දෙවියන්ට ඕනෙ වුණේ මිනිස්සුන්ට මොන වගේ ජීවිතයක් දෙන්නද?

මිනිස්සුන්ගේ “ජීවිතේ හරිම කෙටියි. ඒකත් දුක් කරදරවලින් පිරිලා” කියලා බයිබලයේ කියනවා. (යෝබ් 14:1) ඇත්තටම දෙවියන්ට ඕනෙ වුණේ ඒ වගේ ජීවිතයක් අපිට දෙන්නද? නැත්නම් වෙන අරමුණක් ඔහුට තිබුණාද? එහෙමනම් ඒක කවදා හරි ඉටු වෙයිද? ඒ ගැන බයිබලයේ කියන දේ බලන්න.

1. යෙහෝවා දෙවියන්ට ඕනෙ වුණේ අපිට මොන වගේ ජීවිතයක් දෙන්නද?

යෙහෝවාට ඕනෙ වුණේ අපිට කිසිම අඩුවක් නැති ජීවිතයක් දෙන්න. දෙවියන් මුල්ම යුවළ වුණ ආදම් සහ ඒවව හදලා එයාලව ඒදන් කියන ලස්සන උයනේ පදිංචි කළා. ඒක පාරාදීසයක්. ඊටපස්සේ “දෙවියන් එයාලට ආශීර්වාද කරලා මෙහෙම කිව්වා. ‘දරුවන් බිහි කරලා ගණනින් වැඩි වෙන්න. මුළු පොළොව පුරාම පදිංචි වෙලා ඒක ඔයාලා යටතේ තියාගන්න.’” (උත්පත්ති 1:28) යෙහෝවාට ඕනෙ වුණේ එයාලා දරුවන් හදලා, මුළු පොළොවම පාරාදීසයක් කරලා, පොළොවේ ඉන්න සත්තුන්වත් බලාගෙන සතුටින් ජීවත් වෙනවා දකින්නයි. ඔහුගේ අරමුණ වුණේ මිනිස්සු හැමෝම සදහටම හැම අතින්ම නිරෝගී ජීවිතයක් ගත කරනවා දකින එක.

අද අපිට ඒ වගේ ජීවිතයක් නැතත්a මිනිස්සු ගැන දෙවියන්ට තිබුණ ඒ අරමුණ වෙනස් වෙලා නැහැ. (යෙසායා 46:10, 11) දෙවියන් හරිම ආසාවෙන් ඉන්නවා ඔහුට කීකරු වෙන මිනිස්සු කිසිම දේකින් අඩුවක් නැතුව, සදහටම ජීවත් වෙනවා දකින්න.—එළිදරව් 21:3, 4 කියවන්න.

2. මේ කාලේදීත් අපිට අර්ථවත් ජීවිතයක් ගත කරන්න පුළුවන් කොහොමද?

යෙහෝවා අපිව හැදුවේ ඔහුගෙන් මඟ පෙන්වීම් ලබාගෙන ඔහුට නමස්කාර කරන ආසාව ඇතුවයි. (මතෙව් 5:3-6 කියවන්න.) ඔහු කැමති අපි ඔහුගේ කිට්ටු යාළුවෙක් වෙලා, ‘ඔහු දෙන හැම මඟ පෙන්වීමක්ම ජීවිතේට අදාළ කරගෙන, ඔහුට ආදරේ කරනවාටයි.’ ඒ වගේම ඔහුට ‘මුළු හදවතින්ම සේවය කරනවාටයි.’ (ද්විතීය කතාව 10:12; ගීතාවලිය 25:14) එහෙම කරද්දී ප්‍රශ්න ගැටලු තිබුණත් අපිට සතුටින් ඉන්න පුළුවන්. යෙහෝවා දෙවියන්ට නමස්කාර කරද්දී අපි ඔහු කැමති විදිහට ජීවත් වෙන නිසා අපේ ජීවිතේ අර්ථවත් වෙලා තියෙනවා කියලා අපිට දැනෙයි.

