Na tiri fu Kristus tapu wan actieffasi na ini a ten disi
„Mi de nanga unu aladei te na a bosroiti fu na seti fu sani”. — MATTÉUS 28:20.
1. Sortu fasi Yesus ben gi en „gudu” na en discipel fu luku?
DI KRISTUS na ini 33 G.T. ben de tapu a punt fu gwe libi en discipel èn drai go baka na hemel, ’a ben gi en gudu na den fu luku’. Disi ben wani taki dati den ben sa de „boskopuman ini a presi fu Kristus” èn ben sa mu teki fu du na preikiwroko di a ben meki wan bigin nanga en èn ben sa bradi en go te na a „moro farawe kontren fu na grontapu”. Bifo a ben gwe libi den, a ben gi den a komando fu „meki discipel fu sma fu ala natie”. Wi abi buweisi fu dati, dati a ben hori ai bun fa den ben du na komando disi? Iya, seker! — Mattéus 25:14; 2 Korinte 5:20; Tori fu den Apostel 1:8; Mattéus 28:19.
2. San e sori dati Kristus nanga belangstelling ben luku den activiteit fu den fosi yarhondro gemeente?
2 Moro leki tina-siksi yari bakadi Kristus ben go na hemel, a ben sori dati a ben luku nanga bigi belangstelling den activiteit fu den kristen gemeente na grontapu. Ini na Openbaring di ben gi na apostel Yohannes, wan memre fu na fosi yarhondro tiri skin, Yesus Kristus ben seni boskopoe gi na seibi gemeente na ini Pikin Asia. Gi feifi fu den gemeente disi a ben taki: „Mi sabi den du fu unu.” Èn a ben meki kon a krin dati a ben sabi bunbun fu san ben e psa ini den tra gemeente, Smyrna nanga Pérgamum. A ben gi spesrutu dek’ati nanga rai na ibri gemeente. Degedege no ben kan de ini den prakseri suma ben de na actief tiriman fu den. — Openbaring 1:11; 2:1—3:22.
3. Den seibi boskopu te yu luku en bun ben taki gi suma èn san e bewijsi disi?
3 Te yu luku en bun dan a bradi fu den seibi boskopu dati no ben skotu wawan gi den seibi gemeente ini Asia. Na tumsi bun rai èn den warskow di den ben abi, ben abi fu du ooktu nanga ala gemeente, fu sensi na fosi yarhondro te ini „na dei fu Masra”, ini san wi de nownow.a Den ai fu Kristus, di yu kan teki gersi nanga wan „faya vlam”, doronomo e luku san ben e psa ini „ala gemeente”. — Openbaring 1:10; 2:18, 23.
Na Masra nanga en srafu
4. Fa wi mu ferstan dati Kristus ’ben reis go na wan dorosei kondre’ èn dan „ben sa kon baka, baka wan langa ten”?
4 Bakadi Kristus ben teki ensrefi gersi nanga wan „sma di ben . . . de tapu a punt fu reis go na wan dorosei kondre, [èn di] ben kari en srafu kon na en èn ben gi den en gudu fu luku”, a ben taki moro fara: „Baka wan langa ten na Masra fu den srafu dati ben kon èn a ben aksi den frantwortu” (Mattéus 25:14, 19). Ini 33 G.T. Kristus ’go na hemel’, pe a ben kisi wan presi „na a reti-anusei” fu Gado (1 Petrus 3:2). „Baka wanlanga ten” Kristus ben bigin, bakadi den ben poti en ini 1914 tapu a troon, ’fu poti na en ondro na mindri fu en feanti’ fudi a ben fringi Satan nanga den demon komoto fu hemel kon na grontapu (Psalm 110:1, 2; Openbaring 12:7-9). Moro fara a ben poti en prakseri tapu en srafu. A ten ben doro fu aksi den frantwortu. Moro leki oiti a ben de na actief tiriman fu den.
5. Oten na ten fu gi frantwortu ben kon èn ofara den getrowwan ben kisi pai?
5 Fu na modern historia fu na pipel fu Gado ben kon na krin dati a ten disi fu hori frantwortu ben kon ini 1918-1919. Na agersitori fu den talenti e agersi fa na masra ben sa aksi frantwortu fu na fika pisi fu en salfu srafu. Den ben sa mu gi frantwortu ibriwan aparti fu na fasi tapu fa den ben meki gebroiki fu en gudu, „ibriwan akruderi en bekwaamheid” ofu yeye mogelijkheid. Den di ben meki fruktu, ben go ini a prisiri fu na Masra fu den, di ben taigi den: „Unu ben de getrow tapu weiniki sani. Den sa poti unu tapu furu sani”. — Mattéus 25:15, 20-23.
