Teki nanga Jezus Christus makandra na wan prisiri fasi prati na a wroko foe Jehovah
„Mi papa e tang wroko te now ete, en mi e tang wroko.” — Joh. 5:17.
1. San kan jepi joe dati wan soema tron wan prisirifasi wrokoman, en nanga soortoe baka pisi?
JOE de wan prisiri wrokoman? Joe bin de dati alla tem, efoe a kom wan leesi so dati foe wan sani hede dati joe bin firi weri en broeja, nanga no wan dropoe krakti efoe lostoe foe doe sani? Joe bin firi joesrefi leki joe no bin man foe poti wan foetoe go na fesi moro. Dan onverwakti wan sani bin pasa. Joe bin kisi wan tra soortoe wroko, wan sani di bin gi moro froktoe, sani di bin toemoesi boen froktoe, efoe di bin gi wan boen koti wroko. En dan, prefoe joe bin firi dati joe lasi boen nem en kisi kosi kosi foe na wan di bin gi joe joe wroko, joe bin kisi wan switi lafoe en joe kisi woortoe di bin prijse joe. Soortoe diffrinti dati bin meki? Joe bin firi krakti en kisi dikati foe go moro fara nanga foeroe prisiri en faja. Noti no bin man toe tapoe joe. Ja, joe bin tron wan prisiri-fasi wroko man!
2. Na soortoe fasi Jesaja 12:1-6 e taki foe wan onverwakti sani di bo pasa ini oenoe tem di tjari soortoe baka pisi kom?
2 A de wan boen sani foe si dati na bijbel precies tapoe na srefi fasi taki foe na sani dati di Jehovah pipel bin ondrofeni ini wi tem. A de verteri foe wan sani di bin pasa onverwakti ini 1919 G.T. Wi e leesi foe dati ini Jesaja kapitel 12: „En tapoe na dee dati joe sa taki foe troe: ’Mi sa taki joe tangi, o Jehovah, bika winsi joe ati bin bron tapoe mi, joe ati bron komoto safri safri foe mi, en joe bin go vertroostoe mi. Loekoe! Gado de mi redding. Mi sa vertrouw en no de ini frede; bika Jah Jehovah de mi tranga en mi krakti, en tron redding gi mi.’” Baka disi wan skrivi foe na toemoesi mooi wroko foe wi e kom: „Nanga bigi prisiri oen soema sa kisi watra foe troe komoto foe dem bron foe redding. En tapoe na dee dati oen sa taki toe troe: ’Taki Jehovah tangi! Kari hem nem. Meki hem wroko bekenti ondro dem volkoe. Verteri dati hem nem e meki kom hee. Singi Jehovah nanga singi, bika alla sani di a doe pasa alla tra sani. Disi de meki bekenti na tapoe heri grontapoe. Prisiri, en djompo prisiri, o a wan di e bribi ini Sion, bika na Santa Israël bigi na oen mindri.’” — Vs. 1-6, herziene Engelse uitgave foe 1971.
„ZAAI BOEN FOEROE, KOTI BOEN FOEROE”
3. (a) Na soortoe fasi Psalm 126 e taki na a srefi fasi foe wan kinki di e gi foeroe prisiri? (b) Soortoe boen kontrari de skrivi ini Psalm 126:5, 6?
3 Loekoe wan momenti nanga na srefi prakseri Psalm 126, di habi na nem „Wan singi te dem de go”, wan psalm di de ini wan groepoe psalm di dem djoe bin de singi kande te dem de go na Jeruzalem foe de na foe prisiri drape tapoe dem drie fesa toe alla jari. Precies so leki ini kapitel 12 foe Jesaja, e verteri ini na singi foe dem wan di kom ini Sion, na organisatie foe Gado. Loekoe wan momenti san de drape: „Di Jehovah bin meki dem strafoe hoso wan foe Sion draai kom baka, wi bin de leki dem wan di bin e drem.” A bin loekoe toemoesi mooi foe de troe! „Ini na tem dati wi mofo bin foeroe nanga lafoe, en wi tongo nanga prisiri babari.” Loekoe now dem gi dikati kinki foe wroko di e verteri ini dem toe laatste vers foe na Psalm: „Soema e saai nanga watra ai, sa koti srefi nanga prisiri babari. Soema gwe troe troe, winsi a de nanga kree, alla di a tjari wan sakka foeroe nanga siri nanga hem, sa draai kom foe troe troe baka nanga prisiri babari, alla di a de tjari dem aleesi foe hem di tai ini bosoe” (Psalm 126:1, 2, 5, 6). Alla di na wroko foe na soema di dem kari dja bigin bigin bin hebi troe troe en dati a no bin man foe sori noti leki boen baka pisi, a de kisi te foe kaba pai foe na faja foe di a tan saai na wan pasinsi fasi dati na koti bin foeroe pasa marki dati hemsrefi nooiti bin kan verwakti dati.
