Obone Obuhirhi bw’Ekiroho Wakakolesa

Amango rhuli rhwasoma Ebibliya, rhwanalonza obuhirhi bw’ekiroho omu kujira obusagasi. Cikone gurhi rhwakajira lyo rhuyunguka bwenene kulusha?

Ohumbirire bwenene omu mahugûlo masungunu-ngunu g’emyanzi y’Ebibliya. Kwa lwiganyo, olonze okumanya ndi wayandikaga lwandiko lulebe, ndi ayandikiraga, na mangaci ayandikaga. Omu kanga kahi omwanzi gwayandikagwamwo, bici byabire embere, n’enyuma z’aho?

Orhanye lugenda amasomo wakaciyigiriza omu kujira obusagasi lugenda amadoso nka: ‘Gurhi abantu baganirirwe mw’ogu mwanzi bakag’iciyumva? Morhere gahi bayerekine? Bici birhumire nshinganine nyige ago morhere erhi nyake okuba nago?’

Okolese amasomo ociyigirizize, nkaba omu mukolo gwawe gw’amahubiri erhi amango oli wajira ebintu haguma n’abandi. Omu kujira ntyo, wanayerekana obwenge kurhenga emwa Nnâmahanga, nk’oku Ebibliya enadesire: “Oli murhimanya [wa bwenge, NWT], ashimbe ebi byoshi.”—Enna. 107:43.

• Opime okujira ntya: Olole gurhi emyanzi eganirirwa omu cigabi c’entimanano yirhu y’omu kagarhi k’omugobe cidesire, Obugale bw’Akanwa ka Mungu erhurhabalamwo lyo rhurhanya lugenda gurhi rhwakakolesamwo ebi rhuyiga. Kanji-kanji eco cigabi cibamwo amadoso rhwakacidosa, entanya rhwakarhanyako bwenene, n’enfoto rhwakaganirira.