6. San den getrow salfu kristen disi ben de nanga makandra, èn san a Masra fu den gi den fu luku?
6 Den sortu aparti salfu kristen disi ben sori dati den de getrow boskopuman fu na kownu di e tiri now, èn di ben de klari fu meki discipel gi na Masra fu den. Den ben buweisi taki alamala makandra de na „srafu” fu suma a masra fu den ben taki: „Suma de trutru na getrow èn koni srafu, di en Masra ben poti na tapu den osoknegti fu en fu gi den na a reti ten a nyanyan fu den. Kolokoe na srafu dati de te en masra doro èn feni en bezig nanga dati! Fu tru, mi e taigi unu a sa poti en tapu ala en gudu.” — Mattéus 24:45-47.
7. (a) Fa den „gudu” fu Kristus fu sensi 1914 ben kon moro furu? (b) Fu san a e kon a krin dati kristus de ooktu na actief tiriman fu den „tra skapu”?
7 Den „gudu” fu Kristus kon de moro furu fu sensi 1914. A kisi „kownu makti” san wani taki dati a kisi a makti èn moro frantwortu (Lukas 19:11, 12). A ben bigin fosi fu tyari na fikapisi fu „den manpikin fu na kownukondre” kon makandra, den 144.000 salfu kristen di „ben bai komoto fu a mindri fu den libisma” sodati den ben sa tron ini hemel kownu nanga priester makandra nanga en (Mattéus 13:38; Openbaring 14:1-4; 5:9, 10). Morofara, soleki e kon a krin fu na historia fu sensi 1935, a ben tyari kon makandra „wan bigi ipi”, „tra skapu”, fu suma a ben taki: „Ooktu den disi mi mu tyari” (Openbaring 7:9, 10; Yohannes 10:16). Iya, en de a sma di e tyari den skapu disi kon makandra, èn a e tron na actief Tiriman fu den. A de wan moi sani dati na letterlijk betekenis fu na Grikitekst de: „Èn a de gi mi fanowdu fu tyari den.” Ma a e sori ini a ten disi en actief tiri tapu ala en „skapu”?
Owruman ini na reti-anu fu Kristus
8, 9. (a) Sortu visioen na apostel Johannes ben kisi? (b) San den seibi kandratiki èn den seibi stari ben agersi?
8 Na apostel Yohanes, wan memre fu na tiri skin fu na fosten gemeente, ben kisi wan visioen na ini san a ben si „seibi gowtu kandratiki, èn a mindri fu den kandratiki wan sma di ben gersi wan manpikin fu libisma . . . na ini en reti-anu a ben abi seibi stari.” Yesus Kristus ben tyari kon na krin gi Yohannes: „Taki fu na santa kibritori fu den seibi stari di yu ben si na ini mi reti-anu èn fu den seibi kandratiki: den seibi stari wani taki den engel fu den seibi gemeente èn den seibi kandratiki wani taki seibi gemeente.” — Openbaring 1:12-20.
9 Ini wan commentaar di e go fu na tekst disi na buku „Dan na kibritori fu Gado kon na wan kaba”: „Den disi na ’engel’ di no de fu si? Nono. Na apostel Yohannes ben kisi na heri openbaring fu Yesus Kristus nanga yepi fu wan engel èn a no ben sa de redelijk te a ben sa skrifi go baka gi engel na ini hemel ini den kondre di no de fu si nanga ai. Den no abi den boskopu fanowdu, di ben skrifi gi den seibi gemeente ini Azië. Na fundamenti betekenis fu na titel . . . ’engel’ na ’boskopuman; wan sma di e tyari wan boskopu’. . . . Fudi den seibi agersi stari disi ben de fu si tapu Yesus’ reti-anu, dan den de ondro en ai èn makti èn ondro en tiri, aladi en ’reti-anu’ makti di ai gebroiki kan tiri èn kibri den. . . . Fudi den seibi kandratiki di den ben sori ini a dei fu Masra e agersi ala den tru kristen gemeente ini a disiten, trutru ’dei fu Masra’ sensi 1914, dan den ’seibi stari’ e agersi ala den opziener fu den gemeente na ini na ten disi di santa yeye ben wiki èn ben salfu èn di yu kan teki gersi nanga engel”.b — Blz. 118-221.
