Presteri na boen njoensoe — Nanga boen inleiding (bigin foe wan taki)
1 Nanga jepi foe na theocratis opleiding nanga ondrofeni ini na kristen diniwroko, Jehovah e gi wi „na tongo foe den sma di kisi leri” (Jes. 50:4). Nanga disi wi sa man foe sori dati wi abi moro powa foe si sani te wi wan wiki belangstelling gi na kownoekondre boskopoe. Ofoe wi e teki prati now na a oso na oso wroko ofoe soleki a de na ini den tra kondre na a strati wroko, den biginwortoe foe wi moe de wortoe di wi wegi boen èn pe wi e sori dati wi e froestan den sma nanga den difrenti omstandigheden di den abi. — 1 Kor. 9:22, 23.
Foe oso na oso
2 Te wi e gi ini na oso na oso diniwroko Kownoekondre waarheid na den „sma di de warti foe en”, dan wi moe kaka foetoe gi spesroetoe tjalensi. Ini na fosi presi a kan de moeilek foe taki nanga wan sma di de wan vreemde sma krinkrin gi joe. Baka den doro sma e libi nanga difrenti sortoe fasi, omstandigheden èn fasi foe si sani di kenki krinkrin. Den sani disi sa abi krakti tapoe den bigin wortoe foe wi.
3 Te joe wani den bigin wortoe foe joe moe de boen troetroe dan wan boen sreka foe joesrefi de fanowdoe. Efoe joe man foe gebroiki difrenti eenvoudig wortoe èn sani di de foe a dé, dan disi sa jepi joe foe de moro soepel. Gebroiki a powa foe si sani, taki sondro frede èn de plooibaar. Wan sani de di e sori dati na ososma kande de wan bribisma? Marki de dati pikin de ini na oso? Te ondro begi joe e poti prakseri tapoe den aparti sani disi dan disi kan de wan jepi foe bepaal sortoe bigin wortoe joe sa gebroiki.
4 Foeroe prékiman ben si wini marki di ben gi den dekati foe di ini den bigin wortoe foe den den ben gebroiki wan foe den rai di e kon now:
„Te wi e loekoe na den problema di sma no kan wini èn di na maatschappij e feti nanga en, dan son sma e denki dati libisma no abi wan ten di e kon moro kwetkweti. Ala di moro foeroe osofamiri e kon di panja, èn na skreki fasi foe oorlokoe e kon moro bigi èn tra problema de, tokoe wi e fisiti joe nanga joe birti foe ferteri joe boen njoensoe foe wan séker ten di e kon.”
„Foeroe osofamiri ini disi ten no abi someni foetrow ini a ten di e kon moro. Kiri e kon moro foeroe èn a problema foe no abi wroko nanga a kon diri foe sani e meki den sma de nanga brokoskin èn dati den no de séker. Wi e doe spesroetoe moeiti foe fisiti joe a mamanten disi foe tjari sjatoe kon na krin tapoe sortoe fasi joe nanga joe osofamiri kan si a ten di e kon nanga foeroe prisiri.”
„Wi ben si dati foeroe sma ini wi birti e feni en boen foe abi wan takimakandra foe na bijbel. Foe dat-ede dati mi de now na joe doro foe taki sortoe howpoe na bijbel e gi.”
Kande joe sa si dati den rai disi e doe en boen ini na gebied disi.
5 Wi moe taki nanga den sma tapoe wan switifasi èn dati a de wan takimakandra. Foeroe prékiman e feni en wan switi sani foe gi na ososma fosi wan traktaat ofoe wan strooibiljet foe soso. Wan opziener di e gebroiki na fasi disi, ben taki: „Na fasi disi e hori na prakseri foe den langa nofo foe kon bigin nanga wan bijbel takimakandra.” Foe san-ede joe no sa proberi ofoe joe toe ben kan abi winimarki nanga wan toe foe den fasi disi?
GO-BAKAWROKO
6 Sma ben taki wan dé dati wan go-baka de na mindrisé station na mindri na oso-na oso diniwroko na wan bijbelstudie. Wan sani de so dati foe joe kisi wan bijbelstudie, foeroe tron joe moe tjari wan go-baka. Èn dati e aksi pikinso sreka na fesi. Omoro boen den bodoi foe joe de omoro boen joe go-baka. Dati wani taki dati na sreka dati joe moe doe kaba ini joe oso na oso diniwroko. No wawan dati joe moe skrifi na adres nanga strati èn oso nomroe, ma ook toe na sma (man ofoe oema). San joe libi na baka, sortoe tori na takimakandra ben go èn oten joe ben meki wan mofo foe go baka?
7 A no de foe taki dati ala di foeroe anga foe na ten di na sma dati abi èn na ten di joe srefi abi, tokoe e kon na krin dati nofotron na mofo neti de wan toemsi boen ten foe meki go-baka.
8 De positief alaten toe ini a tjari foe go-baka. Na aksi: „Joe ben lési na boekoe di mi ben libi na tra lési gi joe kaba?” Moro foeroe tron a piki sa de negatief. A moro boen foe kon baka tapoe na moi taki makandra di joe ben abi a tra tron di joe ben de na a doro nanga en. Ferteri foe eksempre dati joe ben abi moro bodoi foe a tori disi di joe ben wani gi en nanga ala prisiri. Dati joe ben go prakseri foe na takimakandra disi èn dati nanga ala prisiri joe ben wani ferteri en wan sani moro ete.
9 Wi e begi ofoe Jehovah wani blesi den moeiti foe wi foe panja na bijbel boskopoe tapoe wan boen fasi. Te wi e loekoe boen foe poti prakseri na a fasi èn na maniri fa wi moe taki nanga sma, dan wi kan foetrow dati en jeje sa leri wi, ’sodati wi sabi foe piki nanga wan wortoe na sma di weri’. — Jesaja 50:4.