9 Igihe Abisirayeli batakiraga Yehova ngo abatabare,+ Yehova yabahaye umuntu wo kubatabara+ ari we Otiniyeli,+ umuhungu wa Kenazi murumuna wa Kalebu. 10 Umwuka wa Yehova uza kuri Otiniyeli+ aba umucamanza wa Isirayeli. Nuko agiye ku rugamba Yehova atuma atsinda Kushani-rishatayimu umwami wa Mezopotamiya.

34 Umwuka wa Yehova uza* kuri Gideyoni,+ nuko avuza ihembe+ maze abakomoka kuri Abiyezeri+ bifatanya na we.

29 Umwuka wa Yehova uza kuri Yefuta,+ anyura i Gileyadi no mu karere k’abakomoka kuri Manase, agera i Misipe y’i Gileyadi,+ avuyeyo ajya gutera Abamoni.

5 Nuko Samusoni amanukana n’ababyeyi be bajya i Timuna. Ageze ku mirima y’imizabibu y’i Timuna abona intare ije imutontomera. 6 Umwuka wa Yehova utuma agira imbaraga+ maze iyo ntare ayicamo kabiri nk’uko umuntu yaca umwana w’ihene mo kabiri, nta kindi kintu akoresheje. Icyakora ntiyabibwiye ababyeyi be.

10 Sawuli n’umugaragu we bava aho bajya ku musozi, ahura n’itsinda ry’abahanuzi. Umwuka w’Imana utuma agira imbaraga+ atangira guhanurana+ na bo. 11 Nuko abari bamuzi bose bamubonye ari kumwe n’abahanuzi ahanura, barabazanya bati: “Byagendekeye bite umuhungu wa Kishi? Ese Sawuli na we ni umuhanuzi?”

13 Samweli afata ihembe ryarimo amavuta+ ayamusukaho bakuru be babireba. Kuva uwo munsi umwuka wa Yehova utuma Dawidi agira imbaraga.+ Nyuma yaho Samweli asubira i Rama.+