Mianda i bubi bukile ayikitshikaa mu ngoshi
Ta kui kintu akikiengieshaa bantu bu ngoshi. Basalayi na bantu bamone ngoshi, abauku biayidi bubi.
BASALAYI
“Efuku dioso omono bantu batapikie na abafu. Eshimba dinka kuiyilukuiyilu.”—Gary a mu Grande-Bretagne.
“Masashi abaadi angase mongo na mu mpala, na naadi mumone bantu be bungi abaadi bayipayibue, bana bakinga na bantu banunu. Ngoshi ayipapishaa muntu eshimba.”—Wilmar a mu Colombie.
“Nsaa y’abaasa muntu mmeso mobe, tuena olube uno muanda. Opusha bi’adidi na kumona bi’akiengie. Tuena olube kiakia kibakitshikile.”—Zafirah a mu États-Unis.
BANTU
“Nepusha’shi taana nekale dingi na muloo. Otshinyi lufu, na otshinyi dingi’shi tala bayipaa bena kifuko na ba kuuku bobe.”—Oleksandra a mu Ukraine.
“Ta mbibofule kuela mulongo bua kuata bia kudia kubanga mu 2h00 mpa na mu 23h00 a efuku adilondo, na kutshina’shi masashi abeele mbalo i pepi kuabalu, ekufika etuasa.”—Daler a mu Tajikistan.
“Baledi bande mbayipayibue mu ngoshi. Nemushale muana a nshiye kushi muntu a kunyingisha na ku mpasukila.”—Marie a mu Rwanda.
Sunga bikiengie bano bantu mu ngoshi, boso buabo mbapete kunyingishibua. Na mbashinkamishe’shi, ngoshi ayipu binobino. Kino Kitenta kia Mulami akifubisha Bible bua kupatuula mushindo wabikakitshika.