Sauniga o le Auaunaga mo Iuni
Vaiaso e Amata ia Iuni 2
Pese 22 (130)
8 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Fai se faamatalaga e uiga i le lipoti o le auaunaga i le fanua ia Mati mo le atunuu ma la outou faapotopotoga, e aofia ai ma le pusa “Tumutumuga Fou ia Mati.”
15 minu: “Fai le Mea Aupito Sili E te Mafaia.” Fesili ma tali.—Tagai foi i Le Olomatamata o Aperila 15, 1993, itulau 28-30.
22 minu: “O le Poto Mai le Atua e Taliina ai le Tele o Fesili.” Ia talanoaina e le taitaifono le mataupu ma ni tagata talaʻi se toalua po o se toatolu e aofia ai ma se talavou. Ia talanoa i le palakalafa 1, e faamamafa ai le pogai ua matuā aogā ai ia i tatou le tusi o Le Poto e fesoasoani i le taliina o fesili. Fai se faataitaiga, ma avatu ni fautuaga e faaleleia ai pe a uma taulimaga taitasi.
Pese 23 (200) ma le tatalo faaiu.
Vaiaso e Amata ia Iuni 9
Pese 16 (143)
10 minu: Faasilasilaga a le faapotopotoga. Tala o le tupe.
15 minu: O le ā le Lumanai mo le Lalolagi? Lauga e faavae mai itulau e 112-117 o le tusi Reasoning. (5 minu.) Ia faaaofia ai i le lauga manatu o loo i tamai ulutala e amata mai i le itulau e 112 ma le 113, e faaaofia ai le mataupu e oo atu i le ogatotonu o le itualu e 114. (7 minu.) Ia talanoaina e se tagata talaʻi fou ma se tagata talaʻi taumatuaina ua lava le poto masani, faamatalaga o loo i le itulau e 114-116. Ua finau mai tauaiga faalelalolagi o le tagata talaʻi fou lea e faapea, ua faaalia e le Tusi Paia o le a faaumatia le lalolagi. E sailia e le tagata talaʻi fou se fesoasoani mai le tagata talaʻi ua lava le poto masani ina ia malamalama ai i mau o le Tusi Paia e faatatau i le lalolagi. (3 minu.) I le faaiuga, ia talanoaina le fesili i le itulau e 117, “O ā ituaiga o tagata o le a finagalo le Atua ina ia ola e faavavau i le lalolagi?” Ia faalaeiauina tagata uma e faamalolosi ina ia tauagavaaina i latou uma mo lena faaeaga faamanuiaina.
20 minu: Aʻoaʻoina o Isi—O se Manaoga Faanatinati. Lauga a se toeaina. Autalu le lipoti o le auaunaga i le fanua i le lalolagi aoao mo le 1996, i le itulau 33 o le 1997 Yearbook. O se taumafaiga tele ina ia molimau atu i tagata i so o se mea e mafai ona maua i ai, ua fua mai. O le manaoga faanatinati i le taimi nei, o le toe asia lea o i latou uma na tuu ai lomiga ma aʻoaʻo tagata i le upu moni. Pe a tatou feiloai ma i latou i nofoaga faitele, ia talosagaina ma le poto o latou suafa ma le mea e PR2 ins:mau del:nofo iai ina ia mafai ai ona toe asia. E manaomia ona tatou faia mea e sili atu nai lo o le tau ina lūlū fatu o le Malo; e tatau foi ona tatou faasūsūina. (1 Kori. 3:6-8) Pe a luluina fatu i le eleele lelei, o le aʻoaʻo atu ma le uigā, e mafai ona fesoasoani i le tagata e na te lagona ai le uiga o le aʻoaʻoga. (Mata. 13:23) E tatau ona tatou faia atoatoa ma le tomai se sao i le mea e mafaia i le galuega o le aʻoaʻo atu. (Epe. 5:12a) Ia faaaofia ai ma manatu o loo maua i le faaopoopoga o La Tatou Faiva o le Malo o Iuni 1996, palakalafa 25-26. Faamamafa le taumafai e amata ni suesuega a lē i le polosiua o le Manaomia ia o le tusi o Le Poto.
Pese 25 (204) ma le tatalo faaiu.
