Aksiboksoe

● Fa wi moe skrifi tapoe wi rapport osofamiri-bijbelstudie ofoe studie nanga pikin di no dopoe ete èn di no de bigisma, ma di de pikin foe kristen di gi densrefi abra?

A de teki foeroe ten nanga moeiti foe na sé foe kristen papa nanga mama di gi densrefi abra foe doe den frantwortoe foe leri pikin na ini na pasi foe Jehovah (Deut. 6:6, 7; Ef. 6:4). Ofoe wi moe poti na tapoe wi rapport ala na ten di de ini a tori disi leki velddienst, de wan sani di de loesoe foe na hebi frantwortoe di de na tapoe papa nanga mama.

Na a fosi presi na velddienstbericht foe na gemeente e meki foe wi kan si san ben doe na ini na velddienst foe préki na boen njoensoe na publiki èn foe leri sma di no de dopoe kotoigi di gi densrefi abra na Gado na waarheid (Matt. 24:14; 28:19, 20). Efoe papa nanga mama di gi densrefi abra na Gado e hori geregeld wan osofamiri bijbelstudie pe pikin di no dopoe èn di no de bigisma ete de na ini, dan den mag hori na studie ibri wiki pe pikin di no dopoe èn di no de bigisma ete de na ini, dan ibri wiki di den e hori na studie no moro leki wán joeroe nanga wán gobaka nanga wán bijbelstudie mag skrifi ini na heri moen. Disi de so ook toe te na studie e hori moro langa leki wan joeroe alatron ofoe e hori moro langa leki wantron wan wiki. Extra studie ofoe joeroe di e gi na persoonlek leri foe den pikin, no moe skrifi na tapoe na velddienstrapport, ma moro foeroe wi moe loekoe den leki wan fasi pe papa nanga mama e sori den opregti winsi foe jepi na pikin foe gro ini na frede foe Gado. — Odo 22:6.

Ma san wi kan doe te papa nanga mama foe na wan ofoe tra réde ben sa abi jepi fanowdoe foe meki na waarheid spikri go na ini na ati foe den pikin? Den kan aksi tra sma foe na jepi di de fanowdoe. Efoe wan tra prékiman ben kan aksi foe gi na jepi dati, dan a ben sa boen foe taki disi nanga na fesiman-opziener ofoe na dienstopziener. Efoe den papa nanga mama de pas na ini na waarheid ofoe na wan tra fasi abi jepi fanowdoe nanga den pikin dan a de wan ferstan sani dati wan tra prékiman hori wan bijbelstudie nanga den, dan dati mag. Ini na geval dati na sma di e hori na studie kan teri na ten na go-baka èn na bijbelstudie efoe den pikin no dopoe. — Loekoe „Joe wawan de na oso na ini na waarheid?” na ini Wi Kownoekondre dienst foe maart 1980 èn „Doe boen na jongoewan” na ini na uitgave foe oktober 1980.