Sauniga o le Auaunaga mo Oketopa
Vaiaso e Amata ia Oketopa 2
Pese 69 (149)
10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Faalaeiau i tagata uma ina ia teu lelei a latou kopi o le “Faasologa o le Aʻoga o le Faiva Faatiokarate mo le 1996” lea o loo avatu faatasi ai i le lomiga lenei o La Tatou Faiva o le Malo. E tatau ona teu i se nofoaga e mafai ona maua gofie ai, ina ia tapa atu i ai mo ni faasinoga a o faagasolo le 1996.
15 minu: “Ia Vivii e Lē Aunoa ia Ieova.” Fesili ma tali. Ia faamamafa le faatatauina o mau faasino ma mau sii mai i le Tusi Paia.
20 minu: “Ofo Mekasini i Avanoa Uma.” Talanoa i manatu autū ona autalu lea o ni mataupu i lomiga fou na e mafai ona faaaogā i le ofoina o mekasini. Fai ni faataʻitaʻiga se lua po o se tolu o taulimaga. Ia mautinoa ua faaaofia ai ni fautuaga e faailoa atu ai i tagata le auala e mafai ona latou faia ai ni foai tauofo i le galuega i le lalolagi aoao.
Pese 72 (135) ma le tatalo faaiu.
Vaiaso e Amata ia Oketopa 9
Pese 41 (77)
10 minu: Faasilasilaga a le faapotopotoga. Tala o le tupe.
15 minu: Manaoga o le faapotopotoga. Po o se lauga e faia e se toeaina, “Faateʻaina—Pe o se Sauniuniga Alofa Ea?” e faavae i Le Olomatamata Iulai 15, 1995, itulau e 25-27.
20 minu: “Po o Tatou Mataala Pea—E Alofia Faatosinaga?” Fesili ma tali. A lava le taimi, fai ni faamatalaga faaopoopo e faavae mai Le Olomatamata o Setema 1, 1992 itulau e 20-22.
Pese 39 (70) ma le tatalo faaiu.
Vaiaso e Amata ia Oketopa 16
Pese 26 (120)
10 minu: Faasilasilaga a le faapotopotoga. Faamanatu le tamai tusi, Good News for All Nations, lea o loo saunia ai se taulimaga mai lea fale i lea fale, i gagana eseese e 59. O loo maua foi se faaopoopoga o lenei tamai tusi o loo iai nisi gagana e 7 a atumotu o le Pasefika o loo faaaogaina i lenei vaipanoa. Ia faalaeiau le faaaogaina o lenei tamai tusi pe a feiloai ma tagata e tautala i se isi gagana ese i le oganuu.
15 minu: “Ia Faaaogā i se Auala e Sili atu ona Lelei a Tatou Mekasini.” Talanoa ma le aofia le palakalafa e 14 e oo i le 17 o le faaopoopoga o La Tatou Faiva o le Malo o Setema, 1995. Tagaʻi i le Sauniga o le Auaunaga, Vaiaso e Amata ia Setema 25 mo nisi faatonuga.
20 minu: “Faia Toe Asiga Faatasi ma se Fuafuaga.” Talanoa i o tatou sini i le faia o toe asiga. Fuafua mo ni tagata talaʻi agavaa se toalua e faia ni faataʻitaʻiga eseese se lua o taulimaga. Ia faamatala e le tagata talaʻi le auala o loo faatupeina ai lenei galuega.
Pese 58 (130) ma le tatalo faaiu.
Vaiaso e Amata ia Oketopa 23
Pese 81 (165)
10 minu: Faasilasilaga masani a le faapotopotoga. Tala Faatiokarate.
15 minu: “Tatou te Manaomia le Faapotopotoga.” Fesili ma tali.
