်းလည်း ကျွန်တော် နားမလည်ဘူး” လို့ငြင်းပြီး ခြံအဝင်ဝဘက်ကို ထွက်သွားလိုက်တယ်။

၅၅ ခြံဝင်းအလယ်မှာ လူတွေ မီးဖိုပြီး ဝိုင်းထိုင်တဲ့အခါ  ပေတရုလည်း သူတို့ကြားမှာ  ဝင်ထိုင်တယ်။+ ၅၆ ပေတရု ထိုင်ပြီးမီးလှုံနေတာကို အစေခံမလေးတစ်ယောက်  တွေ့တဲ့အခါ အသေအချာကြည့်ပြီး “သူလည်း ဟိုလူနဲ့ တစ်ဖွဲ့တည်းပဲ”  လို့ပြောတော့၊ ၅၇ “သူ့ကို ကျွန်တော် မသိပါဘူး” လို့ ငြင်းတယ်။

၂၅ ရှိမုန်ပေတရုကတော့ ရပ်ပြီး မီးလှုံနေတယ်။ အဲဒီအချိန်မှာ “ခင်ဗျားလည်း အဲဒီလူရဲ့ တပည့်ပဲ မဟုတ်လား” လို့မေးကြတော့ ပေတရုက “မဟုတ်ပါဘူး” လို့ ငြင်းတယ်။+