Opo doe wan sani te joe e si a „marki”!
„Tan na ai, bika oenoe no sabi a dé èn a joeroe.” — MATT. 25:13, Byington
1. Foe san-ede a ben sa de wan don sani foe de leki den don wenke ini na agersitori foe Jezus?
NA INI prakseri foe na boen pisi ten di de na fesi e kon gi na libismafamiri di bai kon fri, dan a de wan toemsi don sani foe de leki den féfi don wenke foe na agersitori foe Jezus! Den ben opo doe wan sani lati èn no ben kon ini a „kownoekondre foe hemel”. Den don wenke dati no ben opo waka leki lampoe di a ben de fanowdoe (Matt. 25:1-12). Te na boen ’njoensoe disi foe na kownoekondre sa préki na heri grontapoe pe libisma e libi leki wan kotoigi’ èn „a kaba” sa de drape dan den sa lasi na okasi foe den foe abi wan prati na a dienst-grani di noiti sa drai kon baka. — Matt. 24:14.
2, 3. (a) Nanga sortoe dek’ati Jezus ben taki na agersitori foe en foe den tin wenke? (b) Foe san-ede na dek’ati dati de te now ete foe algemeen belang, èn foe san na ’koni wenke’-klasse moe sorgoe foe abi foe dat’ede?
2 Foe dat’ede Jezus Kristus ben tapoe nanga na dek’ati disi: „Tan na ai foe dat’ede bikasi joe no sabi na dé nanga na joeroe.” — Matt. 25:1-13.
3 Den wortoe dati foe na bruidegom Jezus Kristus de foe algemeen belang, spesroetoe now, now di wi de kaba na ini na 71 jari foe na „bosroiti foe na seti foe sani” disi. Srefi na tapoe na lati ten disi na fika pisi foe na „koni wenke”-klasse no sabi na dé ofoe na joeroe oten „a doro” sa sroto gi moro okasi foe kisi pasi go na a hemel kownoekondre èn foe de na a bruidegom di a pramisi de foe trow nanga en. Den sma di e feti foe sori dati den de koni wenke, moe sorgoe alaten foe abi jeje oli. Na so fasi den e meki na leti skijn, foe di den e prati na boen njoensoe foe na kownoekondre, sodati bifo na „kaba” kon, wan grontapoe internationaal kotoigi sa gi. — Matt. 24:14; Mark. 13:10; Openb. 14:6, 7.
„Skapoe” nanga „bokoboko” e prati foe makandra now
4. Sortoe laatste agersitori foe Jezus moe kon troe leki fa a tori foe Mattéus taki leki wan pisi foe na „marki” foe en denoja”?
4 Bifo na „kaba” foe a „bosroiti foe na seti foe sani” kon, ete wan tra pratiwroko moe feni presi a mindri den libisma, èn dati de ooktoe wan pisi foe na „marki”, nanga san e sori dati wi e libi na ini na „ten foe na kaba” (Dan. 12:4). Na pratiwroko disi e psa leki wan kontroe foe Jezus agersitori foe den skapoe nanga den bokoboko, nanga san Mattéus e tapoe en tori di e go foe na bigi profétitori foe Kristus foe na „marki” foe en „denoja” di no de foe si èn foe „na bosroiti foe na seti foe sani”.
5. Oten den ben sa prati den sma soleki fa den e prati skapoe foe bokoboko?
5 Loekoe pikinso now san Jezus ben taki a fesi foe dati, soleki disi skrifi na ini Mattéus 25:31-46. A ben bigin na agersitori nanga den wortoe „te na Manpikin foe libisma sa ben kon na ini en glori, èn ala engel nanga en, dan a sa teki presi na tapoe en glori troon. Èn ala naatsi sa tjari kon makandra na en fesi, èn a sa prati den foe makandra soleki wan herder e prati den skapoe foe den bokoboko. Èn den skapoe a sa poti na en reti anoesé, ma den bokoboko na en kroektoe-anoesé.” San e psa bakadati? Jezus e go moro fara foe taki:
