දුක් කරදර කවදා හරි නැති වෙයිද?

බයිබලයේ කියන්නේ මෙහෙමයි

“දෙවියන් එයාලාගේ ඇස්වලින් හැම කඳුළක්ම පිහලා දානවා. මරණය නැත්තටම නැති වෙනවා. ආයේ කවදාවත් අඬන්නවත් වැලපෙන්නවත් වේදනා විඳින්නවත් වෙන්නේ නැහැ.”—එළිදරව් 21:3, 4, ‘නව ලොව පරිවර්තනය.’

ඒක විශ්වාස කරද්දී ලැබෙන ප්‍රයෝජන

දුක් කරදර ඇති කරන්නේ දෙවියන් නෙමෙයි කියලා අපි දැනගන්නවා.—යාකොබ් 1:13.

දෙවියන්ටත් අපේ දුක ඒ විදිහටම දැනෙනවා කියලා අපි තේරුම්ගන්නවා.—සෙකරියා 2:8.

දුක් කරදර අනිවාර්යයෙන්ම නැති වෙනවා කියන බලාපොරොත්තුව තියාගන්න පුළුවන්.—ගීතාවලිය 37:9-11.

බයිබලයේ තියෙන දේ විශ්වාස කරන්න පුළුවන්ද?

ඔව්. හේතු දෙකක් බලන්න.

• දුක් වේදනා, අසාධාරණකම් දැක්කාම ඒක දෙවියන්ට දුකක්. අතීතයේදී ඔහුගේ සෙනඟට ‘සතුරන් ගොඩක් හිංසා පීඩා කරද්දී’ යෙහෝවා දෙවියන්ට ලොකු දුකක් දැනුණා කියලා බයිබලයේ කියනවා.—විනිශ්චයකරුවෝ 2:18.

  අනුන්ට කුරිරු විදිහට සලකන අයට දෙවියන් පොඩ්ඩක්වත් කැමති නැහැ. “අහිංසකයන්ගේ ලේ හලන අත්” ඔහු පිළිකුල් කරනවා කියලා බයිබලයේ කියන්නේ ඒ නිසයි.—හිතෝපදේශ 6:16, 17.

• දෙවියන් අපි එක් එක් කෙනා ගැන සැලකිලිමත්. අපි එක් එක් කෙනාට තියෙන ‘ප්‍රශ්න සහ වේදනා’ දන්නේ අපි විතරක් නෙමෙයි යෙහෝවා දෙවියනුත් ඒ ගැන හොඳින්ම දන්නවා.—2 ලේකම් 6:29, 30.

  යෙහෝවා දෙවියන් ළඟදීම අපි එක් එක් කෙනා මූණ දෙන ප්‍රශ්න හැම එකක්ම ඔහුගේ රාජ්‍යයෙන් නැති කරනවා. (මතෙව් 6:9, 10) ඒ දවස එන කල්, අපි යෙහෝවා දෙවියන් ගැන අවංකවම හෙව්වොත් ඔහු අපිට ඕන කරන සැනසීම දෙනවා.—ක්‍රියා 17:27; 2 කොරින්ති 1:3, 4.