Geregeldheid na ini na dienst e tjari blesi kon
1 Foeroe sani de di wi moe doe geregeld foe sorgoe gi na tan boen foe wi na skinfasi. Efoe wi e verwaarloos sani dan wi moe tjari den bakapisi. A so wi bribi kan kon swaki, efoe wi no e sorgoe geregeld gi wi jeje fanowdoe, èn wi kan kon ongeregeld ini wi theocratis activiteit. Wi e fisiti den komakandra geregeld èn wi ben hori wisrefi na wan schema foe persoonlek studie di e tranga wi na jejefasi èn e sreka wi foe de boen bedinari foe na boen njoensoe? (2 Tim. 3:16, 17; 2 Kor. 3:5, 6) Wi e doe positief stap foe teki prati na a velddienst na wan geregelde basis?
2 Na Psalmskrifiman e taki: „Ferteri foe dé na dé na boen njoensoe foe ferloesoe foe en” (Psalm 96:2). Kande foeroe foe wi no e teki ibridé prati na a velddienst, ma a no ben sa de wan redelek sani efoe a man foe poti ibri wiki wan pisiten gi na diniwroko? Aladi Paulus ben erken dati ’a meki bekenti foe na boen njoensoe’ ben de wan „fanowdoe” gi en, tokoe a ben feni en wan moi sani ooktoe foe meki na boen njoensoe foe na kownoekondre bekenti (1 Kor. 9:16; Rom. 1:15). Wi e si en ooktoe leki wan fanowdoe èn leki wan toemsi bigi grani foe teki prati na a diniwroko na ala wiki? — Tori 4:20.
3 Sonwan foe wi brada foe difrenti réde ede, ben meki heri moen psa sondro foe den gi srefi wan enkri joeroe na a velddienst. Dati na wan réde foe broko wi ede, bika soso efoe wi e sori bribi foe di wi e préki a boen njoensoe, wi kan ferwakti foe tan tranga na jeje fasi (Rom. 10:9, 10). Te wi e taki dorodoro nanga trawan foe na boen njoensoe, dan na waarheid e tan meki roetoe stéfi na ini wi ati.
4 Ete wan réde foe sori wi bribi na publiki tapoe wan geregelde basis de dati a de leki wan kibri, wan fortresi tége den moeiti foe Satan di a e doe sondro foe weri foe boro psa wi jeje fetipak nanga en faja péri (Efesesma 6:16). Wan fetipak di no e gebroiki èn e ondrow, kan go roestoe, sodati a no kan dini moro leki wan kibri. Baka di Paulus ben taki foe den difrenti pisi foe wi fetipak di e kibri wi a e fermane wi tranga ooktoe foe teki „na feti-owroe foe na jeje, dati na a Wortoe foe Gado” (Efesesma 6:17). Na kombinatie dati de wan di no wan sma kan wini — wan jeje fetisani di e kibri wi èn na feti-owroe foe na jeje.
5 Ibri gemeente e proberi na den lobi fasi foe gi persoonlek jepi na den di foe difrenti réde ede no e teki prati na a velddienst na wan geregeld fasi (Ef. 4:11-15). Na gemeente-sekretarsi moe gi ibri boekoestudieleider ibri moen wan lijst foe den sma ini en groepoe di no ben gi velddienstbericht. Ibri studieleider sa doe en pisi san a moesoe doe foe di a e poti prakseri a tapoe den jeje fanowdoe foe den brada nanga sisa disi èn pristeri den a persoonlek jepi foe en foe go na ini velddienst ofoe foe seti sani dati wan tra sma doe disi. Èn a no de foe taki dati na dienst-opziener sa teki fesi via den studieleider foe jepi meki na ongeregeldheid na ini na gemeente kon moro mendri. No frigiti noiti dati ibriwan foe wi abi na fesi Jehovah wan persoonlek frantwortoe foe teki alaten prati na a wroko di a ben gi oenoe. — Teki gersi Psalm 61:8.
6 Foeroe blesi wi e kisi efoe wi hori wisrefi getrow na wan schema foe geregelde velddienst. Wi sa abi ete moro winimarki foe di geregeldheid na ini na velddienst ini wi bekwaamheid gro ini na pristeri foe na boskopoe. Na kolokoe firi di disi e gi wi, e meki dati wi wani span wisrefi foe kisi moro grani. Kande joe de wan sma di kan meki presi gi na jepi pionierdienst èn bakaten gi na gewoon pionierdienst. Den brada di ala moen abi wan boen prati na a velddienst, te foe wan pisiten kan kisi na kari foe teki moro frantwortoe na ini na gemeente na tapoe den. Geregeldheid na ini na velddienst e tjari blesi kon.
7 Te wi e doe dienst nanga makandra na ini wánfasi „foe na wan dé kon miti a tra dé” nanga na prakseri foe klari na wroko di Jehovah ben gi wi, dan wi sa ondrofeni na prisiri di e kon foe si sani sani, èn wi sa meki na jeje krakti gro di de fanowdoe foe kan hori doro te na a kaba. — Tori. 20:35; Matt. 24:13.