Seikerfasi na a heri grontapoe na ondro na „kownoe foe vrede”
„Na a kownoe tiri makti psa marki èn na vrede wan kaba no sa de, tapoe na troon foe David èn abra en kownoekondre, foe poti en stefi èn foe hori baka gi en nanga jepi foe geregtigheid èn nanga jepi foe regtvaardikifasi foe now te ten di no abi marki. Ija, na faja foe Jehovah foe den fetiman sa doe disi. — JESAJA 9:7.
1, 2. (a) Na gebortoe foe a kownoekondre foe Gado ben gi rede foe san, èn oten a gebortoe dati ben feni presi? (b) Sortoe wroko a handvest foe den Verenigde Naties e gi na organisatie dati, ma sortoe wroko akroederi na Kownoekondre-ferbontoe de na tapoe Jezus Kristus? (c) Fa wi sabi dati Jehovah sondro foe misi sa hori ensrefi na a Kownoekondre-ferbontoe?
SOLEKI na gebortoe foe na volmaakti manpikin Jezus ben de wan rede foe bigi prisiri, na so ooktoe na gebortoe foe en kownoekondre di ben pramisi langaten kaba ben sa de wan rede foe wan bigi prisiri (Psalm 96:10-12). Akroederi nanga den troe tori foe na moderne historia dan na tiri dati ben poti na tapoe den skowroe foe na glori Jezus na ini 1914. Dati nownow wan organisatie foe den Verenigde Naties de, no e meki dati a sani disi no de troe. Nowan foe den tiriman foe den 159 kondre di de memre foe na VN komoto foe na oso foe David. Ma tokoe ete na handvest foe na internationaal komplot dati e gi den na wroko foe tjari vrede nanga sekerfasi na a heri grontapoe kon gi a hori libisma-famiri.
2 Ma Jehovah ferbontoe foe a Kownoekondre noiti ben kon a wan kaba. Den wortoe di ben gebroiki na ini Jesaja 9:7 „tapoe na troon foe David” gi krakti nanga a ferbontoe di Gado ben sroto nanga David foe wan kownoekondre di noiti e kon na wan kaba. Boiti foe dati, Jehovah ben sweri taki na ferbontoe ben sa tjari kon na wan kaba di boo waka boen. Dati Jehovah e hori ensrefi na a ferbontoe disi, Psalm 89:3, 4, 35, 36 e tjari kon na krin: „Mi ben sroto wan ferbontoe nanga na wan di ben ferkise; mi e sweri gi mi knegti David: ’Te ten di no abi marki mi sa poti joe siri stéfi, èn mi wani bow joe troon foe geslagti te geslagti.’ Wantron mi ben sweri ini mi santafasi, na David mi no wani ferteri lé. Ija, a siri foe en srefi sa sori taki a de te ten di no abi marki èn en troon, leki a son a fesi foe mi.” Akroederi nanga na ferbontoe dati èn ooktoe ini akroederi nanga na titel „Kownoe foe Vrede” dan tapoe Jezus Kristus na wroko de foe tjari sekerfasi kon na a heri grontapoe.
3. Foe san-ede na ten tapoe san na „Kownoe foe Vrede” sa bigin en tirimakti, no ben de wan ten gi hemel ofoe gi grontapoe?
3 Te na ten doro gi Jehovah Gado foe poti na tiri tapoe den skowroe foe en Kroon-prins, dan disi no ben o tjari na ni hemel èn ooktoe na a grontapoe dja na ondrosé wan pisten foe vrede kon. Akroederi Openbaring kapitel 12 dan oorlog ini hemel ben sa waka kon baka a gebortoe foe en kownoekondre. Satan Didibri nanga en ogri-jeje ben stré tege na tiri di ben opo pas èn na kownoe di ben poti pas tapoe a troon ben stré nanga en engel tege den legre disi foe ogri-jeje. A bakapisi ben de dati Satan nanga en ogri-jeje ben slinger komoto foe hemel go na a krosbé kontren foe wi grontapoe. Foe dat’ede na kari ben de foe jere alape „Eloe foe grontapoe èn na se, bika Didibri saka kon na oenoe, èn a abi bigi atibron, foedi a sabi dati a abi soso wan sjatoe pisten” (Openbaring 12:12). Foe sensi a ten di Didibri ben trowe go na grontapoe, dan na planeet foe wi tron wan sari presi foe kefarlek bigi tranga ogridoe, Fa na libisma famiri abi srefsrefi na tiri foe na „Kownoe foe Vrede” fanowdoe bika foe drape sekerfasi na a heri grontapoe sa komoto!
