Shërbeni si pionierë ndihmës në verë
1 Të gjithë ne bëjmë mirë të pyesim veten: «Në çfarë mase mendoj të jem një bartës i dritës në verë? A mund të bëhem pionier ndihmës?»—Mat. 5:14, 16.
2 Zakonisht në këtë periudhë, të rinjtë e pagëzuar kanë më tepër kohë në dispozicion për shkak të pushimeve verore. Disa prindër dhe lajmëtarë të tjerë të rritur mund të bashkohen me ta që të marrin pjesë më tepër gjatë këtyre muajve. Edhe shumë të tjerë të cilët punojnë tërë ditën do të kenë më tepër kohë për t’ia kushtuar këtij shërbimi jetëshpëtues.
3 Një faktor përcaktues që të mund të bëhemi pionierë ndihmës është gatishmëria për të bërë përpjekje të tjera të nevojshme. (Luka 13:24) Nëse organizojmë me kujdes veprimtarinë tonë, duke përfshirë detyrimet tona familjare dhe të kongregacionit, mund të gjejmë kohë për të shijuar gëzimin e shërbimit si pionierë ndihmës.
4 A do të jeni në gjendje të shtrini shërbimin tuaj në verë? Nëse po, do të fitoni më tepër besim nëpër dyer dhe do të keni eksperienca inkurajuese. Kështu do të keni mundësi të provoni lumturi akoma më të madhe.—Veprat 20:35.