Wan warskow di sma no ben teki
TAPOE 18 mei 1980 na Mount Saint Helens ini den Verenigde Staten foe Amerkankondre ben broko na tirifasi di ben de 123 jari langa. Nanga wan kefarlek bigi baster opo foe na ede pisi foe en dan sowan 400 meter foe na ede ben naki gwe, sodati sowan 600 vierkante kilometer moi kontren ben pori èn moro leki dritenti sma ben lasi libi.
Na baster opo disi foe sani no ben kon somaar. Pikinmoro toe moen a fesi na kontren ben kisi boen aardbéfi, di safrisafri a nomroe foe seki ben kon moro foeroe. Tapoe 27 maart na bergi ben poesoe wan wolkoe foe asisi nanga ston kon a loktoe di ben opo ensrefi leki wan moro leki siksi kilometer hé ede a tapoesé foe na vulkaan. Aladi na bergi na ini april ben kon de pikinso tiri, tokoe na a Noordsé pisi foe en wan kefarlek bigi uitstulping di ala dé ben kon sowan anderhalf meter moro bigi.
Gi den sabiman dan den marki disi ben e sori tapoe wan uitbarsting di ben e kon. Den sma ben kisi warskow foe komoto foe na kontren foe na bergi. Ma foeroe sma no ben poti prakseri na tapoe den warskow.
Harry Truman, éginari foe wan pikin hotel na Spirit Lake, na a foetoe foe na bergi ben wégri srefi meki den froisi en gwe. Féfitenti jari a ben libi drape èn a no ben kan bribi dati a lobi bergi foe en ben sa tjari wan kenki kon na ini a rostoe foe na kontren foe en. Tra sma ben rij lontoe den sani di den ben poti na tapoe den pasi kon tapoe farawe pasi di sma di e koti oedoe e gebroiki foe kampeer ini na bidrigi vrede boesi èn foe loekoe na bergi di ben kon de actief.
Di na kefarlek bigi aarbéfi ben kon, dan asisi nanga a boen hati faja gas nanga wan snelheid foe moro leki 320 kilometer ini wan joeroe ben slenger gwe foe na bergi! Miljoenmiljoen nanai bon ben naki trowe na gron èn sma di no ben e broko den ede ben lasi den libi. Son sma ben dede, nanga wan fototoestel na fesi den ai. Harry Truman nanga en pikin hotel ben beri ondro wan moro leki 12 meter koekoe tokotoko liba.
Tokotoko liba ben kon nanga wan snelheid foe pikinmoro aititenti kilometer wan joeroe foe na bergi. Di wan helikopter piloot ben warskow sma di ben de na tapoe wan pasi foe tokotoko liba, dan sonwan ben wégri foe poti prakseri tapoe en wortoe. A ben taki: „Mi no ben kan bribi dati. Mi ben ferteri den san boo miti den èn den ben lafoe foe dati èn ben sori mi foe hari gwe.” Sjatoe baka dati na lafoe foe den ben kenki kon ini broeja.
Na wégri disi foe poti bribi ini warskow di no e lé no de wanongewoon sani, spesroetoe efoe a no abi foe doe nanga wan sani san sma noiti ben ondrofeni persoonlek ete. Den e redeneer dati noti sa kenki foe di den toestand di den gwenti ben tan asrefi sensi den dé foe den fositen tata. Sowan fasi sa sori taki a e tjari rampoe kon efoe a e meki taki wan sma no e poti prakseri tapoe warskow di ben gi na owroeten foe wan rampoe di ben o kon èn di sa pasa na uitbarsting foe na Mount Saint Helens krinkrin. Sortoe rampoe na dati? Èn fa joe e si na warskow? Joe sa poti disi na wan sé foe di joe no e bribi, ofoe joe de klari foe poti prakseri a tapoe sodati joe kan tan na libi?
Foe kan tan a libi baka na kaba foe na seti foe sani disi, wi moe poti prakseri tapoe na warskow foe fositen. Netleki den aiti sma di ben tan na libi baka na Froedoe a so wi moe sori lobi regtvaardikifasi. Foe kan tan na libi wi moe teki na rai di tanapoe na ini Zefanja 2:3: „Soekoe regtvaardikifasi, soekoe safrifasi. Kande den sa kibri joe tapoe a dé foe Jehovah en atibron.”