4. Foe san-ede na titel „Tranga Gado” ofoe Makti Gado” no moe broeja nanga Almakti Gado?
4 Akroederi Jesaja 9:6 dan boiti a titel „Kownoe foe Vrode”, dan ooktoe tra titel ete ben sa poti a tapoe na glori nen foe Jezus Kristus. Wan foe den titel disi ben sa de „Tranga Gado” ofoe „Makti Gado”. Den no ben sa kari en Almakti Gado leki a ben de wan memre foe wan dri-wanfasi foe Gado di ben de speri. Srefi na tapoe a dé foe en opobaka ete a ben meki kon a krin dati a ben de ete more mendri leki Jehovah. A ben sori ensrefi na Maria Magdalena èn a seni en go na en discipel di ben de na ini span foe ferteri den dati a ben e drai go bka na den Tata èn en Tata èn na den Gado èn na en Gado (Johannes 20:17). Te nanga a dé foe tide a e tan teki fesi ini a heri mekisani ini na anbegi foe „Gado foe den gado”, Jehovah (Daniël 11:36). Ija, Jezus Kristus abi wan Gado, èn a Gado dati no de Jezus srefi ma na hemel Tata, Jehovah. Ma sortoe bigi fasi na „Kownoe foe Vrede” e dini leki na marki foe wan vrede nanga sekerfasi di sa tan ini na heri universum!
5. Foe san-ede Jezus Kristus de a moro boen sma foe ala mekisani di abi froestan foe teki fesi na ini na anbegi foe a troe èn libi Gado, Jehovah?
5 Te na ini ala tego fasi na glori Manpikin foe Gado sa teki fesi foe ala meki sani di abi froestan na ini a anbegi foe na wan èn troe libi Gado disi Jehovah. Na Manpikin foe Gado di poti na hé de toemsi boen foe doe dati. Foe ala meki sani ini hemel èn na grontapoe na glori Manpikin foe Gado de na sma di Jehovah sabi moro langa èn boen krosbé. Na ini 1 Korinte 2:11 na apostel Paulus e taki: „Bika soema a mindri den sma sabi den sani foe den sma boiti na jeje foe na sma di de ini en?” So a de ooktoe ini a geval foe Jezus Kristus. Aladi Jehovah Gado ben gebroiki en ini a meki foe libisma, tokoe a ben de gi en wan heri tra sani foe tron en srefi troetroe libisma, di ala grontapoe omstandigheden lontoe en èn foe ondrofeni den firi foe libisma foe a fosi anoe. Foe dat’ede skrifi dati „aladi a ben de wan Manpikin . . . a ben leri foe gi jesi ini den sani di a ben njan pina foe den” leki wan libisma dja a grontapoe (Hebrewsma 5:8). A ben sori troetroe dati a ben de wan sma na soema „ala makti ini hemel nanga grontapoe” ben kan fertrow veilig na en èn di ben de warti foe tjari na titel „tranga Gado”. — Mattéus 28:18; teki gersi Filippi 2:5-11.