6. San na herder-kownoe e taki gi den sma na en reti-anoesé?
6 „Dan na kownoe sa taki gi den wan di de na en reti-anoesé: ’Oen kon, oenoe na tapoe soema na blesi foe wi Tata de, oen kon teki na kownoekondre di sensi na poti foe na fundamenti foe na grontapoe ben sreka gi oenoe. Bika mi ben de nanga angri èn oenoe ben gi mi wan sani foe njan; mi ben de nanga dréwatra èn oenoe ben gi mi wan sani foe dringi. Mi ben de wan freemde sma èn oenoe ben ontfange mi na oenoe oso; nanga sososkin èn oenoe ben weri krosi gi mi. Mi ben siki èn oenoe ben sorgoe gi mi. Mi ben de na ini straf’oso èn oenoe ben kon na mi.’”
7. Sortoe aksi den regtvaardiki sma di gersi skapoe, sa aksi, èn fa na kownoe sa piki?
7 „Dan den regtvaardikiwan sa piki den nanga den wortoe: ’Masra, oten wi ben si joe nanga angri èn ben gi joe njanjan ofoe nanga dréwatra èn gi joe wan sani foe dringi? Oten wi ben si joe leki wan freemde sma èn ben teki joe na oso ofoe nanga sososkin èn ben weri krosi gi joe? Oten wi ben si joe siki ofoe ini straf’oso èn ben go na joe?’ Èn na kownoe sa piki den: ’Foetroe mi e taigi oen: foe so fara oenoe ben doe disi gi wan foe den moro mendriwan foe den brada disi, na dati oen ben doe gi mi.’”
8. (a) Sortoe opo doe wan sani wantewante no ben de na den sma di gersi bokoboko? (b) Pe na kownoe sa seni den go foe dat’ede, kontrari en regtvaardiki „skapoe”?
8 „Den bokoboko no e opo doe wan sani wantronwantron”. Den no e doe san na klasse foe den skapoe e doe. Foe dat’ede meki wi e lési ooktoe: „Ma gi den di de na en kroektoe-anoesé a sa taki dan: ’Komoto gwe foe mi, oenoe di de ferfloektoewan, na ini na tégo faja di sreka poti gi Didibri nanga en engel. Bika mi ben de nanga angri, ma oen no ben gi mi noti foe njan, nanga dréwatra èn oen no ben gi mi noti foe njan èn mi ben de wan freemde sma ma oenoe no ben teki mi na oso; nanga sososkin ma oenoe no ben weri krosi gi mi. Ini straf’oso ma oenoe no ben sorgoe gi mi.’ Dan den disi ooktoe sa piki den nanga den wortoe: „Masra oten wi ben si joe nanga angri ofoe nanga dréwatra ofoe leki wan freemde sma ofoe nanga sososkin ofoe siki ofoe ini straf’oso èn wi no ben dini joe?’ Dan a sa piki den nanga den wortoe: ’Foe troe mi taki gi oenoe, foe so fara oenoe no ben doe disi gi wan foe den moro mendri wan disi, oenoe no ben doe dati gi mi.’ Èn den disi sa go na ini na tégo koti poeroe, ma den regtvaardikiwan na ini na tégo libi.”
9. San joe moe doe na ini a ten foe na disiten kontroe foe Jezus agersitori foe den „skapoe” nanga „bokoboko” foe kan prijse joesrefi kolokoe?
9 Kande joe abi prati na a kontroe foe na proféti agersitori disi. Joe ben si den boen sani di Jezus ben kari? Joe ben doe den sortoe sani disi gi en „brada”? Joe kan prijse joesrefi kolokoe efoe joe ben handri gi den soleki den skapoe na ini na agersitori!
10. Fa Jezus ben meki wan difrenti a mindri en „brada” èn den sma di den „skapoe” èn den „bokoboko” e prenki èn sortoe fundamenti foe dati de ini na bijbel?
