Vrede foe Gado gi den di kisi leri foe Jehovah
„Ala den manpikin foe joe sa de sma di kisi leri foe Jehovah, èn a vrede foe joe manpikin sa de psa marki.” — JESAJA 54:13.
1, 2. Foe san na abi foe vrede e anga?
VREDE! Fa dati de wan afersi di ala sma wani sote! Tokoe a bericht di a libismafamiri bow de wan di de boiti wan vrede wan. Fa so?
2 Abi vrede, abi krosbé foe doe nanga respeki gi makti. Èn soema na a moro hé makti na ini na universum? Na Mekiman, Jehovah Gado. Wan boen matifasi nanga en de foe dat’ede wan sani di wi no kan doe sondro en foe abi vrede (Psalm 29:11; 119:165). Efoe na moro prenspari matifasi dati kon pori dan a de wan sani di no kan foe abi troe vrede nanga Gado, nanga wi kompe libisma ofoe ini wisrefi. — Jesaja 57:21.
Foe san-ede na grontapoe no abi vrede
3. Fa na matifasi foe libisma nanga Gado pori?
3 Soleki wi sabi heri boen dan, wan jeje manpikin foe Gado biten kaba ini na historia foe libisma-famiri ben opo ensrefi tege Jehovah. Opo joesrefi tegen wan sma de wan toestand foe oorlog. Na poriman dati foe vrede, di ala sma sabi leki Satan Didibri, ben poesoe Eva foe meki na wet foe Gado no tapoe en foe doe wan sani di leki fa en loekoe en ben sa de gi a wini foe en. Didibri ben drai den troe tori foe tjari en kon a tapoe a prakseri dati ai mankeri wan boen sani te a arki na Gado. A ben wroko na tapoe na lostoe foe Eva foe kisi wini gi ensrefi, ija, tapoe en „mi-fosi”-fasi. Heri esi, en man ben moksi ensrefi na en ini en kroektoedoe libifasi, èn leki wan baka bakapisi foe dati ala den bakapikin foe den ben kisi na jeje dati. — Genesis 3:1-6, 23, 24; Romeini 5:12.
4, 5. (a) Te o fara Satan ben man foe wroko tapoe a denki foe den libisma? (b) Sortoe krakti disi ben abi tapoe den moeiti toe libisma foe tjari vrede kon?
4 No soso wan pikin pisi foe na libismafamiri e poti den wet foe Gado na wan sé. Na bijbel e ferteri wi dati Satan „e kori na heri grontapoe pe libisma e libi a tapoe” (Openbaring 12:9). Son sma de toemsi kroekit psa marki, foedi den sori taki den e feragti Gado nanga den naaste foe den dorodoro; tra sma de dati moro mendri. Ma Satan ben man soboen foe wroko tapoe na denki foe libisma dati na apostel Johannes ben kan taki: „Na heri grontapoe didon na ini na makti foe na godelowsoewan” (1 Johannes 5:19). Efoe den sma e taki now ofoe no e taki dati den e bribi na ini Didibri, den e doe leki fa a wani. Den gi jesi na en, èn foe dat’ede a de a tiriman foe den. Foe dat’ede meki a libismafamiri kon de wan freemde sma gi Gado, e libi ini féjanti fasi nanga Gado. A de foe dat’ede wan ferwondroe sani dati ini sowan libifasi den moeiti foe libisma foe tjari vrede kon alaten baka e kon tron noti? — Kolosse 1:21.
5 Ma tog wan nomroe foe sma foe ala natie di e gro dé foe dé e prisiri ini na vrede foe Gado, wan vrede di abi en bigin na Gado. Fa na boen bakapisi disi doe kon?
Na vrede di e gi satisfaksi èn di Gado e gi
6. (a) Fa krakti e poti na ini bijbel tapoe vrede? (b) Nanga jepi foe soema wi kan prisiri na ini a vrede di Gado e gi?
