Aksi di opo kon

◼ Papa nanga mama kan teri den yuru fu na alawiki osofamiri studie?

Papa abi a frantwortu fu kweki den pikin „nanga a leri fu Yehovah èn frumane den so taki den kan kisi a denki fu en”. Aladi dati de so, toku a papa èn sosrefi a mama musu gi den pikin leri (Ef. 6:4). Bijbel e gi pikin a deki-ati disi: „Arki, mi manpikin, a trangaleri fu yu papa, èn no gowe libi a wet fu yu mama” (Odo 1:8). Wan prenspari fasi fa papa nanga mama kan gi den pikin leri, na te den e studeri Bijbel leki osofamiri.

A ben de so, taki te a papa ben hori na osofamiri studie nanga pikin di no dopu ete, dan na en wawan ben mag teri a yuru, srefi efu a mama ben teki prati na a studie tu. Ma a sani disi kon kenki now. Efu a papa nanga a mama e gi den pikin leri na a osofamiri studie, dan den ala tu mag teri wán yuru nomo na ini wan wiki. A no de fu taki dati nofo tron papa nanga mama e gi den pikin leri moro leki wán yuru na ini wan wiki. Papa nanga mama musu du muiti ala ten fu gi den pikin leri (Deut. 6:6-9). Ma a preikiwroko raportu de spesrutu fu sori san papa nanga mama du na ini a preikiwroko. Fu dati ede, papa nanga mama no musu teri moro leki wán yuru wan wiki srefi efu den studeri moro langa leki wán yuru, efu den studeri moro leki wán leisi wan wiki, noso efu den studeri aparti nanga den pikin. A papa noso a mama mag skrifi taki a hori wan studie èn a kan teri dati leki wán gobaka ibri wiki.