හැඳින්වීම
පවුලේ සතුටට යෝජනා 12ක්
පවුල් අවුල් වෙන හේතු ගැන අද අපිට ඕන තරම් අහන්න ලැබෙනවා. ඒ නිසා පවුලේ හැමෝටම ආදරෙන් ඉන්න උදව් වෙන්නේ මොනවාද කියලා අපි මේ සඟරාවෙන් බලමු.
1990ත් 2015ත් අතර කාලයේ එක්සත් ජනපදයේ අවුරුදු 50ට වැඩි යුවළයන් දික්කසාද වෙන ප්‍රතිශතය දෙගුණයකින් වැඩි වෙලා. අවුරුදු 65ට වැඩි යුවළයන් දික්කසාද වෙන ප්‍රතිශතය තුන්ගුණයකින් වැඩි වෙලා.
සමහර විද්වතුන් කියනවා දරුවන්ව නිතරම අගය කරන්න ඕනෙ කියලා. තවත් අය කියනවා දරුවන්ට තදින් ඉන්න ඕනෙ කියලා. ඒ නිසා හරි දේ මොකක්ද කියලා දෙමාපියන්ට හිතාගන්න බැහැ.
වැඩිහිටි වියට පය තියන හුඟක් යෞවනයන් ජීවිතේ සාර්ථක කරගන්න පුළුවන් කොහොමද කියලා දන්නේ නැහැ.
කොහොමවුණත් අපි මේ කරුණු තුන මතක තියාගමු.
විවාහක යුවළකට හැමදාම සතුටින් එකට ඉන්න පුළුවන්.
දරුවන්ව ආදරෙන් හික්මවන විදිහ ඉගෙනගන්න දෙමාපියන්ට පුළුවන්.
අනාගතයේදී වැඩිහිටියන් විදිහට සාර්ථක ජීවිතයක් ගත කරන්නේ කොහොමද කියලා ඉගෙනගන්න යොවුන් දරුවන්ට පුළුවන්.
ඒ කොහොමද? ඒකට උදව් වෙන යෝජනා 12ක් දැන් බලමු.