Yu e krutu nanga yu bribi na grontapu?
„Nanga bribi Noa . . . ben bow wan ark gi na frulusu fu en osofamiri; èn nanga na bribi disi a ben krutu na grontapu”. — HEBREW SMA 11:7.
1, 2. San wl kan leri efu wi sa ondrosuku na libi fu Noa?
YEHOVAH ben gi Noa nanga en osofamiri — ayti sma nomo — a grani fu de den wan enkri libisma di psa na Frudu libilibi. Na libi fu ala tra sma fu Noa ten ben koti puru di Gado ben meki den dede na watra. Fu di Noa de fu dati-ede na fosten tta fu wi alamala, meki wi musu de grantangi fu na bribi san a ben sori.
2 Wi kan leri furu te wi ondrosuku na libi fu Noa. Buku e fruteri wi fu san-ede Gado ben frulusu en aladi A ben pori den sma fu na ten fu Noa. Na srefi buku fu Gado e sori krin taki na geslagti fu unu tanapu na fesi so wan srefi krutu fu Gao. Fu disi Yeyses ben taki: „Wan bigi banawtu sa kon so leki sensi na bigin fu grontapu te leki now no ben kon, nôno, èn no sa kon moro tu” (Mateyus 24:21). Te wi sa waka baka na bribi fu Noa, wi kan abi na seyker howpu fu psa libilibi na pori fu na disiten gadolowsu seti fu sani di e kon krosibey. — Romen 15:4; teki gersi nanga Hebrew sma 13:7.
3. Fu san-ede Yehovah ben tyari na Frudu kon?
3 Ini den 1656 yari fu sensi na ten di Gado meki Adam te na a Frudu, kofarlek pikinso sma ben abi na firi fu du bun. Den bun gwenti nanga weti ben saka go miti wan tumusi moro lagi marki. „Yehovah ben si taki den ogridu fu libisma ben furu psa marki na grontapu èn taki ala firi fu den prakseri fu en ati ben de alaten soso ogri” (Genesis 6:5). Tranga ogridu, a feti baka prisiri èn den èngel di ben de, di ben teki libismaskin, èn ben trow nanga den umasma di ben meki bun langa èn tranga pikin, ben de wan tu fu den sani di ben meki a kon so fara taki na krutu fu Gado ben kon tapu na owru grontapu dati fu libisma. Gi Noa Yehovah ben taki: „Na kba fu ala skin ben kon na mi fesi, bika fu den ede na grontapu ben kon furu nanga tranga ogridu.” Na pasensi fu na Mekiman, na „Krutuman fu na heri grontapu”, ben kon na wan kba.
Noa ben waka nanga Gado
4. (a) Fa Yehovah ben si Noa èn fu san-ede? (b) Fa Yehovah ben sori en lobi gi Noa nanga en osofamiri aladi en geregteghèyt ben aksi fu pori na gadolowsu grontapu dati?
4 Fa Noa ben de tra fasi leki den sma fu en ten! A ben feni „bun-ati ini den ay fu Yehovah . . . Noa ben de wan regtfardiki man. A ben sori en srefi sondro fowtu na mindri den sma fu en ten. Noa ben waka nanga na tru Gado” (Genesis 6:8, 9). Fa Noa ben waka nanga Gado? Fu di a ben e du san de reti, so leki na preyki fu na bun fu regtfardikifasi èn fu bow na ark ini bribi èn fu di a ben gi yesi. So bun, aladi na owru grontapu dati ben way puru fu di a ben pori krinkrin, toku Gado „ben kibri Noa, wan preykiman fu regtfardikifasi makandra nanga seybi trawan, di a ben tyari wan frudu kon tapu na grontapu fu gadolowsu sma” (2 Petrus 2:5). Iya, unu lobi nanga regtfardiki Gado, Yehovah, no ben pori den regtfardikiwan makandra nanga den gadolowsuwan. A ben sori Noa fa fu bow wan bigi ark fu frulusu en srefi, en osofamiri nanga wan ipi meti, ala disi fu meki baka na Frudu na grontapu kon furu baka nanga sma èn meti. Èn Noa „ben du yoysti so.” — Genesis 6:22.