10. Sortu „gudu” di kon de moro furu ben gi na a sorgu fu a srafu?
10 Den salfu opziener disi ini Kristus reti-anu de alamala wan pisi fu na kollectief „srafu” di a poti „tapu ala en gudu”. Fudi na meester fu na srafu fu sensi 1914 kisi ensrefi moro bigi frantwortu, dan moro sani mu de na „ala en gudu” gi na srafu leki ini a ten di psa. Fu eksempre den memre fu na fika pisi leki „boskopuman di de ini a presi foe Kristus” de now boskopuman fu wan kownu di e tiri èn di abi makti tapu wan kownukondre di opo (2 Korinte 5:20). Den abi na frantwortu tapu ala yeye sani di de na grontapu èn di de fu na Masra. Den mu du wroko leki wan kontru fu den profeititori di abi fu du tapu na ten fu sensi na opo fu na kownukondre. Disi abi na ini en na preiki fu „na bun nyunsu fu na kownukondre . . . tapu na heri grontapu pe sma e libi a tapu” (Mattéus 24:14). Moro leki oiti wan ten a fesi den mu go doro „meki discipel fu sma fu ala natie”, wan activiteit di e tyari konmakandra a nomru di no kari fu „a bigi ipi” (Mattéus 28:19, 20; Openbaring 7:9). Iya, „den sani fu den natie di ala sma ben sa wani” de wan pisi fu den „gudu” fu Kristus na grontapu di kon de moro furu. — Haggaï 2:7.
11. (a) Sortu fanowdu e kon ooktu fu den „gudu” disi di kon moro furu? (b) Suma e tyari a wroko, èn tapu sortu fasi?
11 Ala disi wani taki moro wroko gi na kollectief „srafu”, moro bigi kontren fu activiteit, di letterlijk panya ensrefi go tapu na „heri grontapu pe libisma e libi”. Fu kan tiri na wroko èn fu druk èn prati lektuur fu na bun fu na preikiwroko èn persoonlijk studi, dan ooktu fanowdu de fu wan moro bigi edekantoro èn moro bigi bijkantoro oso. Netleki fa a ben de na ini na fosi yarhondro na so na wroko disi e du ondro na actief tiri fu Yesus Kristus, di na agersifasi de „ini a mindri fu den kandratiki” ofu gemeente. A e tiri den nanga yepi fu den salfu opziener, di fu taki en na agersifasi „a e hori na ini en reti-anu” (Openbaring 1:13, 16). Net soleki a ben de ini a ten fu den fosi kristen, na so na tiri skin di wi kan si fu Kristus gemeente na grontapu de wan grupu fu den salfu opziener disi. En „reti-anu” fu makti di ai gebroiki e tiri den getrow, man disi ini na luku di then e luku na kownukondrewroko.
Nanga yepi fu na yeye.
12, 13. (a) Sortu aksi e kon a fesi tapu a tori fu a bigi gro? (b) Fa Kristus e gebroiki a yeye fu sorgu dati den fanowdu opziener de gi en discipel na grontapu?
12 A de krin dati na salfu fikapisi, now di moro leki dri milyun „tra skapu” e wroko ini so wan 52.000 gemeente di orga, abi yepi fanowdu fu sorgu gi den grontapu gudu fu na meister. Moro mendri leki 9000, na mindri ooktu furu sisa, e gebroiki den symbool fu na memrefesa sodati srefi no wán salfu opziener de tapu wán gemeente. Disi wani taki dati Yesus no abi na tiri tapu den gemeente pe nowan „engel” di wiki nanga yeye ofu ’Stari’ de?
13 Kwetkweti! Soleki wi ben si na a artikel na fesi, dan Kristus ben tiri actief tapu na gemeente ini na fosi yarhondro nanga yepi fu na santa yeye. Ini a ten disi a e gebroiki den memre fu na tiriskin di wiki nanga yeye fu poti opziener di teki puru na mindri fu den „tra skapu”. Den musu doro den srefi vereiste di e kon a krin ini 1 Timoteus 3:1-7 nanga Titus 1:5-9 leki den salfu owruman. Den eigifasi disi fu bijbel ben skrifi ondro na tiri fu santa yeye. Na rikomanderi èn aanstelling e psa na ondro begi èn ondro na tiri fu santa yeye. Gi den sortu owruman disi di no kisi salfu na ral fu Paulus di e kon now de net so bun: „Poti prakseri na yusrefi èn na a heri ipi, na ondro suma na santa yeye ben poti unu leki opziener.” — Tori fu den Apostel 20:28.
14. (a) Fa na profeititori fu Yesaya 32:1, 2 e kon tru kaba? (b) Fa ala owruman mu saka densrefi na ondro Kristus „reti-anu”?
