Gado nanga caesar

Ini en rubriek ini a Nigeria Dayly Times na kolomskrifiman Andy Akporugo ben taki: „Di Masra Kristus srefi ben taki: ’Gi Caesar san na foe Caesar èn Gado san na foe Gado’, a noiti ben kan mene dati Jehovah Kotoigi ben moesoe teki dati so letterlek.” (Matt. 22:21) Leki fa a e sori dan a skrifiman e feni taki Jehovah Kotoigi e go toemsi fara te — na wan stré na mindri den sani san Gado e aksi èn san Caesar e aksi — den e gi Gado na fosi presi. Ini en argumentatie Akporugo ben teki na fasi foe a 13de jarhondro filosoof Thomas van Aquino, di ben moksi kon na wan na leri foe Aristoteles di no ben de wan kristen èn na kristen leri. Sosrefi toe a ben sori na a fasi foe prakseri foe Plato di no ben de wan kristen èn na islamitisch filosoof Ibn Chaldoen. Ma den prakseri foe filosoof di no ben de kristen moesoe tron na stonfoetoe foe san Jezus ben méne?

Jezus wortoe moe ferstan na ini na leti foe en wortoe dati en Kownoekondre èn en discipel „no de wan pisi foe na grontapoe disi” (Joh. 17:16; 18:36), èn dati kristen moesoe soekoe „fosi na kownoekondre” foe Gado (Matt. 6:33). Na foe dat’ede meki Jehovah Kotoigi nanga reti e verkisi „foe gi jesi na Gado leki tiriman moro leki na libisma”. — Tori. 5:29.