„Wondroe Raiman” nanga „Tego Tata”
6. Fa Jezus Kristus ben dini leki „Wondroe Raiman”, èn fa na „bigi ipi” ben njan boen foe en wondroe rai?
6 Foe ala den krakti rede disi ede meki Gado hemel Kownoe ben man dorodoro foe tiri na libisma-famiri leki „Wondroe Raiman (Jesaja 9:6). A rai foe en de alaten wan koni wan, volmaakti èn a no e misi. Leki wan Mindriman a mindri Jehovah Gado èn den sma di ben teki poti na ini na njoen ferbontoe, a ben dini ini den tinanégi hondro jari di psa troetroe leki wan won-droe raiman. Now foe sensi 1935 wan „bigi ipi” foe en „tra skapoe” e teki en wondroe rai ini den èn e kisi na toemsi moi leri èn na moro boen tiri (Openbaring 7:9-17; Johannes 10:16). Leki wan wroko-sani gi na wroko disi di de ini a gi foe rai, meki a ben wiki ini na „bosroiti foe na seti foe sani disi” na pramisi „getrow èn koni srafoe”-klasse èn poti den tapoe ala en grontapoe goedoe ofoe kownoekondre belang (Mattéus 24:3, 45-47; Lukas 12:42-44). Na „bigi ipi” e kisi now jeje rai di troetroe de wan wondroe wan èn betrowbaar foedi disi abi leki gron na Wortoe foe Gado foe tjari kon a krin.
7. Foe san-ede Satan Didibri no de Moro wan tranga gado gi Jehovah pipel?
7 Leki wan bakapisi foe na teki di den teki a rai disi tapoe wan boenfasi meki Satan Didibri „na gado foe na seti foe sani” no de wan tranga gado more gi den leki Jehovah pipel (2 Korinte 4:4). Wi ben gwe libi Babylon a Bigiwan, na grontapoe maki foe falsi fasi foe anbegi foedi wi ben gi jesi na a gebod foe Gado, èn wi no e teki prati moro langa na den bigi sondoe foe en. Sondro foe seki wi ben teki na sé foe na sma tapoe soema skowroe Jehovah Gado ben poti en tiri.
8. (a) Foe san-ede a titel „Tego Tata” abi spesroetoe gi na „bigi ipi” na krakti di e hari den kon? (b) San sa psa nanga den sma di meki Satan Didibri de den jeje tata?
8 Na titel „Tego Tata” de wan di e wiki firi foe lobi kon. Spesroetoe na „bigi ipi” „tra skapoe” abi warderi gi den wortoe disi. Na tataschap foe Satan Didibri no ben abi wan krakti di e hari den kon na en. Den e béfi efoe den denki na den djoe kerki tiriman di ben kakafoetoe gi Jezus én gi soema a ben taki: „Oenoe de foe oen tata Didibri, èn oen wani doe den lostoe foe oen tata. A wan dati ben de wan kiriman di a ben bigin èn a no ben tanapoe faste na ini a waarheid, bika no wan waarheid de ini en. Te ai taki lé, dan ai taki akroederi en égi fasi, bika a de wan tata foe na lé” (Johannes 8:44). Na „bigi ipi” komoto gwe foe na mindri foe den jeje pikin dati foe Satan Didibri, foe soema na tataschap foe en no sa tan foe tego tapoe na libisma-famiri di fadon. Den sma di e meki a de a jeje tata foe den, sa dede makandra nanga den. Kisi pori krinkrin, di na „tego faja” foe Mattéus 25:41 de wan symbool foe en, e wakti Didibri nanga ala sma di no e lon komoto ondro na tataschap foe en. — Mattéus 25:41-46.
9. Fa na „bigi ipi” e kisi wan tesi kaba foe na tataschap foe na „Tego Tata”?
9 Na a tra sé „na bigi ipi” e kisi wan tesi a fesi kaba foe na tataschap foe na „Tego Tata”.a Fa? Foedi den e arki na en sten èn e tron en „tra skapoe” èn e tai densrefi na na fikipisi foe a jeje Israël. Na waran matifasi disi e kotoigi foe vrede. Na apostel Paulus ben skrifi èn sori na ondro na krakti foe santa jeje ini Romeini 16:20 na Jehovah leki „na Gado di e gi vrede”. Fa disi fiti foe dat’ede dati en wan enkri gebore Manpikin „nen Kownoe foe Vrede”! Foedi na „Kownoe foe Vrede” sa tjari kon na ini na heri universum baka na vrede, dan sondro disi a kan meki a betekenis foe en toemsi moi titel kon troe.
