Wocawaaru Aganira Maganu Mangiste Daafira Mannaho Kulate Qixxeessinoonniha Baxxino Zamacha!

Wocawaaru aganira mannu ooso qarra tirtannoti Maganu Mangiste calla ikkitinota mannaho kulate baxxino garinni sharrammeemmo. (Mt 24:14) Kiꞌne tennera kaaꞌlama dandiitinannihu hiittoonniiti? Hakko aganira Maganu Mangiste daafira kulanno qummeeshsha dandaamiꞌne deerrinni lowo mannira kulate sharramme. Hasaawissinanni manchi hasatto noosita leellishiro, mannaho ellannita Agarooshshu Shae Kiiro 2 2020 uyiyyesi. Hakkiinni mulenni galagaltine martine hasaawisse; hattono Hegerera Hagiidhitanni Heeꞌra Dandaatto! yitanno biroshere horoonsidhine Qullaawu Maxaafi xiinxallo hanafisiisate woꞌnaalle. Konni aganira 15 woy 30 saate soqqamme kaaꞌlaano suwisaano ikka dandiineemmo.

Maganu Mangiste konne gashshoote giwanno gashshoote baala coꞌo assite huntanno. (Da 2:44; 1Qo 15:24, 25) Tenne kaajja faro horoonsiꞌrate dandiinummore baala assine Yihowaranna Mangistesira halammeemmota leellinsho!