Fushata me rastin e Përkujtimit fillon më 1 mars

1. Kur do të fillojë fushata për Përkujtimin dhe pse zgjat më tepër këtë vit?

¹ Të premten më 1 mars, do të fillojmë fushatën e përvitshme për të ftuar njerëzit të jenë bashkë me ne në Përkujtim. Përkujtimi do të mbahet më 26 mars. Kjo do të thotë që fushata do të jetë pak më e gjatë se vitet e kaluara. Kështu, më tepër njerëz do të kenë mundësi të marrin ftesën, sidomos nëse kongregacioni ka territor të madh.

2. Çfarë duhet të kemi parasysh në lidhje me sasinë e ftesave që duhet të marrim dhe me mbulimin e territorit?

² Organizimi: Pleqtë do të japin drejtim si do të mbulohet i gjithë territori dhe si të veproni me ftesat kur nuk gjeni njeri në shtëpi. Nëse mbeten ftesa edhe pasi kanë mbaruar territoret, ato mund të shpërndahen gjatë dëshmisë publike. Mbikëqyrësi i shërbimit do të sigurohet që te banaku i literaturës të lihet një pjesë e ftesave me adresën e stampuar, por jo të vendosen të gjitha njëherësh. Duhet të marrim vetëm sasinë që na duhet për një javë.

3. Çfarë duhet të mbajmë parasysh kur shpërndajmë ftesat?

³ Çfarë të themi? Më e mira është t’i biem shkurt, kështu do të kemi mundësi të flasim me sa më shumë njerëz. Në faqen 4 ka një prezantim model që mund ta përshtatim me territorin. Sigurisht, nuk ka nevojë të ikim me vrap nëse i zoti i shtëpisë është miqësor ose bën ndonjë pyetje. Gjatë fundjavës, nëse është e përshtatshme, mund të ofrojmë edhe revistat. Më 2 mars do të përqendrohemi te shpërndarja e ftesave dhe jo te fillimi i studimeve biblike.

4. Pse duhet të marrim pjesë me zell në fushatë?

⁴ Shpresojmë që në Përkujtim të vijnë sa më shumë njerëz. Fjalimi do të shpjegojë se kush është vërtet Jezui. (1 Kor. 11:26) Do të tregojë si na ndihmon vdekja e tij. (Rom. 6:23) Gjithashtu do të theksojë pse është e rëndësishme ta kujtojmë Jezuin. (Gjoni 17:3) Le të marrim pjesë me zell në fushatë!