5. Fa na Beybri e taki fu na regtfardikifasi nanga bribi fu Noa?
5 Bakadi na ark ben klari Gado ben taygi Noa: „Go ini na ark, yu nanga yu heri osofamiri, bika yu na a wan di mi ben si taki de regtfardiki na mi fesi na mindri na geslagti disi.” Paulus e taki a tori syatu na a fasi disi: „Nanga bribi Noa, baka di den ben gi en wan warskow fu Gado fu sani di no ben de fu si ete, ben sori wan gado frede èn ben bow wan ark gi na frulusu fu en osofamiri; èn nanga na bribi disi a ben krutu na grontapu èn ben tron wan erfgenaam fu regtfardikifasi di de ini akruderi nanga bribi.” — Genesis 7:1; Hebrew sma 11:7.
6. Fa Noa nanga yepi fu en bribi ben krutu na grontapu ini den dey fu en?
6 Noa ben abi wan aparti bribi. A ben bribi san Gado ben taki fu figi na koslagti dati puru. Noa ben abi wan gosontu frede fu no du sani di e meki Yehovah atibron èn ben gi yesi fu bow na ark so leki Yehovah ben gi ordru. Boyti dati, leki wan preykiman fu regtfardikifasi, Noa ben fruteri trawan fu na pori di ben e kon krosibey. Aladi den no ben poti prakseri tapu den wortu fu en, a ben weygri fu meki na gadolowsu grontapu dati „pers en go na ini na vorm fu en” (Romen 12:2, Philips). Moro furu a ben de so, taki nanga en bribi Noa ben krutu na grontapu fu en gadolowsufasi ede èn ben sori taki a ben frudini pori. A gi di a ben gi yesi èn den regtfardiki du fu en ben sori taki trawan na en sey èn en osofamiri ben sa kan kisi frulusu efu den ben wani fu kenki na libifasi fu den. Iya, Noa ben sori taki awansi a kwinsi di a ben ondrofeni fu en eygi onvolmâkti skin, fu na gadolowsu grontapu lontu en èn fu Ddibri, a ben man fu libi wan libi di ben plisi Gado.
Fu san-ede Gado sa pori na seti disi
7. Fa wi sabi taki wi e libi ini den lasti dey?
7 Ala tintin yari fu na twenti yarihondro disi ben si fa na grontapu sungu go moro dipi ini ogridu. Disi spesrutu ben de tru sensi na bigin fu na Fosi Grontapufeti. Na libismafamiri ben sungu go so dipi na ini sani leki seks hurudu, ogridu, tranga ogridu, feti, bita-ati, gridifasi èn a fowtu kobroyki fu brudu, taki den wan di abi lobi gi san de bun e aksi den srefi efu den toestand sa kon moro ogri. Na beybri ben taki na fesi fu na kon moro furu fu gadolowsufasi na ini wi geslagti, san e gi wi moro buweysi taki wi de ini „den lasti dey”. — 2 Timoteyus 3:1-5; Mateyus 24:34.
8. SAn wantu sma ben taki fu na frustan di wan sma e frustan san na sondu?
8 Ini na ten disi na frustan di sma musu frustan san na sondu lasi en krakti ini na denki fu na moro bigi pisi fu den libisma. Moro leki fotenti yari psa kba paus Pius XII ben taki: „Na sondu fu na yarihondro disi na a lasi fu ala sondu firi”. Na disiten geslagti e weygri fu èrkèn sondu nanga fowtu. Na ini en buku Whatever became of sin? dr. Karl Menninger ben fruklari: „Srefi na wortu ’sondu’ . . . pikinmoro lasi gwe — na wortu, makandra nanga san a wani taki. Fu san-ede? Nowan sma no e sondu moro?” Furu sma ben lasi na man di wan sma musu man fu si san na bun èn san na ogri. Ma wi no e fruwondru fu disi, fu di Yeyses ben taki na fesi fu den sortu sani di ben o psa di a ben taki fu na ’marki fu en denoya’ ini „na ten fu na kba”. — Mateyus 24:3; Danièl 12:4.
Na patron fu krutu di ben poti ini den dey fu Noa
9. Fa Yeyses ben teki den dey fu Noa gersi nanga san ben sa psa ini den dey fu en denoya?
9 Yeyses ben tyari sani di ben psa ini Noa ten kon ini akruderi nanga san ben sa psa na a ten fu en denoya ini en kownukondremakti fu sensi 1914. A ben taki: „So leki den dey fu Noa ben de, so na denoya fu libisma pikin [Yeyses] sa de. So leki den ben de ini den dey bifo na frudu, e nyan èn dringi, man ben e trow èn uma di den ben gi fu trow, te leki Noa ben go na ini na ark; èn den no ben poti prakseri na tapu te leki na frudu ben kon èn ben figi den alamala puru, na so na denoya fu libisma pikin sa de.” — Mateyus 24:37-39.
