Aksiboksu

● San musu poti na tapu na mededelingenbord fu na gemeente?

Na mededelingenbord ini na Kownukondrezaal e gi bodoi fu den gemeenteactiviteit. Sani no mu poti tapu na mededelingenbord sondro na fesiman-owruman feni en bun.

Wantu fu den sani di doronomo e poti tapu en, de: schema nanga toewijzing gi na dienstkomakandra nanga na theokratis diniwrokoskoro, wan lijst fu publikitaki di den meki toewijzing gi fesiman,fu den publikitaki nanga leisiman fu Na Wachttoren, na fasi fa den gemeentebukustudi prati nanga den adres, na meki bekenti fu na tra fisiti fu na kringopziener makandra tra bodoi di abi fu du nanga dati, bodoi di abi fu du nanga kring nanga spesrutu deikomakandra ofu kongres di e kon, èn na schema fu na krin fu na Kownukondrezaal. Fu ten na ten a Genootschap e gi owruman bodoi fu poti bepaalde brifi ofu tra afersi tapu na bord. Efu wan sani feni presi di de a dorosei fu den afersi di wi gwenti fu abi, dan na skin fu owruman kan bosroiti efu a fiti fu meki disi bekenti tapu na bord.

Aladi den kan meki wan trow ofu lezing na ini na Kownukondrezaal syatu bekenti tapu wan komakandra, dan toku wan aparti bekenti no sa poti tapu na mededelingenbord. Ooktu a no sa fiti fu poti mededelingen fu komakandra di abi wan soifri sociaal fasi, fudi disi no abi fu du nanga den gemeente activiteit. — Luku Na Wachttoren 15 yuli 1984, blz. 15; Kownukondredienst, yuni 1970, blz. (. . .)

Na mededelingenbord mu hori krin èn moi. A mu bigi nofo fu gi presi na den fanowdu sani di kari dya na tapsei. Schema di kaba èn algemeen sani san ferteri kaba na a gemeente mu puru wantewante. Te moro lek wan gemeente e hori komakandra ini na srefi zaal, dan ibri geweente mu abi en egi aparti mededelingenbord ofu wan pisi fu en fu san a bodoi de krin. Wi e rikomanderi dati na fesiman-owruman, ofu wan sma di e wroko na ondro en tiri, e kontroleer na bord ten na ten fu de seiker taki den afersi di poti na tapu de up-to-date, e fiti èn de netjes.