4. Soortoe mooi sani foe na oogst Jezus bin taki di de ini akroedeeri foe dati en soortoe aksi disi e tja kom na fesi?
4 Ja, now na tem foe koti de. Wi de now ini na kaba pisi foe na seti foe sani, en soleki Jezus bin taki ini wan foe hem ageersi tori: „Na oogst (koti) de na kaba foe wan seti toe sani” (Matth. 13:39). Jezus bin taki wan toe mooi sani foe na oogst en na wroko di de ini akroederi foe dati, en spesroetoe foe hemsrefi leki wrokoman. Meki wi poti wi prakseri foe dati hede tapoe na sroto tekst foe wi ini Johannes 5:17. Dem djoe bin de ferferi Jezus bika a bin doe wan boen wroko tapoe sabbat, en a piki dem nanga dem woortoe: „Mi papa en tang wroko te now ete, en mi e tang wroko.” Wi sabi o langa Jehovah tang wroko?
5. O soortoe wrokoman Jehovah de, en san na bijbel de taki foe dati? (Ps. 33:4, 5)
5 Wondroe fasi wan bijbeltekst de di e jepi wi toe piki na aksi disi en di soleki a de sori de taki foe Jezus ini a tem bifo a tron libi soema, leki „na Woortoe” (di kari ini Johannes 1:1). Ini na persoon fasi foe koni, a taki soleki skrivi ini Odo 8:22, 23: „Jehovah srefi meki mi kom leki na bigin foe hem pasi, leki na moro froekoe sani foe hem wroko foe langa tem pasa . . . foe sinsi dem tem bifo foe na grontapoe.” Ah! Ja, Jehovah de wan wrokoman di e meki froktoe en dati de na sroto foe de wan kolokoe wroko man. Jehovah de wan kolokoe wrokoman bika a de meki boen sani kom di e sori dem toemoesi boen eegi fasi foe hem. Hem de „da Rots, volmaakti dem wroko foe hem de, bika alla dem pasi foe hem de gerechtigheid . . . rechtvaardiki en oprechti a de.” Jehovah de na „Moro Hee Gado, a Soema di meki hemel nanga grontapoe.” — Deut. 32:4; Gen. 14:19, 22.
6. O soortoe verwondroe finni loekoe a bijbel de gi wi foe Jezus leki wrokoman?
6 Odo kapitel 8 e verteri oen toe foe na tem di Jezus bigin leki wrokoman. Foe bigin na vers 29 wi e lesi: „Di hem (Jehovah) seti dem fundamenti foe na grontapoe, dan mi kom foe tanapoe na hem see leki wan meesterwrokoman . . . prisiri foe na gron foe grontapoe di e gi njanjam.” Na wan di bin tron Christus Jezus, bin de dus makandra nanga hem papa, „alla tem prisiri . . . na fesi foe hem.” — Spr. 8:29-31.
7. Fa wrokomakandra foe dem toe wrokoman disi kom na fesi, en tjari soortoe boen baka pisi?
7 Foe teki hem so, dan alla dem toe bigi wrokoman disi bin wroko krosibee makandra, allamalla te na a doe di bin de na kroon foe dem grontapoe meki sani, di Gado bin taki: „Meki wi meki libi soema, ageersi wi printji, akroedeeri wi eegi fasi.” A bin de ini a prakseri foe Jehovah nanga Jezus dati man leki oema bin moesoe de prisiri wrokoman, bika Gado bin zeegi dem en bin taki gi dem: „Joe moe habi na fasi foe kisi pikin en tron foeroe en foeroe grontapoe en regeeri tapoe hem, en habi alla libi sani di e beweegi hemsrefi tapoe grontapoe ondro joe.” En Gado bin si „alla sani di a bin meki en loekoe! A bin de heeri boen.” A bin meki so dati a bin moesoe tjari froktoe. — Gen. 1:26-31
NA MEMRE FOE NA KOTI WROKO
8. (a) Soortoe fasi Jezus bin habi ini hem heeri dieni wroko foe doe wroko? (b) Fa na lobi foe hem gi soema bin kom na krin?