10 Jezus ben meki wan difrenti a mindri en jeje brada èn den sma di ben sori taki den de leki skapoe ofoe bokoboko. Na a ten foe na kontroe foe na agersitori disi dan Jezus „brada” de den sma di ben waka na en baka foe di den ben gi densrefi abra na Gado sondro wan kondisi. Netleki Jezus den ben sori disi na publiki, foe di den ben meki den dopoe den na ini watra. Boiti foe dati, Jehovah, na Tata foe na hemel kownoe Jezus Kristus ben tron na hemel Tata foe den foe di a ben meki den kon njoen gebore nanga en santa jeje èn na sofasi a ben meki den tron „jeje brada” foe en Manpikin. Nanga dati den e kon na teri foe kisi wan presi na ini na hemel kownoekondre na den moro owroe brada foe den, Jezus Kristus, na kownoe foe den kownoe èn na Masra foe den masra” (Openb. 19:16). Tapoe a pisi tori disi bijbel ben skrifi foe en: „Bika èn ma sma di de santa èn di e kon de santa e komoto alamala foe wan èn foe na réde dati a no e sjen foe kari den ’brada’ te a e taki: ’Mi sa meki joe nen bekenti na mi brada, na ini na mindri foe na gemeente mi sa prijse joe nanga wan singi’” (Hebr. 11:11, 12). Djaso Psalm 22:22 e tjari kon na tapoe na glori Manpikin foe Gado Jezus Kristus.
11. Nownow foeroe foe Jezus jeje „brada” de na grontapoe, èn sortoe klasse ofoe „gemeente” den de?
11 Wan fika-pisi foe den jeje „brada” dati foe na kownoe Jezus Kristus di e tiri, de ete na grontapoe. Leki klasse ofoe gemeente den de „na getrow èn koni srafoe” di Jezus ben taki foe den a fesi na ini en profétitori foe „na bosroiti foe na seti foe sani”. A ben taki: „Soema de troetroe na getrow èn koni srafoe, di en masra ben poti en tapoe en osoknegti foe gi den den njanjan na a reti ten? Kolokoe a srafoe dati de te en masra feni en de bezig nanga dati te a kon. Foe troe, mi e taigi joe: A sa poti en tapoe ala en goedoe.” — Matt. 24:45-47.
12. (a) San na „srafoe”-klasse ben doe sensi 1919 tapoe wan fasi di sma kan si? (b) Tapoe sortoe „goedoe” den ben poti na „srafoe” dati? (c) Foe san na „srafoe” dati di opo doe wan sani de now wan pisi?
12 Den troe tori foe na historia de a piki tapoe a aksi foe Jezus di e go foe na kon sabi foe na „srafoe” disi. „Na gemeente”, di e dini leki na „srafoe” de den „brada” foe Jezus di de ete na grontapoe, èn di Gado ben gi en. Den de a srefi leki na ’koni wenke’-klasse. Foe sensi 1919 na „srafoe” disi ben gi vers jeje njanjan komoto foe na bijbel na den „osoknegti” tapoe wan aparti fasi ini na oso foe na meester, èn a ben doe disi na a reti ten srefsrefi. Foe dat’ede meki na meester disi di no de foe si ben poti na betrouwbare „srafoe”-klasse disi „tapoe ala en goedoe foe jeje sani. Disi de spesroetoe so na ini a torl foe na préki foe na boen njoensoe foe na kownoekondre” tapoe na heri grontapoe abra san a e tiri. Te nanga now na kownoekondre kotoigiwroko disi gro! „Na getrow èn koni srafoe” di opo doe wan sani de wan pisi foe na „marki” di e kon na fesi, èn foe san e kon na krin ini sortoe ten wi e libi.
13. Sensi oten „ala naatsi” tjari kon makandra a fesi kownoe, èn oten na „srafoe” ben bigin tjari „den skapoe” kon na en reti-anoesé?