20 minu: Tataʻi Ē Naunau i le Faalapotopotoga. Ia talanoaina e le ovasia o le auaunaga faatasi ma ni tagata talaʻi se toalua po o se toatolu, le polosiua, Molimau a Ieova—Autasi i le Faia o le Finagalo o le Atua i le Lalolagi Aoao. Faamatala le mafuaaga ua aogā ai le faailoa atu i tagata loto fiafia le auala o loo faagaoioia ai le faalapotopotoga, le auala o loo faatulagaina ai galuega eseese, ma le auala e mafai ona faaaafia ai i latou. Autalu manatu mai le itulau e 14 ma le 15 i “Sauniga mo le Taufaatupu ai o le Alofa ma Galuega Lelei.” Ia faataʻitaʻi e ni tagata talaʻi se toalua po o se toatolu le auala e mafai ona faaaofia ai lenei mataupu i se talanoaga i se toe asiga po o se suesuega faale-Tusi Paia ina ia fesoasoani ai i le tagata loto fiafia e talisapaia le manaoga ina ia auai.
Pese 10 (32) ma le tatalo faaiu.
Vaiaso e Amata ia Oketopa 30
Pese 67 (159)
10 minu: Faasilasilaga masani a le faapotopotoga. Ona ua lalata mai foi aso mālōlō o le lalolagi ia Novema ma Tesema, ia faalaeiau tagata uma ina ia mafaufau e tusia o latou igoa e avea ai ma paeonia lagolago.
20 minu: Po ua E Faataʻitaʻia ea le Faia o ni Suesuega ma ni Tagata na Faasino atu e se Isi ia te Oe? O se lauga. Ua mafai e nisi tagata talaʻi ona amata ni suesuega faale-Tusi Paia fou i le auala lenei: Pe a uma ona amataina se suesuega ma se tagata loto fiafia mo sina taimi, ona latou fesili atu lea i le tagata lea pe na te iloaina se isi o ana uo, tauaiga, po o ē e masani ai o manao e suesue le Tusi Paia. E masani lava ona taʻu ane ni igoa o nisi. Ona fesili lea i ai pe mafai ona e taʻua lona igoa pe a e asiasi atu ia i latou na. Pe a e asiasi atu la, atonu e te faapea atu, “E ese le fiafia o Tui ma Seve e suesue le Tusi Paia, o lea ua manatu ai foi o ia atonu ʻai o e manao e te fia maua ni aogā mai la matou polokalama o le faia o suesuega faale-Tusi Paia e aunoa ma se totogi.” E mafai foi e lenei faiga ona saunia ai se lisi aogā o toe asiga na e mafai ona iu ai i ni suesuega faale-Tusi Paia fua tele. Ia faaaofia ai se mea se tasi po o se lua na tutupu i ni tagata talaʻi o ē na maua ni tagata loto fiafia pe na amataina foi ni suesuega fou i lenei auala.
15 minu: Ofoina o le tusi Autasia i le Tapuaiga i le Atua Moni e Toatasi ia Novema. I le lalolagi aoao, o loo faia ai se gaoioiga fiafia agaʻi i le autasi i le tapuaiga. O le mea lenei ua fusia faatasi ai tagata o atunuu uma, ma ituaiga, ma gagana. Ua faia lea mea e faataunuuina ai le valoaga na faamauina i le 2000 tausaga ua mavae e le perofeta o Mika. (Mika 4:1,2) O le mea lena o loo faia e tagata mai atunuu uma lava. A o latou aʻoaʻoina e uiga i le fuafuaga alofa ma le uiga tausaafia o Ieova le Atua, ua matuā faagaeetia ai o latou loto. Ua latou saili po o ā mea o manaomia e le Atua mai ia i latou. Ua pei i latou o Tavita, o lē na faapea mai: “Ia e aʻoaʻo mai ia te au e fai lou finagalo; auā o oe lava loʻu Atua.” (Sala. 145:10) Ia fai e se tagata talaʻi tomai se faataʻitaʻiga puupuu o le taulimaina o le tusi, atonu e lelei pe a faaaogā le itulau e 27 e faamatilatila ai mea e lima e mafai ona mafaufau i ai pe a faitauina le Tusi Paia. Fuafua e faia se toe asiga ia i latou o ē e talia le tusi faatasi ma le sini e amataina se suesuega fou faale-Tusi Paia.
Pese 71 (138) ma le tatalo faaiu.