Na kownoe tiri foe na „Kownoe foe Vrede”
10, 11. San Jesaja ben taki moro fara bakadi a ben taki na fesi foe a moro bigi gebortoe, èn san den wortoe foe en wani taki?
10 Bakadi Jesaja ben taki a fesi foe na moro bigi gebortoe di oiti ben sa feni presi — na gebortoe foe na Manpikin foe Gado, di ben sa abi na grani foe tjari na titel „Kownoe foe Vrede” — dan na proféti di Jehovah jeje ben tjari ben taki: „Na a kownoe tiri èn na a vrede di de psa marki wan kaba no sa kon . . . ija na faja foe Jehovah foe den fetiman sa doe disi.” — Jesaja 9:7.
11 Foedi na profétitori e taki foe „na kownoe tiri di de psa marki” meki na profétitori e meki oen si taki na kownoekondre foe na „Kownoe foe Vrede” sa de troetroe na a heri Grontapoe. Na grontapoe nowan grens sa de moro di e skotoe en kownoekondre. A sa teki na heri grontapoe abra. Boiti foe dati, na tapoe na Paradijsgrontapoe di e kon no wan kaba sa kon na vrede. Noiti ongeregeldheid sa de pe dan ooktoe. Vrede sa de na a heri grontapoe èn a sa de alaten pasamarki (Psalm 72:7). Vrede wani taki djaso moro leki a no de foe tranga ogridoe nanga feti. A abi na ini en geregtigheid nanga regtvaardikifasi, bika Jesaja ben taki dati a kownoe tiri ben sa abi geregtigheid èn regtveardikifasi leki fundamenti foe now te ten di no abi marki. Blesi sa de gi na libisma-famiri pasamarki. Èn na faja foe Jehovah Gado di no e weri sa meki a kon troe na ini wi ten.
12. Fa sma na a heri grontapoe e teki presi gi na tiri tapoe na skowroe foe na „Kownoe foe Vrede”?
12 Now kaba sma na a heri grontapoe e teki a presi foe a tiri disi di de tapoe a skowroe foe na „Kownoe foe Vrede”. Alape moronanga moro sma e go teki en kownoe tiri foe hemel. Na fikapisi foe den discipel foe Jezus Kristus di wiki nanga jeje tjari kon alamala kaba komoto foe den natie. Boiti foe dati na „bigi ipi” e tjari kon makandra foe moro leki 200 difrenti kondre. Joe abi now 3.229.022 kotoigi foe Jehovah èn na prisiri tjari kon makandra-wroko no klari ete. Na „bigi ipi” disi e bar odi gi na tiri tapoe na skowroe foe na „Kownoe foe Vrede”. Den memre foe na „bigi ipi” de toemsi grantangi dati den saka densrefi na ondro na tiri dati èn mag doe wroko na a heri grontapoe leki boskopoeman foe en, ini wanfasi nanga den ambassadoriale „boskopoeman di e doe wroko ini a presi foe Kristus”, den memre foe na salfoe fikapisi. — 2 Korinte 5:20.
Na disi ten komplot sa broko
13. (a) San de Kownoekondre-boskopoeman e feti a baka a mindri makandra? (b) Fa Gado e si den Verenigde Naties?