13 Joisti gi den memre foe na „srafoe”-kiasse den regtvaardiki „skapoe” ben doe boen sani. Den agersi skapoe nanga bokoboko de sma foe ala naatsi di e kisi now na kownoekondre kotoigi. Foe dat’ede meki „ala naatsi”, di den skapoe nanga bokoboko e teki na presi foe den — tjari kon makandra na fesi na kownoe, di sensi na kaba foe den ten foe den heiden na ini 1914 sidon na tapoe en hemel troon. Ini a tori foe na tjari kon makandra disi di ben taki na fesi na jari 1935 ben de wan aparti wan. Na Watch Tower Bible and Tract Society, na wrokosani di na „srafoe”-klasse e gebroiki, ben abi na a ten dati na a heri grontapoe sowan 49 bijkantoro, Na ini a srefi jari dati na prakseri foe na „srafoe” ben poti spesroetoe a tapoe den grontapoe „skapoe” nanga na prakseri foe tjari den kon makandra na na reti-anoesé foe a kownoe Jezus Kristus di e tiri. Na so fasi den sma disi foe ala naatsi ben kon na ini wan moro krosbé matifasi nanga „na srafoe”-klasse.
14. Fa den ben bigin foe si now den sma di ben gersi skapoe, ini a leti foe Johannes 10:16, èn omeni bijkantoro foe na Wachttoren Genootschap e dini den now?
14 Den regtvaardiki sma dati di wi kan teki gersi nanga skapoe no ben moesoe gi morolanga na algemene nen di wani taki foeroe „sma foe Boen wani” (Luk. 12:14). Den no ben moe si den moro leki wan klasse di no ben orga foe sma di e frede Gado na ini ala naatsi — lasi skapoe efi joe taki en leti. Jezus ben taki dati a ben sa tjarl kon makandra „tra skapoe” èn den sa meki den tron „wan ipi” nanga na fika pisi foe na „srafoe”-kiasse (Joh. 10:16). Na tjari kon makandra disi foe den „tra skapoe”, di ben feni presi foe sensi a ten dati, de wan foe den aparti pisi foe na „marki” di e sori na tapoe na „bosroiti foe na seti foe sani”. Foe dini den meki na Wachtoren Genootschap abi now 95 bijkantoro.
Opo doe wan sani biten tapoe na si foe na „marki” sa tjari pai kon
15. Na sortoe marki den „skapoe” moe doro foe ’kisi na kownoekondre’?
15 Leki fa na agersitori foe Jezus ben taki, dan den regtvaardiki „skapoe” ben moe doro bepaalde marki na ini a ten foe na „bosroiti foe na seti foe sani”. Den ben moesoe herken èn erken den jeje „brada” foe Kristus di „de na getrow èn koni srafoe”-klasse. „Den skapoe” moesoe doe ooktoe boen sani gi na „srafoe”-klasse, go fisiti den srefi te den kon na ini straf’oso no nanga reti. Disi den „skapoe” moesoe doe, efoe den wani kisi na blesi foe na hemel Tata èn wani kisi na kari foe na kownoe Jezus Kristus ’foe go na ini na kownoekondre di ben sreka gi den foe sensi di na fundamenti foe grontapoe ben poti’. — Matt. 25:34.
16. Foe go na ini sé foe san na kownoe e kari „den skapoe” nanga den wortoe „kon teki na kownoekondre”, èn sortoe „oorlokoe” den sa pasa libilibi?
16 Foe di den „skapoe” disi no de den jeje „brada” foe na kownoe, meki a e kari den no foe teki presi na tapoe hemel troon èn go tiri makandra nanga en na ini a ten foe na spesroetoe doesoen jari tiri di poti a wan sé. Nanga den wortoe foe en „go ini a kownoekondre”, a e kari den go na ini sé wan pisten foe na kownoekondre, baka te a pori na ini na „feti foe na bigi dé foe Gado na Almaktiwan na Armageddon ala godlosoe kownoekondre foe na heri grontapoe (Openb. 16:13-16). Foeroe foe den „skapoe” di e libi now sa psa libilibi na oorlokoe dati foe ala oorlokoe èn sondro foe dede go na ini na doesoen jari tiri foe Kristus.