3. යෙහෝවා දෙවියන්ට ඕනෙ මිනිස්සුන්ට ලස්සන ජීවිතයක් දෙන්න

වීඩියෝ එක බලලා මේ ප්‍රශ්නය ගැන කතා කරන්න.

වීඩියෝ: ‘දෙවියන් පොළොව නිර්මාණය කළේ ඇයි? - කෙටි වීඩියෝව’ (1:41)

• හරිම ලස්සන තැනක් විදිහට දෙවියන් පොළොව නිර්මාණය කළේ ඇයි?

දේශනාකාරයා 3:11 කියවලා මේ ප්‍රශ්නය ගැන කතා කරන්න.

• මේකෙන් යෙහෝවා ගැන ඔයාට ඉගෙනගන්න පුළුවන් මොනවාද?

4. යෙහෝවා මිනිස්සුන්ට දෙන්න අදහස් කරපු දේ වෙනස් වෙලා නැහැ

ගීතාවලිය 37:11, 29 සහ යෙසායා 55:11 කියවලා මේ ප්‍රශ්නය ගැන කතා කරන්න.

• මිනිස්සු ගැන යෙහෝවාට තිබුණ අරමුණ වෙනස් වෙලා නැහැ කියලා අපි දන්නේ කොහොමද?

5. යෙහෝවා දෙවියන්ට නමස්කාර කරද්දී අපේ ජීවිතේ අර්ථවත් වෙනවා

වීඩියෝ: ‘මම ජීවිතේ අරමුණ තේරුම්ගත්තා’ (5:03)

• ජීවිතේ අර්ථය තේරුම්ගත්ත එක ටර්යුමිට ප්‍රයෝජනවත් වුණේ කොහොමද?

දේශනාකාරයා 12:13 කියවලා මේ ප්‍රශ්නය ගැන කතා කරන්න.

• යෙහෝවා අපි වෙනුවෙන් කරලා තියෙන හැම දෙයක්ම අගය කරනවා කියලා ඔයාට පෙන්නන්න පුළුවන් කොහොමද?

ඉගෙනගත්ත දේ

යෙහෝවාට ඕනෙ අපි කිසිම අඩුවක් නැතුව මේ පොළොවේ සදහටම ජීවත් වෙනවා දකින්න. අපි ඔහුට මුළු හදවතින්ම නමස්කාර කරද්දී දැන් වුණත් සතුටින් අර්ථවත් ජීවිතයක් ගත කරන්න අපිට පුළුවන්.

ඔයා හිතන්නේ මොකක්ද?

• යෙහෝවා ආදම්ව සහ ඒවව හැදුවේ මොන වගේ ජීවිතයක් ගත කරන්නද?

• මිනිස්සු වෙනුවෙන් යෙහෝවා අදහස් කරපු දේ වෙනස් වෙලා නැහැ කියලා අපි දන්නේ කොහොමද?

• අර්ථවත් විදිහට ජීවිතේ ගත කරන්න ඔයාට පුළුවන් කොහොමද?

තව දැනගන්න

ඒදන් උයන ඇත්තටම තිබුණා කියලා කියන්න තියෙන සාක්ෂි ගැන බලන්න.

“ඒදන් උයන ඇත්තක්ද?” (2011 ජනවාරි 1 ‘මුරටැඹ’)

පොළොව කවදාවත් විනාශ වෙන්නේ නැහැ කියලා කියන්නේ ඇයි කියලා දැනගන්න.

“පෘථිවිය කවදා හරි විනාශ වෙයිද?” (වෙබ් ලිපිය)

ඔයාගේ ජීවිතේ අර්ථය තේරුම්ගන්න එක ගැන බයිබලයේ කියන්නේ මොකක්ද කියලා දැනගන්න.

“ජීවිතේ හරය මොකක්ද?” (වෙබ් ලිපිය)

හැම දෙයක්ම තිබුණා කියලා හිතපු කෙනෙක් එයාගේ ජීවිතේ අඩුවක් වෙලා තිබුණ දේ හොයාගත්තේ කොහොමද කියලා දැනගන්න.

‘දැන් මගේ ජීවිතේට අරමුණක් තියෙනවා’ (3:55)