13 Den Kownoekondre-boskopoeman e hori ooktoe vrede na mindri makandra. Den ’e feti serjoesoe’ foe hori na wanfasi foe na jeje ini na banti foe vrede di e tjari sani kon na wan! (Efese 4:3). Disi den e doe winsi ala djoegoedjoegoe di de, di e seki na heri grontapoe. Nationaal groepoe inisé èn dorosé foe den Verenigde Naties poti densrefi te joe loekoe en boen na wan sé tege na tiri foe na „Kownoe foe Vrede” Ini na ai foe Gado na organisatie foe den Verenigde Natie de wan kefarlek bigi komplot tapoe a heri grontapoe. Fa so? Foedi ai ferklari foe de nanga faste bosroiti foe doro den marki di soso Gado sa tjari kon nanga jepi foe en „Kownoe foe Vrede” èn ai kari den pipel foe ala natie foe gi steun na a feti di ai feti foe tjari na a heri grontapoe veiligheid nanga sekerfasi kon nanga jepi foe den moeiti foe libisma. A ben kari srefi na jari 1986 leki na „Internationaal jari foe na Vrede”. Nanga disi ai bewijsi foe de wan komplot tegen na „Kownoe foe Vrede” èn tege na ferbontoe dati di Jehovah ben sroto nanga en.
14. Fa na proféti Jesaja e warskow ala sma di e gens Jehovah nanga en kownoekondre-ferbontoe?
14 Foe so wan srefi sortoe rede na proféti Josaja ben gi kownoe Achaz nanga den onderdanen foe en na a ten dati na warskow foe no soekoe vrede nanga sekerfasi nanga jepi foe wan ferbontoe nanga na Assyria grontapoe makti. Na warkow de foe lési na ini Jesaja 8:9, 10. Na ini moi poewema wortoe na proféti e gi na warskow di e kon na ala sma di e gens Jehovah nanga en Kownoekondre-ferbontoe: „Doe ogri, o oen pipel, èn kon masi; èn gi jesi, oen alamala di de na farawe kontren foe a grontapoe! Tai oen mindri èn oen kon masi broko! Tai oen mindri èn oen kon masi brok! Meki wan ogri plan èn a sa broko! Taki sortoe wortoe toe èn a no sa kon so, bika Gado de nanga wi!”
15. San sa psa na ini a ten disi nanga na komplot tege na Kownoekondre-ferbontoe, soleki a komplot ini den dé foe Achaz e sori?
15 leki den natie na ondro na kownoe foe a grontapoe disi, Satan Didibri meki soboen komplot nomo tege na Kownoekondro-ferbontoe èn tege na sma di de nanga krakti foe a ferbontoe disi na kownoe-erfgenaam èn Tiriman. Na komplot sa masi broko, net so leki a ben psa na ini den dé foe Kownoe Achaz. Kownoe Rezin foe Syrië èn kownoe Pekah foe Israël no ben abi frede gi Jehovah foe den fetiman ma den moksi densrefi kon na wan ini wan komplot tege en ferbontoe foe a kownoekondre. We, a komplot foe den ben naki broko na pispisi. Èn net so kownoe Achaz foe Juda no ben frede Jehovah, ma ben tai ensrefi na ini wan komplot nanga na grontapoe-makti Assyria. Disi no ben tjari wini gi Achaz troetroe èn no ben tjari vrede nanga sekerfasi kon gi en. A ben tjari pina nanga katibo. A moro takroe sani ben de dati Achaz ben lasi a boen-ati foe Jehovah.
16. Fa Jehovah ben broko na komplot foe Assyria tege a Kownoekondre-ferbontoe èn san disi e agersi gi a ten foe wi?
16 Baka na dede foe Achaz èn ini den dé foe en manpikin Hizkia Jehovah foe den fetiman ben broko na komplot foe Assyria tege a Kownoekondre-ferbontoe. Den ben dwengi na kowoe foe Assyria foe hari ensrefi poeroe foe na kondre foe Juda bakadi Jehovah engel ben kiri 185.000 foe en sroedati. Na feanti no ben kon srefi so fara foe soetoe wan péri tege a foto Jeruzalem (Jesaja 37:33-36). Wan srefi sortoe tapoe foe na disi ten komplot tege Jehovah Kownoekondre-ferbontoe nanga „Kownoe foe Vrede” de faste, bika Gado de nanga en Kownoe Immanuël èn nanga ala sma di e erken en leki tiriman!
