දෙවි සමඟ තිබෙන සබඳතාව රැකගැනීමට උපකාරයක්
1. දේවසේවය නිසියාකාරව ඉටු කිරීමට දෙවි ලබා දෙන සැපයුමක් සඳහන් කරන්න.
1 වර්ෂ 2010 සේවා වසරේ අපගේ චාරිකා එක්රැස්වීමේ තේමාව වන්නේ “දෙවි සමඟ තිබෙන සබඳතාව රැකගන්න” යන්නයි. එය රෝම 8:5 සහ යූද් 17-19 යන බයිබල් පද මත පදනම් වූ තේමාවක්. එම වැඩසටහන ආරම්භ වන්නේ 2009 අගෝස්තු 31න් පටන්ගන්නා සතියෙන්. යෙහෝවා දෙවි අපට මේ වැඩසටහන පිළියෙල කර දීමේ අරමුණ මොකක්ද? දේවසේවය සඳහා අවශ්‍ය තොරතුරු, පුහුණුව හා දිරිගැන්වීම අපට ලබා දීමටයි.—මතෙ. 24:14; 2 තිමෝ. 4:17.
2. (අ) මේ වැඩසටහන අපිට ප්‍රයෝජනවත් වන්නේ කුමක් කිරීමටද? (ආ) කලින් වසරවල පැවැත්වූ චාරිකා එක්රැස්වීම් දේවසේවය සාර්ථකව ඉටු කිරීම සඳහා ඔබට ප්‍රයෝජනවත් වුණේ කොහොමද?
2 ප්‍රයෝජන: අපේ හදවත රැකගැනීමටත් දෙවි සමඟ තිබෙන මිත්‍රත්වය රැකගැනීමටත් එමගින් ලැබෙන ආශීර්වාද ගැන මතක් කර ගැනීමටත් චාරිකා එක්රැස්වීම් වැඩසටහන අපට ප්‍රයෝජනවත් වෙනවා. එහිදී අපිට මෙම ප්‍රශ්නවලට පිළිතුරු ලැබෙනවා. නමස්කාරය සඳහා වෙන් කළ යුතු කාලය, නාස්ති කර දමන දේවල් මොනවාද? ඉන් විය හැකි අනතුරු මොනවාද? ඕනෑවට වඩා ලිහිල් ආකල්පයක් අප තුළ ඇති වීමට ඉඩ දීමෙන් වළකින්නේ කොහොමද? දෙවි ප්‍රිය කරන ආකාරයට කටයුතු කරන කෙනෙකුව හඳුනාගන්නේ කොහොමද? දිනෙන් දින වැඩි වන දුෂ්කරතා හා පීඩනවලට මුහුණ දෙන විට දෙවි කෙරෙහි තිබෙන විශ්වාසය තනිවම හා පවුල් වශයෙන් රැකගන්නේ කොහොමද කියා ඉරිදා තිබෙන කතා මාලාවෙන් දැනගත හැකියි.
3. ඔබේ සභාවට අයත් චාරිකා එක්රැස්වීම පවත්වන්නේ කවදාද? ඒ සම්බන්ධයෙන් ඔබේ අධිෂ්ඨානය කුමක්ද?
3 ඔබේ සභාවට අයත් චාරිකා එක්රැස්වීම පවත්වන්නේ කවදාද කියා ඔබ දැනගත් විගසම ඒ දවස් දෙකටම සහභාගි වී හොඳින් සවන් දීමට සැලසුම් කරන්න. උත්සාහවන්ත අයගේ සැලසුම් යෙහෝවා දෙවි සාර්ථක කරන බවට සහතික වෙන්න.—හිතෝ. 21:5.
4. මේ වැඩසටහන අපගේ දේවසේවයට බලපාන්නේ කොහොමද?
4 අපට අවශ්‍ය සෑම යහපත් දීමනාවක්ම ලබා දෙන්නේ යෙහෝවා දෙවියි. අපි ඒ ගැන ඔහුට සදා ණයගැතියි. විශ්වාසවන්ත දාස පන්තිය මගින් දෙවි සපයන මේ වැඩසටහන ‘දෙගිඩියාවකින් තොරව අපේ බලාපොරොත්තුව ගැන ප්‍රසිද්ධියේ ප්‍රකාශ කිරීමට’ දේවසේවකයන් හැටියට අපට උපකාරවත් වෙනවා.—හෙබ්‍රෙ. 10:23-25; යාකො. 1:17.