පවුලක් විදිහට සතුටින් ඉන්න පුළුවන් කොහොමද?

බයිබලයේ කියන්නේ මෙහෙමයි

“ඇත්තටම සතුටින් ඉන්නේ දෙවියන් කියන දේ අහලා ඒක පිළිපදින අයයි.”—ලූක් 11:28, ‘නව ලොව පරිවර්තනය.’

ඒක විශ්වාස කරද්දී ලැබෙන ප්‍රයෝජන

නියම ආදරය.—එෆීස 5:28, 29.

ගෞරවය.—එෆීස 5:33.

රැකවරණය.—මාක් 10:6-9.

බයිබලයේ තියෙන දේ විශ්වාස කරන්න පුළුවන්ද?

ඔව්. හේතු දෙකක් බලන්න.

• පවුල් සැලැස්ම ඇති කළේ දෙවියන්. බයිබලයේ කියන්නේ “හැම පවුලකටම නම ලැබිලා තියෙන්නේ” යෙහෝවා දෙවියන්ගෙන් කියලයි. (එෆීස 3:14, 15) එහෙම කියලා තියෙන්නේ පවුල් සැලැස්ම ඇති කළේ යෙහෝවා නිසයි. ඒක තේරුම්ගන්න එක වැදගත් වෙන්නේ ඇයි?

  ඔයාට රස කෑමක් කන්න ලැබෙනවා කියලා හිතන්න. ඒක හැදුවේ කොහොමද කියලා දැනගන්න නම් ඒ ගැන අහන්න ඕනෙ කාගෙන්ද? ඒක හදපු කෙනාගෙන්ම නේද?

  ඒ වගේ තමයි, පවුලක් විදිහට සතුටින් ඉන්න පුළුවන් කොහොමද කියලා අහන්න ඕනෙත් පවුල් සැලැස්ම ඇති කරපු යෙහෝවා දෙවියන්ගෙන්මයි.—උත්පත්ති 2:18-24.

• දෙවියන් අපි ගැන ගොඩක් හිතනවා. යෙහෝවා ‘අපි ගැන ගොඩක් හිතන’ නිසා ඔහු අපිට උදව් වෙන මඟ පෙන්වීම් බයිබලයේ දීලා තියෙනවා. (1 පේතෘස් 5:6, 7) ඔහු ඒවා දීලා තියෙන්නේ අපේ සතුට ගැන හිතලා. ඒ නිසා ඔහු දෙන මඟ පෙන්වීම් පිළිපදිද්දී ප්‍රයෝජන ලැබෙන්නේ අපිටමයි.—හිතෝපදේශ 3:5, 6; යෙසායා 48:17, 18.