සඟරාවක් ඉදිරිපත් කිරීමට සූදානම් වන ආකාරය
1. අපගේ රාජ්‍ය සේවාවේ සඳහන් සඟරා ඉදිරිපත් කිරීම් කට පාඩම් කරනවාට වඩා පෞද්ගලිකව ඒවාට හොඳින් සූදානම් වීම වැදගත් ඇයි?
1 ‘සඟරා ඉදිරිපත් කරන ආකාරය අපගේ රාජ්‍ය සේවාවේ සෑම කලාපයකම තියෙනවානේ. ඒනිසා ඇයි අපි සඟරා ඉදිරිපත් කිරීමට අමුතුවෙන් සූදනම් වෙන්නේ?’ කියා ඔබට සිතෙනවා විය හැකියි. ඉදිරිපත් කරන ආකාරය එසේ සඳහන් කර තිබුණත්, පෞද්ගලිකව ඊට සූදානම් වීම අවශ්‍යයි. එක ප්‍රදේශයකට ගැළපෙන ඉදිරිපත් කිරීමක් තවත් ප්‍රදේශයකට නොගැළපෙනවා විය හැකියි. ඒ නිසා, අපගේ රාජ්‍ය සේවාවේ සඳහන් කර ඇති විදිහටම ඒවා ඉදිරිපත් කිරීම අනිවාර්යයයි අපි නොසිතිය යුතුයි. දී ඇති ඉදිරිපත් කිරීමක් අපි යොදාගත්තත්, ඒවා අපේම වචනවලින් ඉදිරිපත් කිරීමයි, වඩාත්ම හොඳම දේ.
2. ඉදිරිපත් කරන්නේ කිනම් ලිපියද කියා තීරණය වන්නේ කුමකින්ද?
2 ලිපියක් තෝරාගන්න: පළමුව සඟරාව කියවන්න. ඉන්පසු ඔබේ සිත් ගත්, ඔබේ ප්‍රදේශයට ගැළපෙන ලිපියක් තෝරාගන්න. ඔබ එය උද්‍යෝගයෙන් ඉදිරිපත් කරන විට ගෙවැසියාද එය කියවීමට පෙලඹේවි. ඔබ ප්‍රදේශයට ගැළපෙන එක ලිපියක් ගැන සඳහන් කළත්, මුළු සඟරාවේ අනෙකුත් ලිපිවලටද හොඳින් හුරුවෙන්න. වෙනත් විෂයක් ගැන උනන්දු කෙනෙකුට ගැළපෙන පරිදි ඉදිරිපත් කිරීම සකස් කරගන්නට මේ අන්දමින් ඔබට හැකි වේවි.
3. හොඳම ප්‍රතිඵල ලැබෙන්නේ කිනම් ආකාරයේ හැඳින්වීමකින්ද?
3 ප්‍රශ්නයක් අසන්න: ඔබ මුලින්ම කියන දේ හරිම වැදගත්. ඒ නිසා ඒ ගැන හොඳින් සිතන්න. ඔබ ඉදිරිපත් කරන්නට යන ලිපිය කෙරෙහි උනන්දුවක් ඇතිවන පරිදි, ගෙවැසියාව කල්පනා කිරීමට සලස්වන ප්‍රශ්නයක් ඇසීම හොඳයි. ගෙවැසියාගෙන් යමක් විමසීම සාමාන්‍යයෙන් හොඳ කතා බහකට මඟ පාදනවා. ගෙවැසියා අපහසුතාවකට ලක් කරන හෝ වාදයකට පැටලීමට ඉඩ තිබෙන ප්‍රශ්න අසන්න එපා.
4. හැකි නම්, බයිබල් පදයක් කියවා සඟරාව ඉදිරිපත් කිරීමේ ඇති ප්‍රයෝජන කවරේද?
4 බයිබල් පදයක් කියවන්න: දැන්, හැකිනම් බයිබල් පදයක් තෝරාගෙන කියවන්න. එය ඔබ ඉදිරිපත් කරන ලිපියේ සඳහන් එකක් නම් වඩාත් හොඳයි. බයිබල් පදයක් කියවද්දී ගෙවැසියා දකින දේ නම්, අප කියන පණිවුඩය බයිබලයෙන් එන පණිවුඩයක් බවයි. (1 තෙස. 2:13) ඔහු සඟරා එපා කිව්වත් බයිබල් පදයක් කියවද්දී ඔහුට ශුද්ධ ලියවිල්ලෙන් සාක්ෂියක් ලැබෙන බව අමතක කරන්න එපා. යම් ප්‍රශ්නයක් ඇසීමට පෙර බයිබල් පදයක් කියවා ගෙවැසියාගේ උනන්දුව පිබිදීමට සමහරුන්ට හැකි වී තිබෙනවා. බයිබල් පදය කියවීමට පෙර මෙසේ අසන්න ඔබට පුළුවන්. “මම කියවන මේ දේ ගැන ඔයාට මොකද හිතන්නේ කියලා කියන්න පුළුවන්ද?” ඉන්පසු ඔහු කියන දේට සවන් දී, සඟරාවේ සඳහන් යම් කරුණකට ඔහුගේ අවධානය යොමු කරවා, ඒ ගැන උනන්දුවක් ඇති කරන්න.
5. සඟරා ඉදිරිපත් කිරීමට සූදානම් වීමේදී අප මතක තබා ගත යුතු ප්‍රධාන දේ කුමක්ද?
5 සඟරාවක් එකම විදිහට ඉදිරිපත් කළ යුතුයි කියා තද නීති දමා නැහැ. කෙටියෙන් සරලව සඟරා හඳුන්වා දීමයි හොඳම දේ. ඔබට පහසු වඩාත් හොඳ ප්‍රතිඵල ලැබෙන විදිහකට සඟරා හඳුන්වා දෙන්න. අපේ සඟරා ඉතා වටිනවා. එය මතකයේ තබාගෙන උද්‍යෝගයෙන් ඒවා ඉදිරිපත් කරන්න. ඔබ හොඳින් සූදානම් නම්, මුරටැඹ සහ පිබිදෙව්! කලාප ‘සදාකාල ජීවනය සඳහා නිසි නැඹුරුවාවක් ඇති අයට’ ඉතා උනන්දුවෙන් බෙදා දී හොඳ ප්‍රතිඵල ලබාගැනීමට ඔබට හැකි වේවි.—ක්‍රියා 13:48.