10. Fa sma ini algemeen no e poti prakseri tapu den sani di e psa èn di wani taki furu ma di abi fu du ianga Krestes denoya?
10 Iya, so leki ini den dey fu Noa, na so den libisma fu now no e poti prakseri. Fu di alaten den de bezig nanga na aladey libi èn den sani pe den e prakseri den srefi nomo, meki den e weygri fu èrkèn taki den sani di e psa now kenki srefisrefi fu den di fu fositen èn e fiti soyfri na san Yeyses ben taki ben sa de leki a marki fu na ten fu na kba. Yari langa, Yehovah Kotoygi ben e fruklari na koslagti di e libi now, taki Yeyses denoya leki Mesiyas Kownu na ini heymel ben bigin ini 1914, san e waka makandra nanga na „bosroyti fu na seti fu sani” (Mateyus 24:3). Moro furu sma e spotu nanga na Kownukondreboskopu, ma srefi disi ben taki a fesi di na apostru Petrus ben skrifi: „Disi yu musu sabi fosi, taki ini den lasti dey spotuman ben sa opo kon nanga den spotu fu den, e handri akruderi den eygi lostu èn e taki: „pe na pramisi denoya disi fu en de? We, fu sensi na dey di unu fositen ppa ben go sribi ini dede, ala sani tan a srefi leki fu sensi na bigin di Gado ben meki sani”. — 2 Petrus 3:3, 4.
11. Fu san-ede na geslagti fu now no sa kisi pardon te na bigi banawtu sa kon?
11 Toku na disi ten geslagti no sa kisi pardon te na bigi banawtu sa kon. Fu san-ede? Bika yu abi beybri tori fu krutu fu Gado ini owruten di e poti wan patron fu san Gado wani du ini wi ten (Yudas 5-7). Beybri profeytitaki di now e kontru leti na den fesi e sori nanga overtoygi pe wi de ini na ten di e lon psa. Na geslagti disi man fu si so srefi tu na preykiwroko fu Yehovah Kotoygi nanga na nen di den ben bow leki sma di e kibri den soyfri retifasi so leki di fu Noa.
12. Sortu spesrutu sani fu na pori fu na grontapu fu den dey fu Noa nanga di sa kon tapu „den heymel nanga grontapu fu now”, Petrus e teki gersi nanga makandra?
12 Petrus e fruklari san sa psa nanga den wan di no e poti prakseri tapu den tru sani disi. So leki Yeyses, na so na apostru e sori go na san ben psa ini den dey fu Noa, fu di a e taki: „Akruderi den winsi fu den, dan den no e poti prakseri tapu na tru sani disi taki nanga na wortu fu Gado heymel ben de na owruten èn wan grontapu di ben de ini watra èn mindri watra; èn nanga den sani disi na grontapu fu na ten dati ben kisi pori di a ben sungu nanga watra. Ma nanga na srefi wortu den heymel nanga grontapu fu now kibri gi na faya èn ben poti na wan sey gi na dey fu krutu èn na pori fu den gadolowsu sma”.
13. Efu unu luku den prenspari sani di o psa, tapu sortu ray fu Petrus wi musu poti prakseri dan?
13 Nanga na seyker krutu disi fu Gado di de leti na wi fesi, no meki wi meki den spotuman kori ofu frede wi. A no de fanowdu fu wi kisi na pori fu den. Petrus e qi na ray: „Fu di ala den disi sani sa smeltri, dan sortu sma yu musu de dan ini santa libifasi èn a gi di yu e gi yu srefi ini a dini fu Gado, e fruwakti èn e hori bun na prakseri na denoya fu na dey fu Yehovah di nanga en den heymel sa smeltri nanga faya èn den elementi di sa kon faya srefisrefi sa smeltri. Ma nyun heymel nanga wan nyun grontapu de di wi e fruwakti akruderi pramisi èn drape regtfardiki fasi sa de.” — 2 Petrus 3:11-13.
