Dini ini fertrow leki Yehovah kompewrokoman

„A ben ferteri yu, o grontapu sma san bun. Èn san Yehovah e aksi fu yu baka leki fu sori geregtigheid èn fu lobi bunfasi èn fu waka bescheiden nanga yu Gado?” — MICHA 6:8.

1. Sortu bijbel gron de fu kari Yehovah dienstknegti ini a ten disi en kompewrokoman?

NA Kristen apostel Yohannes ben skrifi: „Luku fa na Tata ben gi wi sowan lobi, sodati den ben sa kari wi pikin fu Gado; èn dati wi de ooktu” (1 Yohannes 3:1). Na apostel Paulus ben taki fu en srefi èn fu en kompe Apollos: „Wi de kompewrokoman fu Gado” (1 Korinte 3:9). Ala den tu ferklari komoto fu èn abi fu du nanga salfu bakaman fu Yesus Kristus. Ma te yu luku en bun dan den abi fu du nanga ala tru dienstknegti fu Gado. Sobun yu ben sa kan taki nanga tra wortu: ’Luku fa na Tta ben gi wi sowan lobi dati wi ben sa de kompewrokoman fu Yehovah.’

2. Fu san-ede a de mogelek gi Yehovah dienstknegti fu de en kompewrokoman?

² Fa a de mogelek gi swaki èn onvolmaakti libisma fu de kompewrokoman fu na bigi Mekiman, di de sondro kaba ini makti èn koni, volmaakti ini geregtigheid èn ini persoon de lobi? Disl kan fudi wi fosi papa nanga mama den ben meki akruderi na prenki èn fu den gersi na Mekiman èn a kompewrokoman fu en, a Wortu ofu na Logos (Genesis 1:26, 27; Yohannes 1:1). Den fosi papa nanga mama fu wi sobun ben kisi wan seiker marki fu koni, geregtigheid makti nanga lobi. Fu dat’ede Yehovah nanga mofo fu en profeiti ben kan taki gi en grontapu dienstknegti: „A ben ferteri yu, o grontapu libisma, san bun. èn san Yehovah e aksi baka fu yu leki fu sori geregtigheid èn fu lobi bunfasi èn fu waka bescheiden nanga yu Gado?” — Micha 6:8.

3. San den wortu ini Micha 6:8 wani taki, èn san den e aksi fu wan sma bifo a kan de wan kompewrokoman fu Yehovah?

³ Te wi e leisi „san Yehovah e aksi baka fu yu . . . ?” dan den wortu disi gersi taki den abi na ini den san e kon na baka, na moro bigi, abi na ini en sortu frantwortu grontapu libisma abi na fesi fu Gado èn en kompe libisma. Ofara disi trutru de so, sa kon na krin te na takmakandra fu wi sa go morofara. A no de fu taki dati ibriwan sma kan waka somaar nanga Yehovah. Na grani disi de soso gi den di fu taki en so „ben miti en akruderi wan mofo di meki” (Amos 3:3). Fa so? Fudi den ben gi densrefi abra na Yehovah sondro fu poti wan kondisi èn ben symboliseer disi nanga yepi fu na dopu ini watra, soleki ina na fosi artikel ben kon na fesi. San Micha 6:8 wani taki sobun gi den sma disi?

’Sori geregtigheid’

4. San a wani taki leti fu „du geregtigheid”?

⁴ Fu bigin na vereiste de fu „sori geregtigheid”. Leki kompewrokoman fu Yehovah Gado wi mu kibri wan bun konsensi. „Sori geregtigheid wani taki te yu luku en bun fu du san de yoisti, san Gado e aksi fu wi. Disi wani taki dati wi mu du wi ferplekti, di na moro prenspari wan fu en de dati wi gi wisrefi krinkrin na a dini fu Yehovah wawan (Galasia 1:2). A no e ferdrage nowan strei. Wi no kan dini tu masra leki srafu. — 1 Korinte 10:22; Mattéus 6:24.

5. Fa Yesus Kristus ben sori dati a ben lobi regtvaardikifasi èn dati a no ben wani si goddelowsufasi na ai?

⁵ Fu „sori geregtigheid” dan boiti fu dati dan net soleki Yesus Kristus wi mu lobi geregtigheid èn no wani si goddelowsufasi na ai’. Fu en lobi ede gi regtvaardikifasi meki a ben de „sondro fowtu, sondro flaka, aparti fu den sondari” (Psalm 45:7; Hebrewsma 7:26). Èn fudi Yesus no ben wani si goddelowsufasi na ai, meki nanga regtvaardiki atibron a ben krutu den hoigri èn gridi kerki fesiman fu en ten. — Mattéus 23:13-36; Yohannes 8:44.

