Tulongamishe mudimo wetu wa bulungudi—Kupa bantu mukanda wa Akilongyesha Bible

Bwakinyi bi na muulo: Mukanda wa Akilongyesha Bible nyi kyamo kya kumpala kya mu kasheeto ketu ka biina mudimo bya kulongyesha nabyo. Byabya, kumpala kwashi tufube nao bwa kulonga na muntu, abitungu tubande kumupa wanka. Nyi bwakinyi, abitungu ooso a kwatudi etatshishe bwa koobesha bya kupa bantu mukanda wa Akilongyesha Bible mu bulungudi. (Mye. 22:29) Kwi mayele ebungi, na abitungu balungudi betatshishe bwa kufuba nao.

Mushindo wa kwibikita:

Mwele lukonko alumupa malaka, lulombeene nkukwasha bwashi okakye binangu byaye ku shapitre kampanda e mu mukanda. We mulombeene kusangula lukonko lumune lwa ku yaaya i ku mbangilo kwa shapitre ooso. Kunyima kwa kuteemeshe lwaluulo lwaye, badika verse aluula ku lukonko akupu omuleeshe kikoso kya mu wawa mwisambo na pangi nwikutaluula naye pamune mu kikoso.
Angi mayele nyi nkufubisha myanda i mu masaki a mbangilo bwa kukaka binangu bya muntu na kumuleesha mu mukanda mbalo i myaluulo ya nkonko ya mu Bible. Bu kileshesho, we mulombeene kwisamba pabitale mwanda wa malwa wabakatuka mu kwakula ku bisaashi na kumupatulwila shi bantu be bungi bakwete kukimba myaluulo ku nkonko i mwisaki dya 3. We kwakula sunga’shi tukwete kuteembela bakwetu bwa kwibaleesha myanda ibuwa i kumpala. Akupu omuleeshe bifwatulo bi mwisaki dya 4-5 na omwipushe’shi: “Mulayilo kinyi wa ku ino okumiina nkamona kulombana kwao?” We kwakula’nyi shi tukwete kuteembela bakwetu bwa kapindji kapeela bwa kwibakwasha bwa’shi bapete myaluulo ku nkonko ikata ya mu nshalelo. Akupu omuleeshe nkonko i mwisaki 6 na omwipushe bwadya kusangula lubamusankisha.
Fuba na mushindo wa kubanga mwisambo bwa kulonga Bible na muntu mususa umune. We kwakula’shi: “Tukwete kuleesha bantu uno mukanda aukwasha bwa kulonga Bible. Tabweumwene su? [Mutadiile aluule.] Su we na nsaa, ne nkuleesha byodi mulombeene kwiufubisha na Bible oobe.” penda mu minite ibadikye

Ebitompeyi munda mwa uno mweshi:

Ebikiteyi bu kipindji kya mu lulangwilo lwa mu kifuko.
Nsaa yoodi mu mudimo wa bulungudi, lungula mwin’oobe oodi naye myanda y’opwandjikisha kwakula bwa kubanga mwisambo. (Mye. 27:17) Shintuula bishima byoobe bya mbangilo su t’abikumu bantu ku mashimba.