6 Na ini Romeini 15:33 den e skrifi na wan fasi di fiti foe Jehovah leki „na Gado di e gi vrede”. Foe sensi na fosi bigin a ben de a prakseri foe Gado dati ala en mekisani ben sa prisiri na ini vrede. Na ini en Wortoe na bijbel di skrifi nanga santa jeje moro leki 300 tron den e sori tapoe vrede. Na ini a boekoe e kon a krin dati Jezus Kristus na a „Vrede Kownoe” (Jesaja 9:6, 7). En de a sma di ben kisi na komando foe Gado foe broko den wroko foe na moro prenspari poriman foe vrede, Satan Didibri (1 Johannes 3:8). Èn nanga jepi foe na „Vrede Kownoe” dan ibriwan foe wi kan prisiri ini na vrede di e gi satisfaksi èn di Gado e gi.
7. (a) San a vrede di komoto foe Gado wani taki? (b) Foe san-ede a vrede dati no de wan sani na ini san wi kan prisiri na ini te na owroe seti no de moro èn di doro te foe kaba na volmaaktifasi?
7 Fa disi de wan toemsi moi vrede! A de moro leki a no de di feti no de. Na Hebrew wortoe sja-lõm’, di gewoonlijk e vertaal nanga vrede, e sori ooktoe tapoe gesontoe, tan boen nanga a go a fesi foe sani. Na vrede foe Gado di kristen abi, de aparti foedi dati no anga foe a presi pe den de. Disi no wani taki dati wan birti di no de so switi no abi krakti tapoe den. Ma den e kisi wan inisé krakti, di e jepi den foe no trowe oli tapoe a faja foe djoegoedjoegoe te sma doe den wan sani, foe pai ogri nanga ogri (Romeini 12:17, 18). Ooktoe wan sma di kande na skinfasi siki ofoe di no abi foeroe goedoe na skinfasi, tokoe na jejefasi kan de gesontoe èn e go a fesi èn na so fasi e prisiri na ini a vrede di Gado e gi. A de wan sani di de krinkrin dati na vrede di den sortoe sma disi e njan boen foe en sa kon moro boen na fesi te na gridi grontapoe disi no de moro, èn na vrede disi sa kon moro foeroe psa marki te na heri libismafamiri sa tjari kon de volmaakti. Ma na vrede foe Gado di wi kan njan boen foe en kaba, de wan korostoe jeje èn ati, wan inisé toestand foe rostoe awinsi san kande e sori ensrefi a dorosé (Psalm 4:8). A vrede dati e kon foe wan boen matifasi nanga Gado. Fa disi de wan diri sani!
Manpikin di kisi leri foe Jehovah
8. Soema ben de den fosiwan di ben sa prisiri ini na vrede disi nanga Gado nanga jepi foe Jezus Kristus?
8 Soema abi na vrede dati foedi den kisi leri foe Jehovah èn ben poti prakseri na en komando? Na bijbel e gi piki tapoe na aksi disi foedi ai poti prakseri tapoe den sma di de a jeje Israël. Na foe den Galacia 6:16 e taki, pe wi e lési: „Ala sma di sa waka akroederi na libifasi disi, tapoe den na vrede èn sariati de, ija tapoe na Israël foe Gado.” Djaso ai go foe den 144.000 di Gado ben ferkise foe kisi hemel libi makandra nanga Jezus Kristus. — Openbaring 14:1.
9. San ben de na „libifasi” di den memre foe na jeje Israël ben moe waka na en baka, efoe den ben wani abi vrede?
9 Na ini a ten dati na ini a fosi jarhondro den sma di ben de wan pisi foe na jeje Israël ben leri wan fundamenti waarheid, wan „libifasi”, èn soso te den ben waka na baka dati, den ben kan abi na vrede. A de toemsi prenspari dati den ferstan a libifasi dati. Moro leki tinaféfi jarhondro langa Jehovah nanga jepi foe na wet foe Mozes ben gi prenki foe boen sani di ben o kon. Ma baka na ofrandi dede foe Jezus Kristus den sani di na wet foe Mozes ben e aksi no ben abi wan krakti moro (Hebrewsma 10:1; Romeini 6:14). Disi ben kon krin a fesi ini na bosroiti di na kristen tiri skin ini Jeruzalem ben teki ini na afersi foe besnijdenis (Tori foe den Apostel 15:5, 28, 29). Ini na brifi gi den Galaciasma di ben skrifi nanga jepi foe santa jeje ete wan tron ben disi kisi krakti. Den boen sani di ben de leki prenki na ini na wet foe Mozes, ben kon de wan troetroe sani. Nanga pasensi Jehovah ben spikri na betekenis foe na no-verdini boenfasi di a ben sori, go ini na jeje èn ati foe den salfoe bakaman foe Kristus. Te den ben sa sori bribi na ini na seti disi, ben sa tjari densrefi na ini akroederi nanga dati, dan den ben sa kan prisiri ini wan vrede di noiti a fesi ben de mogelijk gi sondoe libisma. — Galacia 3:24, 25; 6:16, 18.