Waka baka Noa bribi fu kisi frulusu
14. Sortu aksi kan yepi unu fu ondrosuku wi srefi?
14 Ini na ten disi wi de na fesi den srefi tyalensi leki di Noa èn en osofamiri ben de na fesi den, di den ben tron sma di den ben feni bun fu tan a libi. So leki Noa, na so Yehovah Kotoygi e krutu na grontapu nanga a bribi fu den di bun wroko e hori baka gi en. Ma iniwan fu wi sa musu aksi wi srefi: ’Fa mi persoonlek e du en? Efu na bigi banawtu ben sa kon tamara Gado ben sa krutu mi warti fu psa libilibi? Mi abi so leki Noa, di ben sori en srefi sondro fowtu a mindri den sma fu en ten”, na deki-ati fu de tra fasi leki na grontapu? Ofu sonten a muylek fu si a difrenti a mindri mi nanga wan grontapu sma ini na fasi fa mi e du, e taki ofu e weri krosi?’ (Genesis 6:9). Yeyses ben taki fu en disipri: „Den no de wan pisi fu na grontapu so leki mi no de wan pisi fu na grontapu.” — Yohanes 17:16; teki gersi nanga 1 Yohanes 4:4-6.
15. (a) So leki fa 1 Petrus 4:3 taki dan fa wi musu si wi owru grontapu denki nanga du? (b) San wi musu du efu fosten grontapu mati e taki takru fu wi?
15 Petrus e gi na ray: „A nofo taki den ten di psa yu ben du na wani fu den nâsi, di yu ben gi yu srefi abra na den du fu lusufasi fu libi, skin lostu, kobroyki psa marki f u win, nyan èn dringi psa marki, dringi partèy nanga a dini fu kruktu gado di a weti e tapu. Fu di yu no e tan waka moro langa nanga den tapu na fasi disi, di e go na a lagi swanpu fu yayo libi meki den e fruwondru èn e go doro fu skempi yu” (1 Petrus 4:3, 4). Den owru grontapu mati fu yu kande sa skenpi yu fu di yu e waka nanga Gado èn no e waka moro langa nanga den. Ma so leki Noa, na so yu kan krutu den nanga yu bribi èn bun wroko di e du nanga bescheidenfasi. — Mika 6:8.
16. Fa Gado ben denki fu Noa èn sortu aksi kan yepi wi fu ondrosuku unu prakseri nanga waka nanga libi?
16 Gado ben si Noa leki wan regtfardiki man. Na kotrow famiri-edeman fu ala sma „ben feni bun-ati ini den ay fu Yehovah” (Genesis 6:8). Te yu e ondrosuku den denki èn fasi fa yu e tyari yu srefi ini na leti fu den markitiki fu Gado, yu e firi taki a e feni den sani san yu e du èn den presi pe yu e go bun? Yu e suku wawantron a doti fasi fu prisiri di de now na ala sey? A Wortu fu Gado e taki taki wi musu prakseri fu san de krin, santa èn di e bow wi (Filipi sma 4:8). Yu e stuka fayafaya na Wortu fu Gado so taki yu e ’ufen na man di wan sma man fu si na difrenti a mindri bun nanga ogri’? (Hebrew sma 5:14) Yu e trowe takru konpe èn e si na demakandra nanga konpe bribiman fu Yehovah tapu kresten konmakandra èn tapu tra okasi leki wan diri sani? — 1 Korente sma 15:33; Hebrew sma 10:24, 25; Yakobus 4:4.
17. Fa wi leki Kotoygi fu Yehovah kan de leki Noa?
17 Baka di ray gi fu meki kon klari fu na ark Buku e taki: „Noa ben du ala sani so leki Yehovah ben gi komando fu du. A ben du yoysti so” (Genesis 6:22). Na man disi di ben frede Gado ben preyki so srefi tu fayafaya leki wan Kotoygi fu Yehovah. So leki Noa, na so yu kan de wan kankan horibakaman fu san de tru fu di yu e de alaten wan preykiman fu regtfardikifasi. Horidoro fu meki na warskow bekenti fu na kba fu a gadolowsu grontapu disi, awansi pikinso sma e arki. Wroko ini wanfasi makandra nanga konpe bribiman so taki bifo na kba na wroko fu meki disipri du. — Mateyus 28:19, 20.
