Tan bow makandra
1 „Oen alamala de manpikin foe na leti èn manpikin foe déten”, na so Paulus e ferteri wi. A e gi wi dek’ati foe tan na ai, hori wi ferstan na wan èn foe tan weri wi fetisani. Èn foe san-ede? „Bikasi Gado ben gi wi na okasi . . . foe kan kisi jepi nanga jepi foe wi Masra Jezus Kristus . . . Foe dat’ede tan bow makandra, soleki foe taki leti oenoe e doe kaba” (1 Thess. 5:5-11). Ini a ten na ini san wi e libi wan onferwakti pori o kon tapoe a disiten seti foe sani. Soboen wi abi boen gron foe gi makandra dek’ati. Fa wi kan doe dati?
NANGA DI WI E TEKI PRATI NA A VELDDIENST
2 Wroko makandra nanga difrenti brada nanga sisa ini na velddienst, de wán fasi. Wi moesoe kon leri sabi makandra moro betre. Efoe wi e wroko makandra na ini na velddienst, wi kan taki foe ondrofeni nanga makandra. Moro ete wi kan jepi makandra foe doe wi diniwroko te na a kaba. Te wi e doe wi fundamentele frantwortoe foe préki èn foe meki sma tron discipel, dan na a srefi ten wi kan bow wi brada nanga sisa (Mal. 3:16; Matt. 28:19, 20). Foe san-ede joe no sa meki mofo nanga wan sma now foe wroko makandra nanga en, kande wan sma nanga soema na laatste ten joe no ben wroko nanga en?
3 Ini den moen di e kon foeroe sma e go na fakansi na dorosé. Ooktoe disi kan gi moi okasi foe gi trawan dek’ati. Foe san-ede joe no sa meki plan a fesi, foe awasi pe joe e go njan joe fakansi, foe fisiti den gemeente komakandra foe drape èn foe go ini na velddienst? Den brada nanga sisa drape sa lobi joe boen kompe èn jeje takmakandra, èn joe toe sa bow op. Kande na wán enkri reis foe joe a jari disi de a go na a congres. Bigin meki plan now foe teki prati mamanten na a velddienst. Ini den moen di de na wi fesi ala sortoe sani kan pasa foe hori wi foe no doe na prékiwroko, ma efoe wi e teki na velddienst nanga tra gemeente afersi ini wi plan, dan wi fakansi kan meki wi firi switi na jejesé èn kan bow trawan.
NANGA WAN BOEN EKSEMPRE
4 Na apostel ben froestan taki en boen eksempre ben e wroko tapoe trawan èn ben de gi en brada wan fonten foe krakti dek’ati (Fil. 1:13, 14). Efoe wi, srefi ini pikin sani de wan heri boen eksempre, dan dati sa wroko na a srefi fasi. Joe leki wan eksempre joe e fisiti doronomo den gemeente actie efoe joe e go na ini velddienst? Joe sreka boen a fesi? Joe ben lési den boekoe di joe e go pristeri? Joe e prakseri dipi foe na fasi fa joe e go pristeri den? Te joe e doe disi dan joe e gi trawan wan heri boen eksempre.
NJOEN SMA, ONGEREGELDEN NANGA INACTIEFWAN
5 Na Memrefesa ini april foeroe njoen èn son inactiefwan ben fisiti en. Den abi foeroe persoonleke jepi nanga dek’ati fanowdoe foe fisiti den komakandra doronomo, pe den kan kisi na fanowdoe jeje krakti. — Hebr. 10:24, 25.
6 San wi kan taki foe den trawan di kande den kon de ongeregeld ini na dienst noso foeroetron den e misi komakandra? Kande den las’ati foe den problema ede di den e kisi? Joe ben sa kan kari sowan sma foe wroko makandra nanga joe ini na velddienst noso foe a kon nanga joe na wan bijbelstudie? Joe ben sa kan meki a teki prati na tra gemeenteativiteit? Nofotron wan switi èn wan wortoe di e sori taki joe e ferstan en tapoe na joisti momenti de ala san de fanowdoe foe jepi wan sma di las’ati. — Odo 25:11.
7 Efoe wi e meki moeiti foe tan hori wi jeje fetisani boen èn e jepi wi brada nanga sisa foe doe a srefi, wi sa ondrofeni na waarheid foe Jezus wortoe: „A de wro boen foe gi leki foe kisi.” — Tori. 20:35.