10. (a) Sortoe pramisi di skrifi ini Jesaja 54:13 ben kontroe gi den memre foe na jeje Israël? (b) Fa tranga leri di Jehovah gi den ben meki dati den kan prisiri ini vrede?
10 Den memre dati foe na jeje Israël ben ondrofeni na kontroe foe na moi pramisi di skrifi na ini Jesaja 54:13. Drape Jehovah srefi ben taki gi en organisatie foe loyaal jeje mekisani di joe kan teki gersi nanga wan trow-oema: „Ala den pikin foe joe sa de sma di kisi leri foe Jehovah, èn na vrede foe joe pikin sa de psa marki.” A no de foe taki dati na moro prenspari manpikin foe na oema ben de Jezus Kristns srefi di ben doe kon leki na Messias di a ben kisi salfoe nanga santa jpje na ini 29 G.T. Ma Jehovah hemel „oema” abi moro pikin ’ete — 144.000 trawan di de a di foe toe pisi foe na siri di Genesis 3:15 ben taki foe en a fesi. Jehovah ben pramisi dati a ben sa de na moro Bigi Leriman foe ala den manpikin disi. A ben leri den na waarheid di e go foe ensrefi èn en prakseri. A ben ferteri den fa den moe dini en. Wawan tron a ben moe gi den tranga leri. Disi ben de fanowdoe te den ben poti en wortoe a wan sé. Tranga leri kan de wan sani di de moeilijk foe teki. Ma nanga sakafasi den ben erken dati den ben abi en fanowdoe èn den ben tjari na fanowdoe kenki kon, èn a tranga leri dati ben tjari boen bakapisi kon — „wan froktoe foe vrede . . ., dati wani taki regtvaardikifasi”. — Hebrewsma 12:7, 11; Psalm 85:8.
„Wan bigi ipi” e kisi leri na ini den pasi foe Gado
11. (a) Soema moro ete e kisi leri foe Jehovah na ini wi ten? (b) Fa den e sori dati san skrifi na ini Jesaja 2:2, 3, e kontroe tapoe den, èn fa disi abi krakti tapoe tra sma?
11 Na ini wi ten na jeje Israël no de na wan enkri groepoe di e kisi leri foe Jehovah. Ini den féfitenti jari di psa prakseri ben poti ooktoe na tra sma. Santa jeje ben poesoe Jesaja foe skrifi ini kapitel 2, vers, 2 nanga 3 foe den: „A moe psa na ini na laatsti pisi foe den dé dati na bergi foe na oso foe Jehovah sa poti stéfi tapsé foe den ede foe den bergi, èn a sa poti seker hé tapsé foe den pikin bergi; èn na drape ala natie moe lon go.” Ija, den sma di e teki na anbegi foe na wan enkri troe Gado e poti dati tapoe na moro hé presi ini den libi. Na sofasi na anbegi dati e opo ede hé tapoe ibri tra sortoe foe anbegi na san den ben teki prati fosten èn na san a grontapoe di lontoe den te now ete e teki prati. Sma foe ala natie ben si disi. Den ben si dati den sma di e dini Jehovah ben poti na matifasi foe den nanga Jehovah tapsé foe ala tra sani, awinsi sortoe sani grontapoe maktiman e aksi foe den ofoe sortoe onkristelijk praktijk e teki na grontapoe abra. Sma di e loekoe ben si ooktoe den froktoe foe dati na ini na libi foe den sortoe anbegiman disi èn foeroe wani go teki prati ooktoe na a troe anbegi. Foe dat’ede meki now moro leki dri miljoen sma e taigi trawan: „Oen kon, meki wi go na a bergi foe Jehovah, na a oso foe na Gado foe Jakob èn a sa leri wi foe den pasi foe en èn wi sa waka den pasi foe en.” — Loekoe ooktoe Zacharia 8:23.