Vaiaso e Amata ia Iuni 16
Pese 8 (53)
10 minu: Faasilasilaga a le faapotopotoga. Fai mai se fautuaga i ni manatu e talanoa ai i mekasini fou.
15 minu: Mo manaoga o le faapotopotoga.
20 minu: Le Faailoaina o Lau Lotu pe Saʻo pe Sese. E taimua se toeaina i se talanoaga ma ni tagata talaʻi tomai se toalua po o se toatolu, e faavae i le Awake! o Tesema 22, 1989, itulau 18. E toatele lava tagata atonu o ni ē loto faamaoni o loo asia pea. Ae peitai, e latou te lei talia lava se suesuega faale-Tusi Paia. Ia talanoa i le auala e mafai ona faaaogā ai manatu o le mataupu i le Awake! e latou te iloa ai e uiga i le manaomia ona gaoioi ia ogatusa ma le poto saʻo. Faasino i manatu tāua i le tusi o Le Poto, mataupu 5: “O le Tapuaiga a Ai e Taliaina e le Atua?” Faitau le palakalafa 20. E mafai ona toe asia na tagata ina ia faalaeiauina ma le agalelei ma le tomai i latou ia faia se suesuega ma auai i sauniga.
Pese 23 (200) ma le tatalo faaiu.
Vaiaso e Amata ia Iuni 23
Pese 18 (162)
10 minu: Faasilasilaga a le faapotopotoga. Otooto atu ni fuafuaga faapitoa mo le auaunaga i le fanua ia Iulai 4.
15 minu: O le ā o Latou Fai Mai ai e Uiga ia i Tatou? O se lauga e faavae i le faamatalaga lena o loo maua i le Watch Tower Publications Index 1986-1995, itulau 341-343. Fili mai ni “Faamatalaga Mai Isi” (Statements by Others)PR2 reword this:“Faamatalaga Maata’ina mai Isi” e uiga i Molimau a Ieova—i a tatou amio ma la tatou galuega. Ia faailoa atu le auala ua matuā faafiafiaina ai nisi i mea e latou te vāai mai ai ia i tatou. Faamatala le auala e ao ona uunai ai pea i tatou e lenei mea e faia lelei a tatou amio ma ia filigā i la tatou galuega. Ia faailoa mai pe faapefea ona faaaogā na faamatalaga logoleleia pe a talanoa atu ai i ē tatou te masani ma tagata loto fiafia o ē e fia iloa atili e uiga ia i tatou.
20 minu: “Mātua—Ia Toleni a Outou Fanau e Talaʻi.” Fesili ma tali. Ia faaaofia ai ma le faatonuga i le tusi, Our Ministry, itulau 99-100, i lalo o le ulutala “Fesoasoani i Tagata Talavou.”
Pese 26 (212) ma le tatalo faaiu.
Vaiaso e Amata ia Iuni 30
Pese 12 (113)
10 minu: Faasilasilaga a le faapotopotoga. Faamanatu i tagata ina ia tuuina atu a latou lipoti o Iuni.
20 minu: “Talavou—O ā o Outou Sini Faaleagaga?” Ia talanoa faatasi e ni tamā se toalua le mataupu. E la te talanoaina le auala e fesoasoani ai i a la fanau e talisapaia le mafuaaga e tāua ai ona faataatitia ni sini faatiokarate, o le a aumaia ai faamanuiaga faaleagaga, nai lo o le tuliloa o ni faanaunauga matapeapea i mea faaletino.—Tagai foi i le tusi Our Ministry, itulau 116-118.
15 minu: Sauniuni mo le Ofoina o Lomiga ia Iulai. Fili mai se polosiua se tasi po o se lua o loo sili ona fiafia i ai tagata i le oganuu, ma autalu nisi o manatu tāua e uiga i polosiua taitasi. Ia fautuaina ni auala e mafai ai ona faafesootai atu nei mea ma se taulimaga. Faamanatu i tagata uma ina ia taʻua le fuafuaga mo meaalofa tauofo, ia fai se faamaumauga o lomiga na tufa atu, ma ia toe foi atu e atiina ae le naunau fiafia.
Pese 2 (15) ma le tatalo faaiu.