Pristeri na boen njoensoe — Na ini na buitengebied
1 Aladi na prékiwroko foe na boen njoensoe na ini na buitengebied de wan tjalansi di ini algemeen wi no e kon tanapoe na fesi te wi e wroko na ini bigi-fotogebied, tokoe a wroko na ini buitengebied kan tjari ondrofeni di e gi satisfaksi. Foeroe sma di e libi na ini geïsoleerd gebied (boiti gebied), e teki a boen njoensoe foe na kownoekondre na wan boen fasi, èn wi wani doe san wi kan foe jepi den. — Teki gersi Jesaja 42:10, 11.
SETI SANI BOEN A FESI DE FANOWDOE
2 Foe a wroko foe buitengebied a de fanowdoe foe seti sani boen a fesi, spesroetoe foe na sé foe den owroeman. Den sa go loekoe ofoe a nomroe foe otogroepoe moe de wantoe nomo, sodati sma kan tan de bezig èn kan doe someni leki a kan. Na ini son boiti kontren oso tanapoe krosbé foe makandra. Na tra presi den didon farawe foe makandra. Den sani disi wi moe hori na prakseri te sani e seti gi otogroepoe. Sontron wantoe prékiman kan poti na tapoe wan bepaalde presi èn na sma di e tjari na oto kan kon teki den bakaten. Ma wi moe wroko nanga wan boen koni foe si sani.
3 Ooktoe wi moe ori na weer nanga den toestand foe den pasi na ini prakseri te wi e wroko boiti gebied. Ini son kontren alen nanga tokotoko kan meki a de sontron moeilek. Kande den owroeman moe seti sani foe wroko bepaalde gebied na ini a dréten moro foeroe.
WROKO MAKANDRA DE FANOWDOE
4 A wroko foe buitengebied e aksi dati ala sma wroko makandra èn sori dati den e ferstan tori. Sontron, efoe wi moe rij boen langa pasi, dan den sma di e rij na ini otogroepoe, kan gi wan pikin moni foe den kostoe foe a oto. Boiti foe dati, wi moe sori taki wi abi koni foe si sani boen te prékiman e kisi kari foe kon na sma ini den oso. Trawan di e sidon wakti na ini na oto, sa moesoe abi pasensi. Na a tra sé na prékiman di abi na wan presi wan takmakandra no sa taki toemsi langa nanga na ososma, ma sa hori na prakseri dati trawan sidon e wakti. Sani kan seti foe tjari wan gobaka.
5 Seti sani foe meki wan boen langa dé foe prékiwroko na ini boen fara buitengebied. Spesroetoe na ini a ten foe na dréten dati de mogelek, sodati moro sa man foe doe. Den prékiman sa seti sani foe tjari njanjan nanga den èn nofo boekoe.
6 Efoe wan buitengebied no e wroko nofotron dan a kan fiti foe libi na den sma di no de na oso wan owroe uitgave foe wan tijdschrift ofoe traktaat. Son sma di ben feni na lektuur di den ben kon na oso, ben lési dati nanga foeroe belangstelling èn ben leri sabi na waarheid. Skrifi soifri na belangstelling di joe e miti èn doe moeiti foe go ete wantron. Na boenfasi foe wroko buitengebied de wan tjalansi èn a kan aksi ofrandi. Ma den bakapisi kan de wan sani di e gi toemsi foeroe satisfaksi.
7 Meki a de so dati Jehovah tan blesi den moeiti foe en pipel di e meki bekenti na ala sé na kownoekondre foe Gado na ini na buitengebied. — Luk. 9:60.