6. Fu san-ede a no nofo efu nanga wi frustan wi e agri dati wi mu tan farawe fu san no mag fudi a takru?

⁶ Soleki e kon a krin fu na eksempre fu Yesus dan a no nofo fu lobi regtvaardikifasi. Wi mu abi ooktu ogri-ati, iya, tegu, feragti fu san takru. Fudi den firi fu wi yongu yari kaba de takru èn wi ati de bedrigi èn feradelek, meki a no de nofo fu agri soso nanga wi frustan dati san takru no man (Genesis 8:21; Yeremia 17:9). Efu wi no kakafutu krakti gi den sondu firi èn kori dan wi sa broko kindi ooktu gi den kori fu en. Wi mu abi na srefi tranga tegu gi takru sani leki Pinehas ben sori di a ben teki wan lansri èn nana dati ben sutu boro psa na par di ben kon de wan ini hurudu anbegi fu na Baäl fu Peor. — Numeri 25:5-8.

7. Sortu kotoigi wi abi dati Yehovah no sa gebroiki leki en kompewrokoman den sma di de goddelowsu?

⁷ Sma di de goddelowsu Yehovah no wani leki en kompewrokoman èn seiker a no sa gebroiki den leki so. Disi e kon a krin ini Psalm 50:15-18 pe wi e leisi: „Ma gi na goddelowsuwan Gado sa mu taki: ’Sortu reti yu abi fu kari den voorschrift fu mi, èn fu teki mi ferbontu ini yu mofo? Luku, yu — yu no ben wani si tranga leri na ai èn yu e tan trowe mi wortu na yu baka. Efu yu ben si ooktu wan fufuruman, yu ben prisiri nanga en; èn a pisi fu yu ben de nanga den sutadusma.’”

8. Sortu sani e sori dati wi kan tyari syen kon te wi sa broko-kindi gi a du fu ogri?

⁸ A kan de heri bun dati wi e hori wisrefi druk bezig nanga Yehovah dienst èn e preiki actief na bun nyunsu fu Gado kownukondre. Ma efu wi no e sorgu fu dwengi wisrefi, dan fu swakifasi fu a skin ede wi ben kan du sondu èn kan tyari syen kon tapu Yehovah nen. Na so wantu yari psa kaba wan owruman ben du sutadu nanga wan yeye sisa di ben abi wan masra di no ben de ini bribi. Tapu a neti di na uitsluting fu na fosten owruman ben meki bekenti, na atibron masra ben kon na ini na kownukondrezaal nanga wan ontigon èn ben lusu wan tu schot tapu tu sma di no ben de noti, nowan fu den tu ben dede, ma na tra dei a ben de na fesiseitori ini a moro bigi koranti fu na Verenigde Staten! Futru, ogridu e tyari syen kon. — Odo 6:32.

9. San wi mu kibri leki fa Odo 4:23 taki, èn fu san-ede?

⁹ Nanga reti na rai e gi na wi fu dat’ede: „Kibri yu ati, iya, moro leki ala tra sani di de fu kibri, bika na dape a fonten fu libi e bigin” (Odo 4:23). Iya, wi mu dwengi wisrefi ini den sani pe wi e meki na agersi ati fu wi tantiri. Moro nanga moro televisie, tijdschrift nanga tra media e tyari sani di no krin, pe yu abi na ini ooktu pornografie. Wi mu de fu dat’ede selectief srefisrefi ini den sani di wi e luku èn arki èn di wi e leisi fu den. Ooktu na controle tapu wi prakseri de prenspari! Na so fu eksempre makriki wi kan kisi prisiri na ini wi yeye fu kari seks fantasie kon na ini, sani di wi no ben sa denki ofu wani pruberi fu du trutru (Mattéus 5:28). Ma nofotron den sortu prakseri disi e abi leki bakapisi takrudu. Na presi fu meki wi yeye tantiri a den sortu sani disi, dan wi mu sori na froktu fu na yeye, dwengi wisrefi, èn go prakseri den sani di Filipi 4:8 e kari. — Galasia 5:22, 23.

’Lobi bunfasi’

10, 11. (a) Sortu difrenti kan meki a mindri getrowfasi èn loyaliteit? (b) Fa a Manpikin fu Gado ben sori getrowfasi èn loyaliteit?