12. Fa den sma di Jesaja 2:2, 3 e kari e feni wini foe en dati Jehovah de den Leriman, èn san de wan aparti pisi foe a leri di a e gi den?
12 Go prakseri pikinso san dati wani taki — foe abi Gado leki joe Leriman! Den sma di kisi a sortoe foe leri disi èn krinkrin abi warderi gi a presi pe a komoto, no e kisi kwinsi alaten nomo foe stré ne jeje fasi. Sani no e slinger den go-kon a mindri toe prakseri èn den no de ini wan toe stré di e go foe bepaal san de joisti. Na waarheid foe a wortoe foe Gado de so krin leki kristal. Èn leki fa Jesaja 2:4 taki dan san ben sa de wan aparti pisi foe na leri di den e kisi? Dati den e leri san den moe doe foe den prisiri densrefi ini vrede ini wan grontapoe di trobi prati. Foe dat’ede meki den sma di e kisi leri foe Jehovah e teki foe dat’ede ooktoe fesi, awinsi san tra sma ferkisi foe doe, foe naki den fet’owroe tron ploegoe foe den èn den lansri tron kronnefi. Den no e leri feti moro.
13. San ben de den fosten omstandigheden foe den memre foe na „bigi ipi”, èn san ben meki den tron den sma di den de now?
13 Asrefi groepoe disi Openbaring 7:9, 10, 14 e sori den leki sma di psa go libilibi ini Gado njoen grontapoe foe vrede di e kon baka na „bigi benawtoe”. Na „bigi ipi” di tan na libi komoto foe ala ethnis groepoe, lo, folkoe nanga tongo. Foeroe foe den fosten ben de sma di ben de ini partij di ben feti nanga makandra. Trawan foe den ben libi eenvoudig akroederi wan patron foe soekoe moro foeroe wini gi densrefi; tokoe na libifasi dati ben de wan skotoe ooktoe foe a njan boen foe vrede. Ma now den sma di komoto foe ala natie de wan pipel di lobi vrede èn di e meki vrede go a fesi. Èn san ben meki den kon de so? Foedi den ben kisi leri foe Jehovah. — Jesaja 11:9.
Wan aparti sortoe foe vrede
14. Tapoe san na vrede foe Jehovah pipel abi en fundamanti, èn fa dati kan?
14 Na vrede nanga san Jehovah e blesi en pipel, de troetroe aparti. A no de wan situatie di doe kon te toe partij di no e fertrow makandra, e sroto wan kroederi di e degedege. Skeki no e kon ini a tori. A vrede disi abi en fundamenti tapoe regtvaardikifasi (Jesaja 32:17). Ma fa dati kan de troe nanga vrede a mindri onvolmaakti libisma? Sortoe regtvaardikifasi wi abi leki sondari? We, nanga jepi foe bribi wi kan prisiri na ini regtvaardiki fasi di kon de mogelijk nanga na waarde foe Jezus srakti-ofrandi di e verzoen sondoe.
15. Sortoe leri di de so prenspari gi vrede Jehovah ben gi den manpikin foe en di bô kon ete na ini a diniwroko foe Jezus na grontapoe?
15 Disi e jepi wi foe ferstan san Jezus ben taki akroederi na tori di skrifi na ini Johannes 6:45-47. A ben taki dja nanga djoe di a no ben hari den kon a en leki na Messias èn foe dat’ede ben e knoroe tegen en. Ma a ben poti prakseri tapoe en discipel di a ben taki: „A ben skrifi na ini den proféti [Ini Jesaja 54:13 foe taki en leti]: ’Èn den alamala sa kisi leri foe Jehovah.’ Ibriwan sma di ben jere ofoe ben leri en foe na Tata, e kon na mi. No dati wan sma ben si a Tata, boiti en di komoto foe Gado; en dati ben si na Tata. Foe troe, foe troe, mi e taigi oenoe: A sma di e bribi, abi tego libi.” Den discipel dati ben teki na leri di Jehovah ben gi den. Jezus ben hari den kon na en. Di tra sma di ben trowe den sani di a ben leri èn ben drai baka gi Jezus, dan en apostel ben tan na en. Soleki Petrus ben taki: „Wi ben bribi èn ben kon sabi dati en de na santa wan foe Gado” (Johannes 6:69). Foe na bribi ede foe den ini Jezus Kristus meki den ben sa kon na ini wan matifasi foe vrede nanga Jehovah Gado, wan matifasi di e tjari na djaranti foe tego libi kon nanga en.
