සේවයේ දක්ෂ වීමට සඟරා මාර්ග ඇති කරගන්න

ඒක වැදගත් ඇයි? අපේ සඟරා කියවන හුඟක් අය බයිබල් පාඩමක් කරන්න කැමති නැහැ. ඒකට හේතුව ආගම වෙනස් කරන්න අකමැති නිසා හරි වෙලාවක් නැහැ කියලා හිතන නිසා හරි වෙන්න පුළුවන්. ඒත් ඔවුන් අපේ සඟරා නිතර කියවද්දී දේවවචනයට ආශාවක් ඇති කරගනියි. (1 පේතෘ. 2:2) සඟරාවක තියෙන ලිපියක් කෙනෙක්ගේ හිතට කාවදින්න ඉඩ තියෙනවා. එහෙම නැත්නම් ඔහුගේ තත්වයන් වෙනස් වෙන්න ඉඩ තියෙනවා. අපි දිගටම ඔහුව හම්බ වෙන්න ගිහින් හිතවත් වුණාම අපිට පුළුවන් ඔහු උනන්දු වෙන දේවල් දැනගන්න. එහෙම යද්දී බයිබල් පාඩමක් පටන්ගන්නත් පුළුවන් වෙයි.

ඒක කරන්නේ කොහොමද?

හැම මාසයකම අලුත් ‘මුරටැඹ’ සහ ‘පිබිදෙව්!’ සඟරා ගෙනිහින් දෙන්න වෙලාව වෙන් කරගන්න. සඟරාවක තියෙන ලිපියක් කියවන්න ආශාව ඇති කරන්න වෙන දවසක යන්න පුළුවන්. නැත්නම් මාසයේ ඉදිරිපත් කරන ප්‍රකාශනයක් ගෙනිහින් දෙන්නත් පුළුවන්. ඒ නිසා තොරතුරු හොඳින් සටහන් කරගන්න එක වැදගත්.—2014 ජනවාරි ‘රාජ්‍ය සේවාවේ’ 7වෙනි පිටුව බලන්න.
හොඳින් සූදානම් වෙලා යන්න. සඟරා නිකම්ම දීලා එනවාට වඩා නිවැසියා එක්ක ටිකක් කතා කරලා ඔහු එක්ක හිතවත් වෙන්න. එතකොට ඔහුගේ උනන්දුව තවත් වැඩි කරන්න පුළුවන් වෙයි.
පාඩමක් පටන්ගන්න පුළුවන් අවස්ථා ගැන කල්පනාවෙන් ඉන්න. සඟරා මාර්ගයක් ඇති කරගෙන තියෙන කෙනෙක් යම් විෂයක් ගැන බයිබලයේ කියන්නේ මොකක්ද කියලා ඇහුවොත් ඒ ගැන තොරතුරු තියෙන, බයිබල් පාඩමක් සඳහා යොදාගන්න ප්‍රකාශනයක් දීලා ඒ ගැන සාකච්ඡා කරන්න. පිට වෙන්න කලින් ඊළඟ වතාවේ සාකච්ඡා කරන්න පුළුවන් ඊට අදාළ ප්‍රශ්නයක් අහන්න. මේ විදිහට ඔබ නිතිපතා පිළිවෙළකට බයිබලයෙන් හරි බයිබල් පාඩමක් කරන ප්‍රකාශනයකින් හරි කෙටි සාකච්ඡාවක් කරනවා නම් ඔබ බයිබල් පාඩමක් පටන් අරගෙන! ඔබ නිවැසියාට ‘ප්‍රීතිමත් පණිවිඩයක්!’ කියන සඟරාව දීලා බයිබල් පාඩමක් පුංචි වෙලාවකින් කරන විදිහ පෙන්නලා තියෙනවාද? ඔබ ඔහුට ‘බයිබලයේ තියෙන තොරතුරු සොයා බලන්න ඕන ඇයි?’ සහ ‘බයිබල් සාකච්ඡාවක් කරන්නේ කොහොමද?’ කියන වීඩියෝ පෙන්නලා තියෙනවාද? කලින් පාඩමක් කරන්න කැමැත්තක් දැක්වුවේ නැතත් තත්වයන් වෙනස් වෙනවා. ඒ නිසා බයිබල් පාඩමක් පටන්ගන්න පුළුවන්ද කියලා ආපහු උත්සාහ කරලා බලන්න.

මාසය තුළ මෙය අත්හදා බලන්න

සඟරා මාර්ග ඇති කරගන්න පුළුවන් අයගේ නම් ලියාගන්න. ඒ අයට අලුත් සඟරා දීලා ඊළඟ කලාප ගෙනත් දෙන්නම් කියලා කියන්න.