¹⁰ Na di fu tu vereiste di kari ini Micha 6:8, de dati wi ’mu lobi bunfasi’. „Lobi loyaliteit” The New English Bible e taki dya. Wan voetnoot ini The New World Translation Reference Bible e meki wi si dati na Hebrew wortu che’sedh, di vertaal nanga bunfasi, kan vertaal ooktu nanga „lobi bunfasi” ofu „loyaal lobi”. Leki fa wortubuku e taki dan „sma e denki na loyaal na wan krakti kakafutu teigi kori fu . . . komoto fu a wan legre go na a trawan ofu fu tori trawan”. „Loyaal e poti a tapu getrowfasi na prakseri dati wan sma abi a winsi fu gi yepi èn fu strei gi na persoon ofu na afersi, srefi efu a de teige wan bigi overmakti.” A de wan moi sani fu si dati wi e feni ooktu ini den Buku wan pikin difrenti ini a gebroiki fu den wortu disi. Na wortu „loyaliteit” noiti e gebroiki gi sani di no abi libi. Ma dati de furutron baka na geval nanga na wortu „getrow”. Na so den e kari na munkenki „wan getrow kotoigi gi na wolku hemel” (Psalm 89:37). Èn ooktu den e taki fu a Wortu fu Gado dati den de getrow, dati wani taki betrowbaar (Openbaring 21:5; 22:6).a Ma loyaliteit den e taki fu en soso gi Yehovah Gado èn en dienstknegti di a e feni bun. Ini akruderi nanga dati wi e leisi: „Nanga wan sma di de loyaal, yu sa handri loyaal”. — 2 Samuël 22:26.

¹¹ Na Manpikin fu Gado ben de getrow èn loyaal ini hemel. Na grontapu a ben ondrofeni leki a libisma Yesus Kristus tesi èn nanga a gi di a ben e gi yesi a ben bewijsi dati leki libisma a ben de getrow èn loyaal. Hebrewsma 5:7-9 e bewijsi disi, pe wi e leisi: „Ini den dei fu en meti Kristus nanga tranga babari èn watra ai ben seni faya bagi èn tranga begi go na a sma di ben kan ferlusu en fu dede, èn a ben yere en fu en frede ini a gi fu ensrsefi na Gado. Aladi a ben de wan Manpikin, a ben leri fu gi yesi ini den sani di a ben pina fu den; èn bakadi a ben tyari kon de volmaakti, a ben tron gi ala sma di e gi yesi na en oorzaak fu tego ferlusu.”

Tesi tapu loyaliteit

12. San kan de sontron wan tesi tapu wi loyaliteit, èn fa son sma ben du tapu den sortu tesi disi?

¹² Loyaliteit na Yehovah Gado e aksi fu wi dati wi de ooktu loyaal na en dienstknegti na grontapu, un kompekristen. Na apostel Yohannes e meki disi kon na krin te a tyari kon na wi prakseri: „Na sma di no lobi en brada di a e si, no kan lobi Gado di a no kan si” (1 Yohannes 4:20). Den onvolmaaktifasi fu trawan kan de ini disi wan tesi tapu wi loyaliteit. Na so son sma, bakadi den ben ondrofeni wan hati sani, ben sori wan swakifasi ini a loyaliteit fu den na fesi Yehovah organisatie fudi den tan gwe fu kristen komakandra. Wan tra tesi tapu wi loyaliteit na fesi wi brada e sori ensrefi te den sma di Yehovah e gobroiki fu teki fesi, meki wan fowtu ini a krutu fu sani. Wawantron wan sma grabu den fowtu disi leki wan pardon fu nakifutu èn fu lusu ensrefi fu Yehovah organisatie di yu e si. Ma na fasi fu den reti? Kwetikweti!

13. Fu san-ede a no de wan sani di reti fu poti ensrefi aparti fu Yehovah organisatie, èn sortu trasei fu a tori den sortu deloyaal sma disi abi ete?

¹³ Fu san-ede wi no kan taki reti fu den sortu sma disi efu den gwe libi Yehovah organisatie? Fudi en Wortu e dyaranti wi: „Vrede psa marki de gi den sma di e lobi [Yehovah] wet, èn gi den no wan sani de fu naki futu” (Psalm 119:165). Boiti fu dati wi e kisi na komando ’fu lobi makandra fayafaya bika lobi tapu wan hipi sondu (1 Petrus 4:8; Odo 10:12). Èn kon un taki morofara dati wan sma hari ensrefi puru fu Yehovah pipel? Pe a kan go? A no e kon tanapu a fesi na srefi afersi leki pe Yesus apostel ben kon tapu a fesi di a ben aksi den ofu den no ben wani go ooktu?” Na apostel Petrus nanga leti ben piki: „Masra, na suma wi sa go? Yu abi wortu fu tego libi” (Yohannes 6:68). Na wan enkri tra mogelekheid de fu go na” Babylon a Bigiwan”, a grontapumakti fu falsi fasi fu anbegi ofu fu go ini den anu fu Satan politiek ’welder meti’ (Openbaring 13:1; 18:1-5). Den deloyaalwan di ben gwe libi Yehovah opanisatie di yu kan si moro furu ben go moksi densrefi nanga den sma di de ini na „Babylon na Bigiwan” di no e gi Gado grani.