8 Di Jezus bin kom tapoe grontapoe en bin bigin nanga hem dieni wroko, a bin sori na srefi fasi disi. A bin wroko en sori trawan fa dem bin moesoe wroko. A bin gi hem mening foe dati ini akroedeeri foe na oogst wroko (koti wroko) soleki wi de leesi ini Johannes 4:34, 35: „Mi njam njam de dati mi e doe na wani foe na wan di bin seni mi kom en tjari hem wroko kom na wan kaba. Joe no de taki dati fo moen de ete bifo na oogst de? Loekoe! Mi e taki gi oen: opo oen ai en loekoe dem gron dati dem witti foe koti.” Foe overtuige oenoe foe soortoe oogst Jezus bin habi na prakseri, wi de leesi foe wan tra affeersi: „Jezus bin bigin wan wakka lontoe ini alla dem foto nanga dorpoe, alla di a bin de leri en preeki na boen njoensoe foe na konoekondre en dresi alla soortoe-siki. Di a si na hipi a kisi sari nanga dem, bika dem bin foefoeroe dem en broeja dem na alla see leki skapoe sondro herder. Dan a bin taki gi dem disipel foe hen: ’Ja, na oogst bigi, ma weinig wrokoman de. Begi foe dati hede na Meester foe na oogst foe seni wrokoman go ini hem oogst’” (Matth. 9:35-38). Ini alla dem toe tori disi a e sori krin dati na oogst di Jezus bin taki, no bin de aleesi oogst. A bin de wan oogst foe libi soema, foe soema Jezus bin habi prisiri foe tjari kom ini see.
9. Ini soortoe geest na oogst wroko de doe, en soortoe wiensi disi de tjari kom ini wi?
9 Wan bigi akroedeeri de foe na tem dati nanga wi tem, en Jezus wani foe wi di de hem disipel, foe habi gi wisrefi na geest foe na oogst wroko. En na geest disi de wan foe prisiri, wan geest nanga wan diepi ini see firi o waarti na wroko de, sa e tja na wiensi kom ini wi foe si dati a kom heeri heeri na wan kaba. So a de kom ondro woortoe ini Jesaja 9:3: „Joe bin meki na nati kom foeroe; gi hem joe meki na prisiri kom bigi. Dem bin prisiri na joe fesi leki na prisiri ini a oogst tem, so leki dem wan die e prisiri te dem de prati dem winni goedoe.”
10. (a) Fa Jehovah de gi moro wrokoman foe na oogst? (b) San wi kan leri ini Odo 10:4, 5?
10 Ini na srefi geest wi de aksi na Meester foe seni moro wrokoman go. Jehovah no de gi dem „moro wrokoman” disi nanga wan wondroe. Foe taki troe dati de wan pisi foe na oogstwroko, bika a no de soso na wrokosani foe tjari soema kom ini na waarheid, ma soleki Jezus bin taki: „Go foe dati hede en meki disipel . . . leri dem foe onderhoud (doe) alla sani di mi bin kommandeeri oen” (Matth. 28: 19, 20). Dati de na geest di wi moesoe foe sori alla tem. Wi wiensi moro wrokoman ini na veld. Dati wani taki dati wi srefi moesoe faja faja bezig en moesoe tan nanga krin ai. Odo 10:4, 5 e verteri na kontrari disi: „Na wan di e wroko nanga lesi anoe sa habi pikinso sani, ma na a anoe foe dem faja wrokoman di sa meki wan soema kom goedoe. Na manpikien di e wroko nanga verstan, e kibri ini dree tem, na manpikien di wroko na wan takroe fasi, e sribi diepi ini oogst tem.” Troe troe takroe! Wan troe troe kontrari! Dem lesi soema disi e kisi wan kontrari foe prisiri.
