Wan resolutie (bosroyti)

Na nomru fu fisitiman tapu den „Gado Geregtigheid”-kongres sa psa na nomru fu na yari a fesi, 6.443.597 sma tapu 1098 presi na a heri grontapu ben kon makandra èn 93.822 sma ben teki dopu. Baka na lezing di ben abi leki nen „Na takru bari nen ’huru’”, di ben hori tapu ala „Gado geregtigheid”-kongres na moy buku di e teri 320 bladzijde nanga prenki Na Openbaring — En moro bigi heymarki de krosbey! ini moro leki 20 tongo de fu kisi. Na takiman ben taygi den arkiman: „Gebroyki na ini yu persoonlek stuka èn tapu den stuka fu na gemeente na nyun buku disi bun. Gebroyki en so srefi fu meki grontapu sabi taki Babylon na Bigiwan nomonomo sa pori, taki den nâsi tanapu now na fesi fu Armageddon èn taki na moro bigi heymarki sa doro te Yehovah glori Kownukondre tiri na ini anu fu Krestes nanga en bruid de wan trutru sani. Yu sa de koloku te yu e yere èn e ondrow den sani disi, ’bika na faste ten de krosibey’!” — Openbaring 1:3.

Wi, di sensi 1914 e libi na ini „na dey fu Masra” èn ini a ten disi fu na krutu fu Gado, e prisiri ini na moro bigi grani taki wi mag dini na Soeverein Masra Yehovah ondro tiri fu en Kownu fu den kownu, Yeyses Krestes (Openbaring 1:10). Leki YEHOVAH KOTOYGI wi e taki na fesi ala sma:

(1) TAKI WI E TEGU FU na syen di Babylon na Bigiwan. èn na kristenheid spesrutu, ben poti tapu a nen fu na wan tru èn libi Gado, Yehovah. WI, fu wi sey, E AGRI krinkrin nanga den wortu fu Openbaring 4:11: „Yu, o Yehovah, iya wi Gado, de warti fu kisi na glori èn na grani èn na krakti.”

(2) TAKI WI E TEGU TAKI na kristenheid e hori tranga na Babylon leri, spesrutu di fu wan dri-wan-gado, na dede di na libisma sili no e dede, têgo pina na ini wan hèl, wan vagevuur fu flam faya èn na anbegi fu popki — so leki na Madonna nanga na kroysi. Ini akruderi nanga Openbaring 22:18, 19 WI E HORI TRANGA na a skrifi Wortu fu Gado èn ala sani di de na ini.

(3) TAKI WI E TEGU FU kontrari-gado filosofie nanga gwenti, di de so algemeen na ini na kristenheid, so leki na evolutie, brudutransfusie, a puru fu bere, ley, bigi-ay nanga bidrigifasi. Ini wi anbegi nanga libifasi WI SA GI GRANI NA wi Mekiman, Yehovah Gado, na Almaktiwan, di den pasi fu en na ini Openbaring 15:3 den e skrifi fu den leki „reti èn tru”-

(4) TAKI WI E TEGU taki na kristenheid e tan misi fu poti prakseri tapu Yeyses boskopu fu den seybi gemeente na ini Openbaring kapitri 2 nanga 3, èn dati wani taki na ini afersi so leki sektarisme, a dini fu kruktu gado, hurudu, na Izébel-krakti, broko-kowrufasi nanga mankeri fu tan na ay. WI, fu wi sey WANI YERE san na „yeye e taki den gemeente” èn GI YESI NA DATI.

(5) TAKI WI E TEGU FU na hurudu èn na mi-no-kefasi di de fu si na ini na kristenheid èn a mindri den kerki leriman fu en èn wi e prisiri fu na krutu di poti krin na ini Openbaring 21:8 pe den e taki taki den sma di e tan na ini na doti libi fu den huruman, leyman nanga den sortu sma dati sa kisi pori krinkrin. NANGA WI HERI ATI IWI E AGRI NANGA den beybri markitiki ini a tori fu seks, na trowlibi èn na osofamiri libi.

(6) TAKI WI E TEGU FU na yeye hurudu fu someni yarihondro di den kerkileriman fu Babylon na Bigiwan ben gi den srefi abra na en fu di den ben wroko makandra nanga grontapu tiriman fu kisi makti nanga gudu èn e basi na gewoon pipri na wan fasi pe den ben dwengi den. WI E TEKI NA FASTE BOSROYTI fu yepi reti-ati sma fu gi yesi na a kari di na èngel e kari na ini Openbaring 18:4: „Komoto fu en mi pipri.”

(7) TAKI WI E TEGU FU NA BIGI brudu pyman leki wan bakapisi fu den moro leki 100 milyun libisma libi di soso kba ben offer na ini na yarihondro disi tapu na feti altari, èn pe na hurudu fu na huru nanga den politiki maktiman fu wan prenspari pisi ben meki disi kon. WI E PRISIRI taki na faste ten de krosibey pe Gado sa tyari na krutu strafu kon tapu Babylon na Bigiwan, so leki tanapu krin na ini Openbaring 18:21-24.

Leki Yehovah Kotoygi wi e si en LEKI WAN PRISIRI ÈN WAN GRANI fu fruteri na grontapu taki na ini 1914 „na kownukondre fu na grontapu ben tron na Kownukondre fu wi Masra [Yehovah] èn fu en Krestes” (Openbaring 11:15). WI E TEKI A FASTE BOSROYTI fu go doro sondro fu frede èn fu fruteri Yehovah krutu di a meki bekenti kontrari Babylon na Bigiwan, èn so srefi fu warskow gi na feti fu Armageddon di e kon krosibey esi-esi. WI TEKI NA FASTE BOSROYTI fu „ibri nâsi nanga lo nanga tongo nanga ibri pipri” yere nanga tranga sten den prisiri ten taki dyonsrode „wan nyun heymel èn wan nyun grontapu” sa kon leki blesi fu na libisma famiri di e gi yesi (Openbaring 14:6; 21:1). WI E PRISIRI taki leki wan bakapisi fu na meki bekenti disi taki wan bigi ipi fu moro leki dri milyun sma fu ala nâsi kon makandra now kba na a heri grontapu nanga wi. Makandra nanga na èngel di e frey ini a mindri fu na heymel, wi e fruteri ala sma: „Frede Gado èn gi en glori bika na yuru fu na krutu fu na sey fu en kon, èn anbegi fu dati-ede a Sma di ben meki heymel èn grontapu èn se èn den watra fonten.” — Openbaring 14:7.

[Studie-aksi gi „Wan resolutie”]

1. Na ini san Yehovah Kotoygi e prisiri now?

2. Fruteri fu ibri wan fu den seybi penti fu na resolutie (a) fu san Yehovah Kotoygi e tegu fu en èn (b) sortu positief sani den Kotoygi ben fruteri.

3. (a) Sortu prisiri èn sortu grani Yehovah Kotoygi abi? (b) San na a faste bosroyti fu den Kotoygi? (c) San na a faste bosroyti di wi teki so srefi tu? (d) Na ini sortu prisiri Yehovah Kotoygi e teki prati èn san den e fruteri leki wán man?