16. (a) Fa den bakaman foe Jezus foe sensi a pinksterdé ini 33 G.T. ben njan boen foe na seti di ben seti nanga jepi foe Kristus? (b) San den ben aksi baka foe den?
16 Foe sensi a pinksterdé ini 33 G.T. den winimarki foe Jezus offer ben tjari kon tapoe den getrow bakaman dati foe Kristus. San Paulus ben skrifi bakaten na ini Romeini 5:1, ben kon troe tapoe den: „Meki foe dat’ede, now di wi ben kon de regtvaardiki leki wan bakapisi foe bribi, njan boen foe vrede nanga Gado nanga jepi foe wi Masra Jezus Kristus.” Foe a ten kaba di den ben gebore, den ben de alamala bakapikin foe Adam. Leki sondari den ben de wan freemde sma gi Gado. No wan foe den boen wroko di den ben doe kande persoonlijk, ben kan poeroe na sondoe di den ben kisi. Ma na ini en noferdini boenfasi Jehovah ben teki na offer foe Jezus volmaakti libismalibi foe na boen foe den bakapikin foe Adam. Now regtvaardikifasi ben kan gi na den sma di e sori bribi na ini na seti disi èn Gado ben kan teki den leki manpikin di ben abi hemel libi a den fesi (Efese 1:5-7). Ma moro ben de fanowdoe ete foe na sé foe den? Ija, den ben moe waka den pasi foe Jehovah. Den no ben moe de moro langa sma di meki en wan gwenti foe de sondari. Ma den ben ferstan dati ala regtvaardikifasi di den abi, de a bakapisi foe no-ferdini boenfasi di nanga jepi foe Kristus ben doe kon. Soleki na bijbel e taki, ’den abi vrede nanga Gado nanga jepi foe iezus Kristus’.
17, 18. (a) Den „tra skapoe” e prisiri na ini na vrede disi nanga Gado? (b) Sortoe aksi morofara moesoe abi wi prakseri?
17 Fa a de nanga den sma di Jezus e kari en „tra skapoe”? (Johannes 10:16). Den e prisiri na ini na vrede disi nanga Gado? No leki manpikin foe Gado, ma Kolosse 1:19, 20 e taki foe troe ooktoe foe den leki sma di e kisi a vrede foe Gado. Drape tanapoe dati Gado ben feni en boen nanga jepi foe Kristus „foe verzoen ala tra sani baka nanga en foedi ai meki vrede nanga jepi foe na broedoe di en [Jezus] ben meki lon na a pina-oedoe, awinsi a de den sani na grontapoe [dati wani taki den sma di sa kisi blesi nanga tego libi tapoe wan paradijs grontapoe] ofoe di de ini den hemel”. Den sma disi nanga grontapoe ferwakti nownow kaba den e ferklari den regtvaardiki èn den e njan boen foe na vrede nanga Gado, no leki manpikin, ma leki ’mati foe Gado’, netleki Abraham. Fa disi de wan blesi positie! — Jakobus 2:23.
18 Joe e prisiri persoonlijk ini a vrede dati? Joe e ondrofeni dati so dorodoro soleki disi de mogelijk gi sma di e libi ini na toemsi prenspari ten disi ini na historia? Na ini a tra artikel wi sa loekoe wantoe foe den sani di kan meki dati doe kon.
Overzicht aksi
◻ Foe san-ede grontapoe no abi nowan vrede?
◻ San na a vrede di Gado e gi now?
◻ Soema kan njan boen foe a vrede disi?
◻ Fa regtvaardikifasi de wan sani di joe no kan doe sondro en foe abi a vrede disi?
[Prenki na tapoe bladzijde 4]
„Ibriwan sma di jere èn leri en foe na Tata kon na mi”