යහපත් ක්‍රිස්තියානීන් වෙමු
හැම කෙනෙක්ටම සාක්ෂි දරන්න සංවිධානය වුණ සෙනඟක්
යෙහෝවා දෙවියන් එදා ඊශ්‍රායෙල් සෙනඟව වගේ අද ඉන්න ඔහුගේ සෙනඟවත් සංවිධානය කරනවා. ඒ නිසයි ඔහුගේ කැමැත්ත ඉටු කරන්න එයාලට පුළුවන් වෙලා තියෙන්නේ. ශුභාරංචිය දේශනා කරන කාර්යය කරන්න ලෝකේ පුරාම තියෙන ශාඛා කාර්යාල, චාරිකාවන්, සභාවන් සහ ක්ෂේත්‍ර සේවා කණ්ඩායම් සහයෝගයෙන් වැඩ කරනවා. අපි හැම කෙනෙක්ටම ශුභාරංචිය දේශනා කරනවා. ඒකට වෙන භාෂාවක් කතා කරන අයත් ඇතුළත්.—එළි 14:6, 7.
අනිත් අයට බයිබලේ තියෙන සත්‍යයන් කියලා දෙන්න, වෙන භාෂාවක් ඉගෙනගන්න එක ගැන ඔයා හිතලා තියෙනවාද? ඒකට කාලය හොයාගන්න ඔයාට අමාරු වෙන්න පුළුවන්. ඒත් වෙන භාෂාවක් කතා කරන කෙනෙක්ට අපේ පණිවිඩය සරලව කියන්නේ කොහොමද කියලා ‘JW ලැංවේජ්’ ඇප් එකෙන් ඉගෙනගන්න ඔයාට පුළුවන්. මුල් සියවසේ හිටපු ක්‍රිස්තියානීන් වෙනත් ජාතීන්වල අයට “දෙවිගේ බලවත් ක්‍රියා ගැන” කියලා දීලා ලොකු සතුටක් ලැබුවා. ‘JW ලැංවේජ්’ ඇප් එක සේවයේදී හොඳින් පාවිච්චි කෙරුවොත් ඒ වගේම සතුටක් ලබන්න ඔයාටත් පුළුවන්.—ක්‍රියා 2:7-11.
‘යෙහෝවා දෙවියන්ගේ යාළුවෝ - වෙන භාෂාවකින් පණිවිඩය කියමු’ කියන වීඩියෝ එක බලලා මේ ප්‍රශ්නවලට උත්තර දෙන්න.
‘JW ලැංවේජ්’ ඇප් එක පාවිච්චි කරන්න පුළුවන් මොන වගේ අවස්ථාවලදීද?
ඒ ඇප් එකේ තියෙන අංග මොනවාද?
හැම කෙනෙක්ම ශුභාරංචිය දැනගන්න ඕනේ
ඔයා සේවය කරන ප්‍රදේශයේ ඉන්න අය කතා කරන භාෂා මොනවාද?
වෙන භාෂාවක් කතා කරන කෙනෙක් අපේ පණිවිඩයට උනන්දුවක් දැක්වුවොත් ඔයාට කරන්න පුළුවන් මොනවාද?—od 100-101 39-41¶