17. Fa a kownoe e taki nanga „den skapoe”, èn fa a ben kisi wan sani san a ben kan libi gi den a baka?
17 Soboen na kownoe Jezus Kristus taki nanga den „skapoe” disi leki nanga en pikin, foe soema a ten doro foe go ini wan goedoe di den kisi foe en. Nanga a dede foe en leki wan volmaakti libisma gi na heri libismafamiri a ben sorgoe gi wan ferloesoe ofrandi, èn a ben gi ala en égi ferwakti na tapoe libi na ini wan grontapoe paradijs abra (Luk. 23:39-43). Na ini a fasi disi, Jezus, „na laatste Adam” ben de heri trafasi leki na fosi libisma Adam, di ben sondoe èn di ben lasi na grontapoe paadijs gi ala en bakapikin. Na Jezus Kristus di ben opo baka foe dede, di e tron na „tégo Tata” foe na heri libismafamiri di a bai kon fri, ben abi foe dat’ede wan goedoe ooktoe di a ben libi a baka gi na grontapoe gi ala den sma di joe kan teki gersi nanga skapoe (1 Kor. 15:45; Jes. 9:6, 7). Na libismafamiri ben poti tapoe na fundamenti foe na fundamentiston Adam, ’na fosi libisma’, di ben abi ala ferwakti nanga okasi foe ben libi na ini wan paradijs. Ma na paradijs dati di lasi gwe sa tjari kon baka nanga jepi foe na kownoekondre foe Gado na ini anoe foe na „laatste Adam”, Jezus Kristus.
18. Na sortoe fasi na kownoekondre gebied ben „sreka” foe sensi na fundamenti ben poti gi den skapoe?
18 Pas baka di Adam nanga Eva ben jagi komoto foe na fosi paradijs, den ben bigin kisi pikin. Na fosi manpikin foe den Kaïn ben kiri na di foe toe manpikin foe den, na regtvaardiki Abel. Na manpikin foe den, Seth, den ben si foe dat’ede leki a sma di ben teki a presi foe Abel. Nanga na gebortoe foe den bakapikin disi na grontapoe foe libisma ben poti na tapoe en fundamenti. Ma a fesi foe dati di a mama èn papa foe na grontapoe foe libisma ben jagi komoto foe na paradijs, Jehovah ben gi en sari-ati pramisi di ben go foe wan „siri” di ben sa masi ofoe maskaderi na ede foe na agersi Sneki, Satan Didibri. Na „siri” ben sa de wan kownoe Siri èn ini akroederi nanga na prakseri foe Gado èn den ai foe en di e si sani a fesi dan wan kownoekondre ben de ini a tori disi (Gen. 3:15). Te Satan, na Sneki èn en siri ben poeroe a pasi, dan den sma di ben bai kon fri foe na libismafamiri ben sa go foe dat’ede a tapoe na kownoekondre gebied, ondro na hemeltiri foe na victori siri, di e masi na Sneki nanga en siri. Na so fasi na „kownoekondre”, di den sna di gersi skapoe e kisi foe na anoe foe a tgo Tata foe den, Jezuss Kristus, leki „goedoe” de na kownoekondre gebied di „ben sreka gi [den] foe sensi na fundamenti foe grontapoe ben poti”.
19. Sortoe bigin na seti foe sani, di sa de baka Armageddon, sa kisi na grontapoe?
19 Di den agersi bokoboko sa koti poeroe na ini Armageddon na ini na pori dan den „skapoe” di sa tan na libi sa kisi wan regtvaardiki bigin ini na seti foe sani di sa de na baka Armageddon tapoe wan paradijsgrontapoe. Foe a sani disi Jezus ben taki: „Den disi [den bokoboko] sa go na ini na tégo koti poeroe, ma den regtvaardiki na ini na tégo libi.
