Yu e angri fu na ten . . .

□ te yu kan firi yu srefi sondro kofar èn seiker na ini yu oso — awasi sortu yuru fu na dei?

□ te sroto, greni, sani fu gi warskow, pip-olo, skotu, waktiman, waktidagu, èn den sortu sani dati no sa de fanowdu moro?

□ te yu kan waka yu wawan na strati sondro fu de ini kofar, srefi na neti?

□ te takru tabaka nanga puiri nanga ala den problema di abi fu du nanga den sa de soso wan sani di yu o memre frafra?

□ te ala orloku sa kon a wan kba, èn sma no sa meki fetisani noso poti den na ipi na ini maksin?

□ te yu no abi fu broko yu ede moro nanga a doti di libisma e doti den nyanyan sani, a loktu nanga a watra?

□ te terrorisme, na hori di den e hori sma na panti èn a poti fu bom fu kiri sma sa wai puru na pasi?

□ te libisma sa kibri, sa sorgu èn sa kobroiki den natuurlijk gudu a wan koni fasi fu na tanbun fu ala sma?

□ te bigi-ai nanga gridifasi no sa de moro langa den krakti di e pusu libisma?

□ te pikin-nengre sa tan hori a fasi taki den no abi frustan fu bun nanga ogri èn sa sori respeki gi trawan èn den gudu fu den?

□ te den no sa kwinsi uma sma moro èn handri den na wan fasi di no fiti?

□ te wèti nanga regel sa de eerlijk èn sa kobroiki na wan regtfardiki fasi fu na bun fu ala sma?

□ te lanti sa teki bosroiti di abi fu du nanga trutru fanowdu èn no nanga politiek?

□ te fri nanga a de di ala sma de a srefi no sa de wan sani di sma e taki nomo fu en?

□ te pina no sa de moro, ma ala sma sa abi awasi san de fanowdu gi den gosontu, den tanbun nanga den koloku?

□ te sma sa wani pikin èn sorgu gi den, èn noiti sa meshandri den ofu gwe libi den?

□ te siki nanga dede, èn no wan takru plaag no sa de moro?

□ te ala sma di yu e miti sa de sma di abi switifasi, di lobi fu yepi sma èn di yu kan frutrow?

□ te den sa respeki a libi fu ibri sma èn ala sma kan feni koloku di e tan?

□ te relisi no sa de moro langa wan krakti di e tyari pratifasi kon, san fu en sei baka e tyari fanatiekfasi, bita-ati nanga orloku kon?

□ te ala sma sa abi wan tanpresi di bun èn di switi fu libi, èn taki sma o de sondro wan oso fu tan sa de wan fositen sani?

Efu yu kan piki wan fu den aksi dya na tapusei nanga iya, dan nanga belangstelling yu sa leisi na artikel di e kon now.