San Gado Wortu e leri wi?

Na ini Bijbel wi kan feni a boskopu noso den wortu fu Gado di skrifi spesrutu gi wi na ini a ten disi. A e sori wi fa wi kan meki wi libi waka bun èn san wi kan du fu meki Gado feni wi bun. A e gi piki tu na tapu den aksi di e kon now:

FA YU KAN FENI BIJBELTEKST

Bijbel abi 66 pikin buku. A prati na ini tu pisi: Den Hebrew nanga Arameisi Buku fu Bijbel („Owru Testamenti”) èn den Griki Buku fu Bijbel („Nyun Testamenti”). Ibriwan fu den buku na ini Bijbel abi kapitel nanga vers. Te yu e si wan Bijbeltekst, dan a fosi nomru di skrifi baka a nen fu a Bijbel buku na a kapitel, èn a nomru noso den nomru di e kon baka dati, e sori yu sortu vers yu musu leisi. Fu eksempre, Genesis 1:1 wani taki Genesis kapitel 1, vers 1.