’Waka bescheiden nanga yu Gado’

14, 15. (a) San na Bakratongo wortu „bescheiden” wani taki? (b) Sortu pisi fu san „bescheidenfasi” wani taki e abi wi belangstelling èn fu san-ede? (c) Fu san-ede kristensma ’no mu abi wan bigimemre luku tapu den bekwaamheid ofu waarde fu den?

¹⁴ Na Bakra tongo wortu „bescheidenfasi” wani taki difrenti sani. A kan abi fu du nanga san de eenvoudig, „skotu ini bigi, hoeveelheid ofu bradi.” A kan wani taki ooktu soifrifasi, „a hori fu yusrefi na manirifasi fu weri krosi èn waka nanga libi” (1 Timoteus 2:9). Èn dan yu abi san „bescheiden” wani taki morofara èn nanga san wi wani hori wisrefi speciaal nanga en, dati wani taki fu de sabisabi fu den skotu fu yu ofu „no abi wan bigi memre luku tapu yu bekwaamheid ofu waarde”. Wi noiti ben sa kan de wan kompewrokonan fu Yehovah ofu wi abi wan bigi memre luku fu wisrefi èn ben sa poti sma prakseri tapu wisrefi na presi fu poti den prakseri ini a fosi presi tapu Yehovah Gado.

¹⁵ ’No abi wan bigi memre luku tapu wi bekwaamheid ofu waarde’ wani taki seiker san wi musu si ini na Hebrew wortu di vertaal ini Micha 6:8 nanga „bescheidenfasi”. Disi e kon na krin ini a fasi tapu fa a wortu gebroiki tapu na wan enkri trafasi pe a de fu feni ini den Hebrew Skrifi fu bijbel. Na ini Odo 11:2 a no e poti na abrasei fu seks doti libi ma abrasei fu ferberde, san e e kon fu wan heimemre fu en srefi. Drape wi e leisi: Ferberde kon? Dan syen sa kon; ma koni de na den bescheidenwan.” Bescheidenfasi e go anu nanga anu nanga na frede fu Yehovah, san abi ooktu fu du nanga koni (Psalm 111:10). Wan bescheiden sma abi frede fu Yehovah fudi a e frustan o bigi a difrenti de a mindri en nanga Gado, a mindri Yehovah regtvaardiki fasi èn makti èn en eigi onvolmaakti èn swakifasi. Na bescheiden sma fu dat’ede sa wroko na en ferlusu nanga frede èn befi. — Filipi 2:12.

16. San na wantu tekst di e sori fu san-ede kristensma mu de bescheiden?

¹⁶ Yu abi o so meni reide fu sanede Yehovah wrokoman mu de bescheide! Awinsi sortu koni kande wi abi, na skin krakti di wi kande kisi ofu na gudu na skinfasi di wi kan abi, wi no abi no wan reide fu meki bigi (Yeremia 9:23). Fu san ede? Fu na gronprakseri ede di tanapu ini 1 Korinte 4:7: „Suma meki yu kenki fu wan trawan? Iya, san yu abi di yu no ben kisi? Efu futru yu ben kisi en now, fu san-ede yu e meki bigi dan leki yu no ben kisi en?” Ooktu den froktu fu wi diniwroko no e gi wi nowan enkri reide fu meki bigi, bika san wi e leisi ini 1 Korinte 3:6, 7? Drape Paulus e taki: „Mi prani, Apollos nati, ma Gado tan gi na froktu sodati no a sma di e prani de wan sani èn ooktu no a sma di e nati, ma Gado di gi na froktu.” Ooktu den wortu fu Yesus ini Lukas 17:10 e meki wi hori wi srefi bescheiden, bika a ben taki: „te yu du ala sani di den komanderi yu, dan yu mu taki: ’Wi ben de soso srafu, wi ben du san wi ben musu fu du.’”

