Kipindji kya 3

Kubanga pa kutuuka kwa mu Ejiipitu mpa na ku Nfumu a kwibedi mu Isaleele

Moyiise batuusha beena Isaleele mu bupika mu Ejiipitu ende nabo ku Mwengye wa Sinayi, kwakwa Efile Mukulu akebapa miiya yaaye. Kunyima, Moyiise batumu bantu 12 bwa nkapuupa eumbo dya Kanaana. Kadi ba mpuupa 10 abalukiile na mukandu wibubi. Pa mwanda wabo, bantu abakyebele kwaluka mu Ejiipitu. Mwanda wa kukutwa kwabo kwa lukumino, Efile Mukulu baadi munyokye beena Isaleele aye nkwibatambakasha mu kabaaka munda mwa bipwa 40.

Kunyima, Yehowa basangwile Yooshwa bwashi atweshe mwilo wa Isaleele mu nsenga ya Kanaana. Yehowa bakitshishe bipaso bwa kwibakwasha bwashi baate nsenga ya Kanaana. Bayimikile mema a Mwela wa Yoordano, baponeshe bimano bya Yeeriko na kwimika nguba munda mw’efuku dishima. Kunyima kwa bipwa bisamombo, abaatshile nsenga ya Kanaana.

Kubanga pa Yooshwa, beena Isaleele abaadi bebakunkushe munda mwa bipwa 356 kwi bansushi. Atulongo bebungi ba kwabadi bu: Barake, Gideone, Yefetee, Samesone na Samwele. Atubadika dingi myanda ya bakashi bu Rakabe, Debora, Yaele, Luuta, Naomi na Dalila. Myanda yooso i mu Kipindji kya KASATU ngikidikye munda mwa bipwa 396.