MYALUULO KU NKONKO YA MU BIBLE
Nsenga ngikitshibwe bwa mpàngo kampanda su?
Nsenga ibaadi ipangibwe bwa kwikala mbalo ibuwa kushala bwa bantu
Nsenga mbeyipangye na mushindo wa kulama muwa. I na mema ebungi, e na muulo ukile bwashi bintu bishale na muwa. Mushindo wayidi iname ndambo, kwifunya, na eshinda dyayilondo payikwete kwifunya bikwete kukwasha bwashi mema a mbû taakwatanga mabwe sunga kusaka. Atmosphère na bukome bwa nsenga bwa kukaka bintu bukwete kwiyilama ku nsembwe ibubi. Kwikwashena akwikalaa pankatshi pa mitshi sunga nyema akukemesha. Nyi bwakinyi bantu bebungi abamba shi nsenga ngikitshibwe bwa mpàngo kampanda.—Badika Yeeshaya 45:18.
Kadi we kwiyipusha shi: ‘Makyenga na kukutwa kwa kululama bii mu yaya mpàngo su?’—Badika Miiya Ikituulwe 32:4, 5.
Mpàngo y’Efile mukulu bwa nsenga ayikyebe kulombana su?
Nsenga abaadi beyipangye bwashi bemushale kwi bantu be na muloo, abenemekyeshena na bafule Mupangi aabo. Byabya muwa wa bantu wi na muloo ukata kukila wa mitshi na nyama. Twi balombeene kushinguula shi Mupangi etu nanyi na kusangela kwambula kifulo na bululame bwaye.—Badika Mulungudi 12:13; Mika 6:8.
Mupangi etu mmukumbeene kukita kyooso kyakumiina kukita. Byabya tushinkamishe shi akyebe kukatusha makyenga na kukutwa kululama na kukita bwashi nsenga ikale mbalo ibuwa ya kushala bantu.—Badika Misambo 37:11, 29; Yeeshaya 55:11.