20. Fa wi kan tan farawe foe en foe leg den pisi foe na marki uit tapoe wan fowtoe fasi?
20 Na ini a ten foe na bosroiti foe na seti foe sani, di ben bigin na a kaba foe den ten foe den heiden ini 1914, den „skapoe” nanga den „bokoboko” ben leg na „marki” foe Jezus „denoja” tapoe difrenti fasi uit. Foe di sondro degedege wi e libi na ini wan kroetoe ten, meki na aksi di e kon now de toemsi prenspari: San na „marki” wani taki gi oenoe? Efoe a sani disi ben libi gi na fasi fa joe e si sani, dan kande wi ben sa leg na „marki” dati tapoe wan fowtoe fasi uit. Foe dat’ede wi e doe boen foe aksi wisrefi: San Jezus Kristus ben taki dati na samengestelde marki disi moesoe sori wi? Akroederi Jezus wortoe dan disi e sori na tapoe dati na disiten seti foe sani heri esi sa kon na wan kaba na ini wan bigi benawtoe, di sa pori sani moro leki na grontapoe Froedoe na ini na ten foe Noach. — Matt. 24:21.
21. (a) Foe san-ede wi kan de nanga prisiri aladi na „bigi benawtoe” de krosbé? (b) Sortoe okasi nanga mogelekheid de gi na klasse foe den „skapoe” ini a ten disi?
21 Ma ete oen moe de nanga prisiri, bikasi na „marki” disi e sori ooktoe a tapoe dati na doesoen jari tiri foe Jezus Kristus de krosbé èn de klari foe bigin baka te a pori Satan seti foe sani na grontapoe (Luk. 21:28). Foe dat’ede meki joe abi na toemsi moi okasi foe pasa libilibi a ondro na kibiri foe Gado na „bigi benawtoe” dati èn go na ini na njoen seti foe sani, pe foe tégo regtvaardikifasi sa de. Ija, na mogelekheid joe e kisi foe no dede noiti, ma foe libi foe tégo ini kolokoe tapoe wan paradijs grontapoe, ondro na universele soevereiniteit foe Jehovah Gado.
22. (a) San wi sa doe leki wan opo doe wan sani wantewante èn na tapoe wan joistifasi te wi e si na marki? (b) Fa Jezus Kristus kan kisi leti a ini na tori foe na „marki”?
22 Efoe wi de wan pisi foe den jeje „brada” foe Kristus ofoe wan pisi foe den regtvaardiki skapoe, meki wi opo doe wan sani wantewante tapoe wan joistifasi te wi e si na „marki”. Meki wi go moro fara foe abi wan prati na a kontroe foe na aparti pisi foe na marki: „Na boen njoensoe disi foe na kownoekondre sa préki na a heri grontapoe pe libisma e libi leki wan kotoigi gi ala naatsi” dan wi no sa abi noiti foe frede te na „kaba” kon. Ma presi foe dati, na prisiri foe wi sa de psa marki! Ooktoe Jezus Kristus sa kisi leti leki na betrouwbaar sma di ben taki sani a fesi foe na „marki” di abi difrenti pisi foe na bosroiti foe na seti foe sani”. — Matt. 24:3-25:46.
Joe sabi a piki?
◻ Oten den sma den ben sa prati den leki fa den e prati skapoe foe bokoboko?
◻ San joe moe doe na ini na ten foe na kontroe foe Jezus agersitori foe den skapoe nanga bokoboko foe joe kan prijse joesrefi kolokoe?
◻ Soema de den „brada” foe na kownoe èn soema de wan pisi foe „na getrow èn koni srafoe”?
◻ Den „skapoe” moe doro sortoe marki foe ’kisi na kownoekondre’?
◻ San wi sa doe leki na opo foe doe wan sani wantewante èn na tapoe na joisti fasi te wi e si a „marki” foe Jezus „denoja”?
[Prenspari pisi na tapoe bladzijde 14]
Opo doe wan sani wantewante tapoe na „marki” foe Jezus „denoja”. Disi kan wani taki tégo libi na ini na paradijs
[Prenki na tapoe bladzijde 11]
Soleki wan herder e prati den skapoe foe den bokoboko, na so Jezus Kristus e prati den sma now. Joe de wan „skapoe”?