MORO MINDER PRINSPARI SANI MOESOE FOE SKOIFI NA GO NA WAN SEE
11. Fa wi moesoe si na oogst wroko, en foe san hede?
11 Wan tra sani ete ini a tori foe na oogst de, dati a de wan prinspari tem gi gronman. Dem no kan taki na fesi foe — en dati dem no de doe toe — dati na normaal waka foe dem afeersi boen nofo kaba, dati san di no man foe doe tide, sa doe foe tamara. Na oogst moesoe foe koti kom ini see te na njam njam lepi kaba. Alla wrokoman di e wroko na a gron sabi dati toe — tem no de foe lasi. Tra sani di no de so fanoodoe e skoifi go na wan see. Dem de klar klari foe wroko foe te zon opo te zon e dongo.
12. Fa Jezus bin poti krakti tapoe na prinspari foe na oogst tem, en fa wi kan doe dati ini wi tem?
12 Jezus bin sori dati a bin habi na srefi fasi. Wantron baka di a bin taigi dem disipel foe begi na Meester foe seni wrokoman go ini na oogst wroko, na tori e verteri: „Hem now kari dem twarfoe disipel foe hem foe kom na hem . . . Dem twarfoe disi a bin seni go alla di a gi dem na opdracht disi: . . . go . . . alla tem doro doro na dem lasi skapoe foe Israël.” Dem bin doe dati nanga na konoekondre boskopoe. En Jezus bin poti krakti foe na fanoodoe foe dati nanga dem woortoe: „No teki gi joesrefi gootoe efoe solfroe efoe kopro ini joe monisakka, ooktoe no njam njam sakka foe na wakka foe joe, ooktoe no toe ondro krosi, efoe soesoe efoe wan wakka tiki; bika na wrokoman waarti hem njam njam” (Matth. 10:1-10). Jezus no bin wani dati tra sani bin moesoe de na dem hede. A no bin wani dati dem disipel foe hem ini a tem disi bin go ini wan see pasi foe na materialisme hede efoe wiensi soortoe tra affeersi di bin kan poeroe dem prakseri.
13. Soortoe aparti oogst dem tja kom ini see ini na fosi eeuw?
13 Wi sa kan aksi wi srefi: A de so dati dem bin oogst ini na fosi eeuw? Foe troe! Tan wan momenti pi foe san bin pasa tapoe na pinksterdee dati ini na jari 33 gewoon teri ini na foto Jeruzalem. Baka foe jere na finni getoigi foe Petrus en na gi krakti foe hem, dan „ongeveer drie doezoen sieli” bin doopoe en moksi kom makandra nanga na fosi gemeente di bin bigin nanga 120 disipel (Hand. 1:15; 2:37-42). En na gemeente bin de soso wán dee owroe!
14. Srefi foe soortoe tegenstand a bin de wan boen bewijsi dati Jehovah zeegi bin de tapoe hem dienstknegti?
14 No langa na hem baka dem djoe fesi man foe kerki di bin habi ati bron di dem bin si dati bigi hipi bin poti prakseri tapoe na Konoekondre getoigi, bin taki gi dem apostel: „Oen foeroe Jeruzalem nanga na leri foe oen.” Alla di dem bin komanderi dem apostel foe no tan leri, dem bin tan foe taki na oogst bin tan kom na ini see (Hand. 5:28, 29). A bin moesoe de so dati joe bin habi foeroe getuigi te joe ageersi dem nanga na aantal soema foe na foto di bin bigi toe nanga halfoe vierkant kilometer, ma dem no bin teki hem safri safri. Dem bin sori dati dem bin habi wan positief fasi, en dem tan foe soekoe moro soema. Tori foe dem Apostel 6:7 e verteri foe dati hede: „So na woortoe foe Gado bin de tan gro, en na hipi disipel ini Jeruzalem bin tan gro moro tranga en srefi wan bigi hipi priester bin gi jesi na a bribi.” Ja dati bin de wan toemoesi bigi oogst!
MORO FOEROE DE FOE DOE ETE
15, 16. (a) Wi sa kan taki dati na wroko foe Jehovah bijna de foe klari? (b) Gi eksempre di komoto foe na Jaarboekoe foe 1978 di e sori dati na moeiti foe wi e kisi bigi blesi, sodati boen okasi de foe gro.