14 Na so fasi na regtvaardiki kownu Yesus Kristus di e tiri e gebroiki ini tintin dusun gemeente „tra skapu” leki granman fu kibri en „skapu” fu yeye winti, bigi alen èn drei (Yesaya 32:1, 2). Net leki David fu owruten na so owruman herder de now fu den salfuwan ofu fu den „tra skapu”, e seni na begi di e kon now na Yehovah: „Yu yeye boen meki a tyari mi ini a kondre fu opregtifasi” (Psalm 143:10). Èn Yehovah yere a begi fu den. Nanga yepi fu en Manpikin ai gi den en yeye èn Yesus e gebroiki na wrokosani disi fu gi na wan actieffasi tiri na en discipel na grontapu. A no de fu taki dati ala owruman mu saka densrefi na ondro Kristus „reti-anu” fu luku sani, fu tiri èn fu hori ai tapu sani, di ai sori nanga yepi fu na yeye èn nanga yepi fu den memre fu na tiriskin di wiki nanga yeye.
Nanga yepi fu engel
15. Kristus abi sortu tra wrokosani fu tiri en discipel actief a grontapu?
15 Ini na artikel dya na fesi wi taki dati ini na fosi yarhondro engel ben gebroiki fu tiri èn fu fri fosten kristen èn fu yepi den ini na preikiwroko fu den. A ben sa de wan logis prakseri dati wi kownu Yesus Kristus di e tiri no ben sa gebroiki engel moro foe tiri en discipel na wan actief fasi ini na ten disi? Disi no wawan ben sa de onlogis, ma ooktu no ini akruderi nanga na bijbel.
16, 17. Sortu bewijsi wi abi dati Kristus e gebroiki engel fu tya konmakandra „den manpikin fu a kownukondre” èn den „tra skapu”?
16 Akruderi na agersitori fu Yesus fu na tarwe nanga takru wiwiri, dan na kotiten ben sa kon ini „a bosroiti fu na seti fu sani” di ben bigin ini 1914. Na ini a ten fu na koti „den manpikin fu na kownukondre” ben sa poti densrefi aparti fu den „manpikin fu na goddelowsuwan”. Suma na meister ben sa gebroiki fu du na kotiwroko? „Den kotiman na engel.” Kristus ben taki moro fara: „Na manpikin fu libisma sa seni en engel go èn den sa tyari puru fu en kownukondre ala sani di de reide fu naki futu èn den sma di e du kruktudu” (Mattéus 13:37-41). Kristus e gebroiki engel fu kibri en brada na grontapu.
17 Ma fa a de nanga den „tra skapu”? Kristus e gebroiki engel fu tyari den konmakandra? Seiker! Na ini en agersitori fu den skapu nanga bokoboko tanapu: „Te na manpikin fu libisma ben sa kon ini en glori, èn ala engel nanga en, den a sa teki presi tapu en glori troon. Èn ala natie sa tyari kon makandra na en fesi, èn a sa prati den sma fu makandra soleki wan herder e prati den skapu fu den bokoboko” (Mattéus 25:31, 32). Kristus e gebroiki en engel ini a pratiwroko disi. Net soleki wan engel ben tyari den futu fu Filippus go na a Etiopia eunuch na so ini na ten disi bewijsi de pasa marki dati Kristus e gebroiki engel fu tyari den futu fu en Kotoigi go na sma di yu kan teki gersi nanga skapu. Furu ben gi kotoigi dati den ben begi fu kisi yepi leti bifo wan Kotoigi ben naki na doro fu den. — Tori fu den Apostel 8:26, 27.
Fertrow dorodoro ini na tiri fu Kristus
18, 19. Wi kan abi na overtoigi fu san tapu na gron fu san ben psa na ini na fosi yarhondro?
18 Ini na fosi yarhondro den omstandigheden no ben de so bun alaten dati Kristus ben gebroiki na tiriskin ini Yerusalem fu lusu wan spesrutu problema. Di Paulus ben de geïsoleerd fu na tiriskin ini na noordsei fu Pikin-Asia èn a ben musu sabi sortu kontren a ben mu opo now, dan Kristus nanga yepi fu na yeye ben opo du wan sani (Tori fu den Apostel 16:6-10). Ini na ten disi Yehovah Kotoigi e fertrow a tapu dati te wantu fu den brada fu ferfolgu ede de geïsoleerd fu wan pisten fu na tiriskin dati den de te now ete ondro na actief tiri fu Kristus nanga yepi fu na yeye èn nanga yepi fu engel di e kon na den.
