Sauniga o le Auaunaga mo Fepuari
Vaiaso e Amata ia Fepuari 1
Pese 29 (222)
10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Ia faamanatu i tagata uma ina ia tuuina mai a latou lipoti o le auaunaga i le fanua mo Ianuari.
17 minu: “Ofo le Tusi Fiafia i le Aiga i so o se Ituaiga o Tagata.” E talanoaina e se toeaina ma ni tagata talaʻi tomai se toalua po o se toatolu le mataupu. Ia taulai atu i le sini o le fesoasoani atu lea i isi ia iloa e faapea o le ala e maua ai le fiafia i le aiga, e faalagolago i le usitaia o le fautuaga a le Tusi Paia. (Tagai i le tusi, Fiafia i le Aiga, itulau 9-12.) Ia faataitai se tasi o taulimaga ia ua fautuaina. Ia faailoa mai ai le auala e taʻua ai meaalofa tauofo ma le auala e faataatia ai se toe asiga.
18 minu: ‘Ia Oofu i le Tagata Fou.’ O se lauga, e talanoaina ai le Efeso 4:20-24. (Tagai i Le Olomatamata, Mati 1, 1993, itulau 14-18, palakalafa 4-17.) Faamatala le auala tatou te toese ai le tagata tuai ae oofu i le tagata fou.
Pese 17 (187) ma le tatalo faaiu.
Vaiaso e Amata ia Fepuari 8
Pese 22 (130)
10 minu: Faasilasilaga a le faapotopotoga. Tala o le tupe.
15 minu: Manaoga o le faapotopotoga.
20 minu: “O Loo Silasila Alofa Mai ia i Tatou Lē Sili na Foafoaina i Tatou!” Fesili ma tali. Faamatala pe mafai faapefea ona faaaogaina le tusi Creator e fesoasoani ai ia i latou o ē o loo masalosalo pe teena foi le soifua o le Atua. E ui lava o le tusi e lē mo le faia ai o ni suesuega faale-Tusi Paia, ae e mafai ona avea o se mea faigaluega aogā e uunaia ai tagata ina ia suesueina mea uma o fai mai ai le Tusi Paia. (Tagai i le tusi Creator, itulau 189-191.) Valaaulia tagata talaʻi e faailoa mai ni o latou manatu totino e uiga i le lomiga ma faamatala mai ni mea na tutupu i le tufaina atu o le tusi i isi.
Pese 13 (124) ma le tatalo faaiu.
Vaiaso e Amata ia Fepuari 15
Pese 9 (37)
10 minu: Faasilasilaga a le faapotopotoga. Tala Faatiokarate.
18 minu: Pe Faapefea Ona Tatou Maua Aogā e Ala i le Tusia o Lou Igoa i le Aʻoga o le Faiva Faatiokarate? E talanoa e le ovasia o le aʻoga faatasi ma le aofia. O le toleniina ina ia mafaia ona tautala atu i le lautele, e lē na o le pau lena o le fuafuaga o le aʻoga. E iai foi isi auala ia e mafai ona tatou maua tuusaʻo ai aogā. (Tagai i le School Guidebook, itulau 12-13.) Ua tatou aʻoaʻoina ai le auala e mafai ona tatou faia ni talanoaga e sili atu ona lelei ma isi tagata. Ua aʻoaʻoina ai i tatou ina ia faamanino le tautala, ia toʻa lelei, ma tautala ma le mautinoa. Ua oo ai ina tatou tomai i le taliina o fesili e uiga i o tatou talitonuga ma i le faamatalaina atu o a tatou faaiuga e faavae i le Tusi Paia. Ua faateleina ai lo tatou poto i le Tusi Paia, ma fesoasoani ai ia i tatou ina ia sili atu ona uigā i le molimau atu i isi. Ua tatou aʻoaʻoina ai ina ia faailoa atu o tatou sese ma ia talia fautuaga, lea e iu ai ina tatou feutagai ma isi i se auala e sili atu ona filemu. O le toleniga aupito sili ua saunia i le aʻoga, o le fesoasoani lea ia i tatou ina ia tumau ona ‘matuā tauagavaaina’ e avea o ni faifeau a le Atua.—2 Kori. 3:5, 6.
17 minu: “Le Auala e Felagolagomai ai Tagata o le Aiga i le Faia o se Sao Atoatoa—I le Suesuega Faale-Tusi Paia.” E talanoaina e se aiga. E latou te talanoaina le auala e faatatauina ai fautuaga e uiga i le faitau Tusi Paia ma le suesuega a le aiga lena o loo maua i Le Olomatamata, Me 15, 1996, itulau 14-15, ma le Watchtower, Oketopa 15, 1992, itulau 16-17.
Pese 12 (113) ma le tatalo faaiu.
Vaiaso e Amata ia Fepuari 22
Pese 21 (191)
10 minu: Faasilasilaga a le faapotopotoga.
15 minu: Molimau Atu i Fale e Mautotogi ai Tagata. (Afai e lē tele ni fale e mautotogi ai tagata i la outou oganuu, ona talanoaina lea o le mataupu, “Aisea e Tausia ai se Faamaumauga o Ē e Lē o i Aiga?” i La Tatou Faiva o le Malo o Me 1995.) O se talanoaga ma ni tagata talaʻi se toalua po o se toatolu. E faigata tele ona molimau atu i tagata e nonofo i fale mautotogi, ona o iina e faatapulaa ai talanoaga e ala i faiga tau fesootaiga. Ia talanoa i auala e ati ae ai le naunau. Ia faailoa atu oe lava i se uiga faaleuo, ia faailoa atu o oe o se tuaoi; faaaogā le suafa o lē ona le fale pe afai o faaalia i le tusi taiala; ia taʻua se mataupu talafeagai o e manao e talanoaina, pe faitau saʻo se upu tomua mai le tusi Reasoning, itulau e 9-15; ma faamatala i ai e faapea o loo e manao e momoli atu se sāvali, se mekasini, po o se polosiua e mafai ona taliina ai se fesili tāua, ma taʻua po o le ā le fesili. I nofoaga e faatapulaa ai le talanoa atu, ia tusia ni tusi i ē ona fale pe molimau atu ia i latou i le auala a o latou ō atu ma toe foi mai. Faataitai se auala o faaaogā i la outou oganuu na maua ai ni iuga lelei i ē o nonofo i na fale.
20 minu: Le Auala e Maua ai le Olioli i le Faia o Soo. O se lauga e faavae mai i Le Olomatamata, Fepuari 15, 1996, itulau 19-22.
Pese 11 (85) ma le tatalo faaiu.