15 Fa wi de si na grontapoe toneel foe disi tem? A gebied wroko so meni lesi en so alla tem dati wi kan taki dati na wroko doe kaba? Nono, foeroe moro de foe doe ete! Teki foe wan momenti leki wan eksempre Jehovah Getoigi ini Zambia. Na „Jaarboek foe Jehovah Getoigi 1978” e sori dati joe habi wan preekiman tapoe 103 soema. Dem getoigi foe Zambia e tan taki nanga dem soema, en dem de finni moro soema ete di e jere boen en di e kom ini na gemeente. 2399 soema bin doopoe srefi na a jari di pasa.
16 Te wi de loekoe na situatie na heeri grontapoe, dan wi de verstan taki na wan bigi oogst e tjari kom ini see. Dem lomoesoe kondre foe Europa e tan foe prisiri foe wan troe troe bigi oogst. Ini soso toe jari sinsi 1975 a hipi Konoekondre preekiman ini Spanje gro nanga 25 percent, ini Portugal nanga 26 percent en ini Italië nanga 29 percent sodati moro leki 125.000 getoigi foe Jehovah de faja faja ini dem fosi tem makti skotoe disi foe na Bigi Babylon. Ini dem srefi toe jari disi na waarheid poesoe go ini moro foeroe eilanti foe dem grontapoe zee, Jehovah dienstknegti ini Tahiti e verteri foe wan gro foe 42 percent ini na gebied disi, alla di 40 foe dem 60 eilanti di soema e libi e kisi wan finni getoigi. Na wroko foe Jehovah e tan poesoe go te ini dem njoen gebied foe Oosten, sodati Hong Kong e verteri foe wan gro foe 52 percent en a hipi Konoekondre getoigi in Japan foe 1975 te 1977 gro nanga 8000 soema. En ini Noord- en Zuid Amerika en Europa, pe na oso foe oso preeki foe na Konoekondre e go faja faja moro fara, dem gemeente e prati ini a srefi prisiri fasi foe na oogst wroko.
17. Soortoe waarskow en dikati a bijbel e gi wi na affeersi disi? (Luk. 21:34-36).
17 Oen no moesoe breti dati Jehovah no meki na bigi benauwtoe kom ete, sodati dem toemoesi diri „skapoe” disi bin kan tjari kom na ini see? Tokoe no kori joe srefi! Na dee foe aksi dem natie verantwoortoe e kom hesi hesi moro krosibee! „Bika na visioen de ete gi foe na joisti tem, en a de tan haswa go na fesi na a kaba, en a no sa verteri lee. Alwasi a meki dati joe wakti hem, tan loekoe nanga foeroe verwakti na hem, bika a sa kom zondro foe misi. A no sa kom toemoesi lati.” — Hab. 2:3.
18. Soortoe gron prakseri e kom na fesi ini 1 Korinthiërs 3:7, en fa wi kan gebruiki disi gi wi srefi?
18 Jehovah gi wi alla marki dati na wroko no kaba ete. Wi moesoe go doro nanga dati, no te na tem di wi besroiti dati a nofo, na te na a tem te Jehovah tjari wan kaba kom soleki hem finni hem boen. Ja, Jehovah tan sori wi dati na wroko no kaba ete. Disi de sori ini a bewijsi dati a de tan tjari na oogst kom na ini see. Wi no moesoe lasi nooiti na gron prakseri na ai di Paulus tjari ondro woortoe so krin na fesi ini 1 Korinthiërs 3:7: „Sodati no srefi hem di e prani de wan sani, no srefi hem di e gi watra, ma Gado di e gi na njam njam.” Alla grani foe na boen foeroe oogst disi foe hee kwaliteit e de foe hem, na mindri foe Christus Jezus.
19. Soortoe dikati en gi krakti wi de finni ini na kontekst foe 1 Korinthiërs 3:5-9?
19 Soleki Paulus e verteri ini 1 Korinthiërs 3:5, a de wan grani foe meki soema kom tron bribi wan „soleki Masra bin djaranti wi” (Willibrordvertaling). En a tjari wi te now ete foe tjari trawan kom ini hem alesi maksien. Ini na dieni jari 1977 bijna 124.000 njoen wan meki dem doopoe dem ini watra, sori nanga dati dem gi demsrefi nanga dem heeri sieli abra na Gado foe doe hem wani. Foe san hede wi no sa tan verwakti dati na gro tan go doro? Na oogst no kaba ete. A de na tem foe tan na wan oogst fasi te allamalla sa tja kom makandra. A de te now ete a tem foe njam dem prisiri foe na oogst!