17. Fu san-ede bescheidenfasi de trutru na fasi fu koni?

¹⁷ De bescheiden de trutru na pasi fu koni. Bescheidenfasi e yepi wi fu de tevrede, pe wi mag dini ooktu. Efu wi de bescheiden dan wi no sa pruberi tapu wan ambisi-fasi fu preiki, ma wi sa de tevrede fu tyari wisrefi leki wan „mendriwan” (Lukas 9:48). Dan wi sa abi na fasi ooktu fu na psalmsingiman di ben ferklari: „Wan dei ini den fesidyari fu yu de moro betre leki dusun na wan tra pe. Mi ben teki fu tanapu na dromofo ini a oso fu mi Gado moro leki a waka lontu ini den tenti fu goddelowsufasi” (Psalm 84:10). Efu wi de bescheiden, dan boiti fu dati dan wi sa abi lobi di sa buweigi wi fu teki fesi ini a sori fu grani na tra sma. — Romeini 12:10.

Bescheidenfasi fiti gi yonguyari

18. (a) Fu san-ede bescheidenfasi spesrutu fiti gi yongusma? (b) Sortu bericht di e go fu modern yonguwan e sori a fanowdu fu bescheidenfasi?

¹⁸ Spesrutu kristen yonguwan a fiti fu moi densrefi nanga na krosi fu bescheidenfasi. Fa Elihu ben de wan tumsi moi eksempre gi den! Aladi a ben sabi den yoisti piki, toku a ben de klari fu wakti nanga respeki te leki den moro owruman ben taki (Yob 32:6, 7). Nofotron yongusma abi na firi fu fertrow tapu densrefi èn den no sabi sobun den skotu fu den. Fudi den abi skin krakti meki kande den e luku tapu den sma di de moro owru. Ma sabi no de asrefi leki koni san de na poti fu sabi ini a libi. Na sari bericht di modern yongu sma ben bow ini den Verenigde Staten fu Amerkankondre de leki wan marki. Drape a e go fu 63 procent fu yongusma fu pikinmoro 24 yari di skowtu ben kisi fu bigi ogri ede, pe srefi 30 procent fu den sma di skowtu kisi de moro yongu leki 18 yari. Den e ferteri ooktu dati „rij oto ondro na krakti fu sopi ofu drugs de moro prenspari oorzaak fu dede gi Amerkan ini den yari fu 15 te go 24. Ini a kondre dati „moro nanga moro tini trow e kon a wan kaba ini wan brokotrow”, aladi den e ferteri dati „trowlibi abi moro kans fu tan efu trowmisi nanga trowman abi wantu yari moro koni a den baka te den go na a altari.”

19. Sortu rai fu na bijbel yonguwan nanga koni ben sa wani teki na ati?

¹⁹ O koni na rai fu a Wortu fu Gado de! Drape na wan fasi di fiti yongusma e kisi tranga fu gi grani na den papa nanga mama fu gi den yesi na ini ala sani (Efese 6:1-3; Kolosse 3:20). Yongusma spesrutu mu teki na koni rai disi na ati: „Fertrow tapu Yehovah nanga heri yu ati èn no bow tapu yu eigi frustan. Poti prakseri ini ala yu pasi tapu en èn en sa meki yu pasi reti. — Odo 3:5, 6.

20. Sortu paiman ala sma di gi densrefi abra na Gado èn teki dopu kan fruwakti efu den poti prakseri tapu Micha 6:8?

²⁰ Sortu paiman wi alamala kan fruwakti efu wi bakadi wi sori fertrow ini Yehovah fudi wi gi wi srefi abra èn teki dopu, ’du geregtigheid, sori loyaal lobi èn waka bescheiden nanga wi Gado’? A moro prenspari sani de dati wi sa abi na bunati fu Gado fudi wi doro a marki fu en èn sofasi e sa prisiri en ati fudi wi abi wan prati na ini na meki kon santa fu en bigi nen di e gi frede (Odo 27:11). Boiti fu dati wi sa frustan ini wi eigi libi na waarheid fu na gron prakseri, dati ’na gi di wan sma gi ensrefi ini a dini fu Gado de bun gi ala sani fudi a abi wan pramisi na ini en fu na disi ten libi èn na libi di e kon’ — 1 Timoteus 4:8.

[Futuwortu]

San na den piki fu yu?

◻ San a e aksi fu du geregtigheid akruderi Micha 6:8?

◻ Fa loyaliteit na Yehovah abi fu du nanga na fasi fa wi de nanga kompekristen?

◻ Fu san-ede wi mu ’waka bescheiden nanga Gado’?

◻ Fu san-ede bescheidenfasi spesrutu fiti gi kristen yonguwan?

[Prenki na tapu bladzijde 7]

Yu e kibri yu ati fudi yu e luku bun na san yu e luku, arki èn leisi?

[Prenki na tapu bladzijde 8]

Petrus ben sabi taki a no ben kan go na nowan tra presi, fudi Yesus ben abi „wortu fu tego libi. Yu teki net so na faste bosroiti fu tan loyaal na Yehovah?