18. Tapu gron fu san Yehovah e bepaal suma sa psa na bigi banawtu libilibi?
18 Gado e kobroyki now den srefi regtfardiki nanga eerlek markitiki so leki ini den dey fu Noa, fu bepaal suma mag psa libilibi èn suma sa lasi gwe na ini na bigi banawtu. Yeyses ben agersi na pratiwroko fu now nanga wan herder di e prati den skapu fu den bokoboko (Mateyus 25:31-46). Den sma di e meki gridi lostu nanga aladey wroko de den moro prenspari sani na ini den libi no wani na owru grontapu kon na wan kba èn na so tan na libi. Ma den wan di e hori den srefi dorosey fu na dotifasi fu na grontapu disi, di e kibri wan tranga bribi ini Gado èn di e tan preyki na Kownukondre boskopu èn e meki na warskow fu Yehovah krutu di e kon de fu yere sa kisi na bun-ati fu Gado leki sma di sa psa libilibi. Yeyses ben taki: „Dan tu man sa de na gron: a wan sa tyari gwe èn a trawan den sa libi. Tu uma sa mara na a anumiri: a wan den sa tyari gwe èn a trawan den sa libi.” — Mateyus 24:40, 41; 2 Tesalonika 1:6-9; Openbaring 22:12-15.
Kisi blesi makandra nanga Noa
19. Sortu tyari kon makandra Yesaya nanga Mika ben taki a fesi gi den lasti dey?
19 Ini profeytitori di e akruderi nanga makandra den profeyti fu Gado, Yesaya nanga Mika, ben skrifi ala tu san ben sa psa ini den lasti dey. Den ben si na fesi san wi e si e kon tru ini na ten disi — wan bigi grupu sma di lobi regtfardikifasi èn di komoto fu na owru grontapu èn e kren go na na agersi bergi fu na tru anbegi. Den e gi trawan na kari: „Kon, un pipri, èn meki wi kren go na a bergi fu Yehovah, na oso fu na Gado fu Yakob; èn en wani leri wi fu den pasi fu en èn wi wani waka ini den pasi fu en” (Yesaya 2:2, 3; Mika 4:1, 2). Yu e waka nanga na koloku ipi disi?
20. Sortu blesi den wan sa kisi di nanga den bribi e krutu na grontapu?
20 Yesaya nanga Mika ben sori so srefi tu den blesi di den wan di e krutu na grontapu nanga yepi fu den bribi sa prisiri na ini. Tru vrede nanga geregtighèyt sa de na den mindri èn den no sa leri feti moro. Den sa abi na seyker howpu fu kisi wan gudu fu Yehovah èn den sa „sdon ibriwan na ondro en droyfibon èn en figabon.” Ma iniwan sma musu teki wan fasti bosroyti, bika Mika e taki: „Ala folku fu den sey sa waka iniwan ini na nen fu en gado; ma wi fu unu sey, sa waka ini na nen fu Yehovah unu Gado, te ten di no abi marki, iya fu têgo.” — Mika 4:3-5; Yesaya 2:4.
21. Fa yu kan abi prati ini den bigi blesi fu libi fu têgo na grontapu?
21 Den Buku e sori krin san de fanowdu fu psa libilibi na bigi banawtu: wan tranga bribi. Noa ben abi sowan bribi, ma yu abi en? Efu a de so, yu sa tron leki en „wan erfgenaam fu regtfardikifasi di de ini akruderi nanga bribi” (Hebrew sma 11:7). Noa ben psa libilibi na pori di tapu komando fu Gado ben kon tapu en geslagti. No soso taki a ben libi ete 350 yari baka na Frudu, ma a sa kisi so srefi tu wan opobaka nanga na howpu fu libi fu têgo dyaso na grontapu. Fa disi de wan bigi blesi! (Hebrew sma 11:13-16) Makandra nanga Noa, nanga en osofamiri èn milyunmilyun trawan di lobi regtfardikifasi, yu kan den ini na seygi dati. Fa? Fu tan horidoro te na a kba èn fu krutu na grontapu nanga yepi fu yu bribi.
Yu kan memre yu disi ete?
◻ Na san-ede a de prenspari gi kresen fu stuka na libi fu Noa?
◻ Na tapu san den sma fu na geslagti disi no e poti prakseri, san e tyari den go na pori?
◻ Fa wi kan krutu na grontapu disi neleki Noa?
◻ Fa wi kan de neleki Noa wan preykiman fu regtfardikifasi?