• Gutegeka kwa Kabiri 4:34
    Bibiliya y’Ubuhinduzi bw’Isi Nshya

    • 34 Cyangwa hari abandi bantu Imana yagerageje gufata ngo ibagire abayo ikabakura mu kindi gihugu ikoresheje ibigeragezo, ibimenyetso, ibitangaza,+ intambara,+ ukuboko gukomeye+ kandi kurambuye n’ibikorwa biteye ubwoba,+ nk’ibyo Yehova Imana yanyu yabakoreye byose muri Egiputa, namwe ubwanyu mubyirebera?

  • Nehemiya 9:10
    Bibiliya y’Ubuhinduzi bw’Isi Nshya

    • 10 Hanyuma ukora ibimenyetso n’ibitangaza kugira ngo uhane Farawo n’abagaragu be bose n’abantu bo mu gihugu cye bose,+ kuko wari uzi ko ibyo bakoreraga abagaragu bawe babiterwaga n’ubwibone.+ Nuko wihesha izina rikomeye kugeza n’ubu.*+

  • Zab. 105:27-36
    Bibiliya y’Ubuhinduzi bw’Isi Nshya

    • 27 Bakoreye ibimenyetso byinshi muri bo,*

      Bakorera ibitangaza mu gihugu cya Hamu.+

      28 Yohereje umwijima maze igihugu kirijima,+

      Kandi bumviye* amagambo yayo.

      29 Amazi y’Abanyegiputa yayahinduye amaraso,

      Yica amafi yabo.+

      30 Igihugu cyabo cyuzuye ibikeri,+

      Byuzura no mu byumba by’ibwami.

      31 Yahamagaye amasazi aryana cyane* araza,

      Ihamagara n’imibu* ngo ize mu turere twabo twose.+

      32 Aho kugusha imvura yagushije urubura,

      Kandi yohereza imirabyo mu gihugu cyabo.+

      33 Yangije imizabibu n’imitini yabo,

      Kandi ivunagura ibiti byo mu gihugu cyabo.

      34 Yahamagaye inzige ziraza,

      Haza inzige nyinshi cyane.+

      35 Zariye ibimera byose byo mu gihugu cyabo,

      Zirya ibyari byeze ku butaka bwabo byose.

      36 Yishe abana bose b’imfura bo mu gihugu cyabo,+

      Abo ubushobozi bwabo bwo kubyara bwatangiriyeho.