Të fillojmë studime biblike me librin Të jetosh përgjithmonë
1 Dashuria për njerëzit duhet të na nxitë, që të jemi të gatshëm të kthehemi për të ndihmuar ata që kanë uri dhe etje për të vërtetën. (Mat. 5:6) Ne duhet të marrim shënim dhe të kultivojmë çdo interes që mund të gjejmë, sado i vogël që të jetë, nëse nuk dëshirojmë që të zhduket. Përgatitja është çelësi i suksesit.
2 Synimi ynë duhet të jetë fillimi i studimeve biblike. (Mat. 28:20) Kopjet e para të librit Të jetosh përgjithmonë përfshijnë këto komente hyrëse: «Ky është me të vërtetë një libër i shkëlqyer për t’u përdorur kur studiojmë me të tjerët, të rinj apo të vjetër qofshin, pavarësisht nga shkalla e tyre e edukimit.» Ai është shkruar në një mënyrë të tillë, që e bën më të lehtë drejtimin e studimeve, duke bërë të mundur që edhe lajmëtarët e rinj të marrin pjesë. Suksesi ynë në fillimin e studimeve të reja varet nga efektshmëria jonë në bërjen e rivizitave.
3 Si mund të fillojmë studime? Kur kthehemi, zakonisht është mirë ta lidhim bisedën tonë me ndonjë pikë apo pyetje të përmendur në vizitën tonë fillestare. Ndoshta ke biseduar mbi gjendjen e të vdekurve, duke lënë pyetjen: «Çfarë shprese ekziston për të dashurit tanë të vdekur?» Shpjego se ringjallja nuk është një shpresë pa bazë; Bibla përmban shembuj të shumtë ringjalljesh që kanë ndodhur më parë. Rishiko ilustrimet në faqet 167-169. Pastaj diskuto mbi paragrafët 1 dhe 2, në faqen 166. Nëse ka interes, premto se do të kthehesh për të vazhduar më tej bisedën.
4 Ti mund të kesh folur me një prind, i cili ka shprehur shqetësim mbi shtimin e problemeve në lidhje me rritjen e fëmijëve. Me fjalët e tua mund të thuash diçka të ngjashme me këtë:
◼ «Të gjithë prindërit i duan të mirën fëmijëve të tyre. Bibla përmban udhëzime, të cilat mund t’i ndihmojnë prindërit për të stërvitur fëmijët e tyre që të bëjnë një jetë të kënaqshme, domethënëse dhe me një qëllim. Për këtë arsye, ne porositim me forcë që familjet të studiojnë Biblën së bashku. [Referoju paragrafit 23 në faqen 246.] Njohuria e fituar mund të sjellë bekime të përhershme për të gjithë familjen.» Lexo Gjonin 17:3. Shpreh gatishmërinë tënde që të kthehesh për t’i treguar familjes se si të fillojë studimin.
5 Nëse je një i ri në moshë apo një lajmëtar i ri dhe ke folur shkurtimisht mbi shpresën e parajsës gjatë vizitës së parë, me librin të hapur në faqen 3, me thjeshtësi thuaj diçka të ngjashme me këtë:
◼ «Bibla premton se ata që kryejnë vullnetin e Perëndisë mund të shohin përpara për të jetuar në një botë si kjo këtu, ku do të ketë lumturi dhe paqe. Ky libër tregon se çfarë duhet të bëjmë për të gëzuar këtë bekim.» Shpjego shkurtimisht procedurën e studimit tonë dhe ofroi që t’ia demonstrosh.
6 Si dishepuj të Jezuit, ne kemi detyrimin për të ndihmuar njerëzit. (Rom. 10:14) Nëse lëmë literaturë ose thjesht bëjmë një bisedë të mirë, kemi përgjegjësinë për të kultivuar interesin. (Mat. 9:37, 38) Nëse e kryejmë këtë detyrë në mënyrë të përshtatshme, të gjithë mund të ndajmë bekimet që sjell ajo.—1. Tim. 4:16.