Sondro frede tanapoe stéfi na a sé foe Jehovah universele soevereiniteit
17. (a) San den politiek elementi djonsro sa doe nanga Babylon a Bigiwan èn san Jehovah pipel abi fanowdoe èn sa kisi? (b) San den tiriman di no e bribi na ini Gado sa doe baka te den poeroe Babylon na Bigiwan na pasi èn den e poesoe Jehovah foe doe san?
17 Den politiek elementi djonsro no wawan sa kon tegen na kristenheid ini bewégi ma tege heri Babylon a Bigiwan, na heri grontapoe makti foe falsi anbegi, foe figi en poeroe foe a grontapoe. Ini a moeiliki sutuwasi dati Jehovah pipel moe kisi wan toemsi bigi pisi foe na kibri foe Gado. Foedi den wini Babylon na Bigiwan pe broedoe fadon dan dati sa meki den tiriman di no wani bribi ini Gado sa drai densrefi nanga bigi tranga ogridoe tege den sma di poti densrefi na a sé foe Gado titi ini anoe foe Jezus Kristus. Dan Jehovah sa gebroiki en „Kownoe foe Vrede” foe stré na a bigi dé foe Gado na Almaktiwan”. (Openbaring 16:14). Jezus Kristus e sori taki en de wan Stréman di nowan sma kan wini èn di a tiri foe en no sa go a baka”. A sa sori taki a de na „Tranga Gado” ofoe a „Makti Gado” na ondro na victori Almakti Gado Jehovah. Na „Tranga Gado” disi sa poti wan kroon na tapoe na toemsi moi waka nanga libi foe en nanga na wini ini Armageddon, foe san a glori no kan go a baka te na ini ala tego ten, wan wini di no abi en speri foe singi foe en foe alaten.
18. Sortoe faste bosroiti Jehovah Kotoigi ben teki, now di den tanapoe ai ini ai nanga na disi ten komplot tege na kownoekondre-ferbontoe, èn san sa de na bakapisi?
18 Go foe dat’ede na fesi ala oen kotoigi foe Jehovah, èn go Moro leki oiti a fesi na a heri grontapoe nanga ala fertrow na ini joe Gado èn en kownoe di e tiri, na „Kownoe foe Vrede”! De absoluut sondro frede gi na disi ten Internationaal komplot. Oen alamala moe de leki marki èn wondroe, leki wan grani gi Jehovah foedi oenoe e préki na boskopoe foe na Kownoekondre na alasé èn den wini tapoe na grontapoe komplot na Armageddon. Te Didibri e drai den grontapoe tiriman kon tege wi, prakseri dan dati den sma di tan tanapoe getrow èn faste gi na kownoekondre foe Immanuël, na „Kownoe foe Vrede”, sa wini bika „Gado de nanga wi”! (Mattéus 1:23; teki gersi Jesaja 8:10) Èn meki ala engel ini hemel èn na heri libisma-famiri di e kibri den soifri-retifasi na grontapoe taki „Amen” tapoe na kon regtvaardiki foe Jehovah soevereiniteit abra ala mekisani ini hemel èn na grontapoe èn na sekerfasi di o tan foe tego èn di e komoto foe Gado!
[Foetoewortoe]
a Loekoe foe wan moro finifini takmakandra foe na rol foe Jezus Kristus leki „Tego Tata” kapitel 20 foe na boekoe Sekerfasi na a heri grontapoe ondro na „Kownoe foe Vrede”, di ben kon na doro nanga jepi foe na Watchtower Bible and Tract Society of New York, Inc.
Aksi foe loekoe san oen ben leri
◻ Fa na „titel „Tranga Gado” ofoe „Makti Gado” tjari kon tapoe Jezus Kristus?
◻ Fa Jezus e dini leki „Wondroe Raiman”?
◻ Na tataschap foe soema wi moe soekoe èn na tataschap foe soema oen moe trowe?
◻ San na den Verenigde Naties te joe loekoe en boen?
◻ San sa psa nanga na disi ten komplot tege na Kownoekondre-ferbontoe èn na Erfgenaam foe en, na „Vrede Kownoe”?