19 A kan de dati ini na fosten fruku kristen gemeente wantu bosroiti di na tiriskin ben teki ben de muilek fu ferstan na a momenti dati. Disi sondro degedege ben de a geval di Paulus ben seni go baka na Tarsus ofu di baka en di fu dri zendingwaka ben seni go na a tempel (Tori fu den Apostel 9:30; 21:23-25). Toku Kristus te yu luku en bun ben de baka den sortu bosroiti dati. (Tori fu den Apostel 22:17-21; 23:11). Ini a ten disi wi abi na overtoigi dati net soleki na ini na fosi yarhondro wan ofu tra hei marki de baka ala sani di Kristus e gi pasi fu pasa a mindri en discipel na grontapu.
20. Fu san wi abi na overtoigi èn san na wi bosroiti?
20 Te fu dat’ede wi e leisi ini bijbel dati Kristus de „na ede fu na skin, na gemeente”, dan wi abi na overtoigi dati no soso ini nen a de na Ede (Kolosse 1:18). Fu ondrofeni wi sabi dati a de trutru wan actief Edeman. Te wi e lesi a buku Tori fu den Apostel èn e si fa Kristus ben tiri den afersi na mindri den fosten kristen, den a de kon krin gi wi dati a e gebroiki den srefi sani ini na ten disi. Den tru tori e sori dati Kristus fu a poti fu yeye bekwaam owruman e meki gebroiki fu yeye, engel, „na fertrow èn koni srafu” èn na Tiriskin fu en. Nanga fertow ini Kristus actief tiri meki wi abi na faste bosroiti fu go doro ’fu taki na waarheid’ èn fu gro ini lobi „ini ala sani ini en di de na ede, Kristus”. — Efese 4:15.
[Futuwortu]
a Luku fu wan volledig ferklari fu den seibi boskopu èn a fasi fa den ben poti ini praktijk a buku ’Dan is Gods Mysterie voleindigd’, kap. 7 te leki 14, di na Watchower Bible and Tract Society of New York, Inc. ben tyari kon a doro.
b Na Wachttoren fu 1 april 1972 e tyari a punt disi kon moro fara a krin nanga di ai taki: „Di na glori Masra Yesus Kristus ben taki fu na ’engel’ di wan stari na hemel ben agersi en, sondro degedege a no ben sori tapu wán aparti owruman, presbyter, opziener, ofu herder, ma tapu na heri ’skin fu owruman’. . . . Na ’skin fu owruman’ (ofu presbyterium) drape na ini Efese ben mu dini leki wan stari nanga yepi fu na gemeente abra san santa yeye ben poti den leki herder, fu skijn nanga hemel, yeye leti abra den.”
Edepunt fu hori a prakseri
◻ Sortu bewijsi wi abi dati Kristus ben luku nanga belangstelling den activiteit fu den fosi yarhondro gemeente?
◻ Suma Kristus ben poti tapu ala en „gudu” èn san de ini den gudu disi?
◻ Suma den seibi stari ini Kristus reti-anu e agersi?
◻ Fa Kristus e meki gebroiki fu santa yeye, den engel nanga na salfu Tiriskin fu tiri en gemeente ini a ten disi?
◻ Fu san-ede wi kan abi fertrow dorodoro na ini dati Kristus abi na ini a ten disi na tiri?
[Faki na tapu bladzijde 10]
Tesi di e kon fu feti, revolutie ofu ferfolgu nanga officiële verbodsbepaling kande a de onmogelek gi yu fu tan du na kristen anbegi dorodoro tapu wan georganiseerde fasi. Den omstandigheden kan kon de na so wan fasi dati a de onmogelek fu hori bigi gemeente komakandra. Na kontakti nanga na Bijkantoro fu wan pisten kan broko. A kan de dati kringopziener no kan tyari den fisiti fu den kon moro. Kande nyun buku no e kon. Efu wan fu den sani disi miti yu san yu mu du dan?
Na piki de: Du tapu na kontren fu a soifri anbegi san yu kan na ondro den omstandigheden di de, èn someni leki yu kan. Persoonlijk studie sondro degedege sa de wan sani di kan. Gewoonlijk a de so dati pikin grupu fu brada nanga sisa kan konmakandra ini oso fu studeri. Buku di yu ben studeri kaba fosten èn na bijbel srefi kan gebroiki leki na fondamenti fu konmakandra. Tan rustig èn no broko yu ede. Ini algemeen dan ini wan syatu ten nanga yepi fu wan ofu tra kanaal wan bepaalde vorm fu kommunikatie nanga tra frantwortuwan sa kon. A Tiriskin e pruberi fu feni pasi fu kon ini kontakt nanga den brada.
Ma srefi efu yu de geïsoleerd fu ala yu brada nanga sisa, hori dan ini prakserl dati yu no de geïsoleerd fu Jehovah nanga en Manpikin, Yesus Kristus. — Orga fu klari wi diniwroko, Bladzijde 168, 169.