උදව් කරන්න කැමතිද?

ගොඩක් සභාවල ඉන්න ප්‍රචාරකයන්ට සෞඛ්‍ය ගැටලු නිසා හෝ මහලු වයස නිසා සේවයේ හවුල් වෙන්න අමාරුයි. (2 කොරි. 4:16) ඔයාගේ බයිබල් පාඩමකට ඒ වගේ කෙනෙක්ව එක්කගෙන යන්න පුළුවන්ද? ඒ වගේ ප්‍රචාරකයෙක්ට ගෙදරින් එළියටවත් යන්න බැරි තත්වයක් තියෙනවා නම් එයාගේ ගෙදර බයිබල් පාඩමක් කරන්න පුළුවන්ද? හොඳ සෞඛ්‍යයක් නැති කෙනෙක්ව ටික වෙලාවකට ගෙයින් ගෙට සේවයේ හරි නැවත බැලීම් කිහිපයකට හරි එක්කගෙන යන්න ඔයාට පුළුවන්ද? බොහෝ වැඩිහිටි ප්‍රචාරකයන්ට සේවය සම්බන්ධයෙන් හොඳ අද්දැකීම් තියෙනවා. ඒ නිසා ඔයා උදව් කරන එකෙන් එයාට විතරක් නෙවෙයි ඔයාටත් ලොකු දිරිගැන්වීමක් ලැබෙයි. (රෝම 1:12) මේ විදිහට ප්‍රේමය පෙන්වද්දී යෙහෝවා දෙවිගේ ආශීර්වාදත් ඔයාට ලැබෙන බව නිසැකයි.—හිතෝ. 19:17; 1 යොහ. 3:17, 18.