යහපත් ක්‍රිස්තියානීන් වෙමු
සේවයේ දක්ෂ වීමට - ‘සත්‍යය පිළිගන්න කැමති’ අයට ගෝලයන් වෙන්න උදව් කරන්න
ඒක වැදගත් ඇයි? යෙහෝවා දෙවි ‘සදාකාල ජීවනයට මඟ පාදන සත්‍යය පිළිගන්න කැමති’ අයගේ හිත්වල සත්‍යයේ බීජ වැඩෙන්න සලස්වනවා. (ක්‍රියා 13:48; 1කොරි 3:7) දෙවිගේ හවුල් වැඩකරුවන් විදිහට අපි උත්සාහ කරන්න ඕනෙ අපේ පණිවිඩයට හොඳ ප්‍රතිචාරයක් දක්වන අයව හොයන්න. (1කොරි 9:26) ගැලවීම ලබාගන්න නම් බව්තීස්ම වෙන එක අනිවාර්ය දෙයක් කියන දේ බයිබල් ශිෂ්‍යයන් තේරුම්ගන්න ඕනේ. (1පේතෘ 3:21) එයාලට ගෝලයන් වෙන්න උදව් කරන්න අපිට පුළුවන් කොහොමද? අවශ්‍ය වෙනස්කම් කරගන්න, දේශනා කරන්න, උගන්වන්න සහ ජීවිතය දෙවිට කැප කරන්න අපි එයාලට උදව් කරන්න ඕනේ.—මතෙ 28:19, 20.
ඒක කරන්නේ කොහොමද?
බයිබලයේ තියෙන දේවල් ගැන ඉගෙනගන්න ඕනෙ යෙහෝවා දෙවිව ‘දැන හඳුනා ගෙන’ ඔහු සතුටු වෙන විදිහට ජීවත් වෙන අරමුණ ඇතුවයි කියලා ශිෂ්‍යයන්ට මතක් කරන්න.—යොහ 17:3.
නරක පුරුදු සහ නරක ආශ්‍රය වගේ දියුණුවට බාධා වෙන දේවල් ජය අරන් දෙවිට ළං වෙන්න එයාලට උදව් කරන්න
බව්තීස්ම වුණාට පස්සෙත් දිගටම එයාලව ශක්තිමත් කරන්න, දිරිගන්වන්න.—ක්‍රියා 14:22
‘යෙහෝවා දෙවි ඔයාට උදව් කරයි’ කියන වීඩියෝ එක බලලා මේ ප්‍රශ්නවලට උත්තර දෙන්න.
ජීවිතය දෙවිට කැප කරන්නත් බව්තීස්ම වෙන්නත් කෙනෙක්ට බාධාවක් වෙන්න පුළුවන් මොන වගේ දේවල්ද?
සත්‍යය තුළ දියුණු වෙන්න බයිබල් ශිෂ්‍යයන්ට උදව් කරන්න වැඩිමහල්ලන්ට පුළුවන් කොහොමද?
යෙසායා 41:10න් දෙවි ගැන ඉගෙනගන්න පුළුවන් මොනවාද?
අපි අසම්පූර්ණ වුණත් දෙවිට පිළිගන්න පුළුවන් විදිහට නමස්කාර කරන්න නම් අපිට තියෙන්න ඕනෙ මොන ගුණාංගද?
යෙහෝවා දෙවිත් එක්ක එකතු වෙලා මිනිසුන්ට ගෝලයන් වෙන්න උදව් කරන්න අපිට පුළුවන් කොහොමද?