Yu e lespeki unu kownukondrezaal?
1 „Luku! O bun èn prisiri a de te brada e libi makandra ini wanfasi!” (Ps. 133:1) Konmakandra ini wi Kownukondrezaal e gi na okasi fu bondru kon na wan nanga wi brada, so taki wi kan gi makandra tranga fu sori lobi èn tumusi bun wroko èn gi makandra deki-ati. — Hebr. 10:24, 25.
2 Wi abi tru tru lespeki gi na Kownukondrezaal fu di a abi so wan prenspari wroko ini wi libi? Na Kownukondrezaal na a centrum fu tru anbegi ini na birti. Fu dati-ede wi musu warderi na zaal tumusi. Wi alamala musu frustan taki wi musu du wi prati fu hori na zaal krin èn ini wan bun situwasi. Na spesrutu ten fu wi bukustuka-grupu e kisi na frantiwortu fu krin na zaal. Efu a kan srefi pikinso fu teki prati na a wroko disi, wi musu du dati, fu sori wi warderi na so wan fasi gi wan krin èn moy konmakandrapresi.
3 Wi alamala kan sori taki wi abi belangstelling gi na Kownukondrezaal, efu wi e kisi a wroko fu krin ofu no. Fa so? Nanga yepi fu so wan eenvoudig sani leki a figi fu wi futu te wi e kon ini na zaal, fu te fu kba no libi doti marki na baka. Disi de spesrutu prenspari te a weri takru. Te wi e meki kobroyki fu den pisi fu na W.C., dan baka te wi wasi wi anu, wi kan libi na wasibaki krin na baka gi na sma di e kon baka wi. Den sma di e wroko na a buku nanga tijdschrifttafra, kan sori belangstelling fu den sey fu di den e puru leygi dosu wante wante. Ala doti musu trowe ini baki di poti fu dati. Efu wi si papira efu doti a gron, wi musu opo en na presi fu libi en ddon gi trawan. Wi Kownukondredienst fu februari 1989, ben gi ray fu na hori netjes fu na mededelingen bord. Trawan musu wroko makandra nanga na fesiman opziener fu sorgu taki den e waka baka na ray disi. — km Sr 2/89, blz. 9.
4 Den srefi gronprakseri fiti te wi e fisiti wi kringkonmakandra ofu wi kongres. Na konmakandrapresi de wan centrum fu tru anbegi, efu a de now wi kongreshal ofu wan tra presi, a musu handri nanga lespeki. Te wi e gwe ala ten wi musu luku efu wi no libi doti na baka pe wi sdon. Wi musu de klariklari fu yepi èn no musu denki taki den wan di abi na wroko fu krin, sa kon baka wi fu piki en.
KOBROYKI WAN ZAAL MAKANDRA
5 Fu den hey kostu fu gron ede dan yu abi furu Kownukondrezaal di moro leki wan gemeente e kobroyki. Ini fotogebied dan sontron srefi dri ofu fo gemeente e meki kobroyki fu wan Kownukondrezaal. Ibri gemeente musu sori belangstelling gi na Kownukondrezaal èn erken taki disi na fu Yehovah èn a e kobroyki gi en anbegi. Na a lespeki gi na Kownukondrezaal no wawan èn lobi gi Yehovah de ini a tori, ma ooktu wi lobi gi wi brada ini tra gemeente di e kobroyki na zaal.
6 Moro furu a Kownukondrezaal e krin wan leysi wan wiki. Pe moro leki wan gemeente e kobroyki na zaal, a de fanowdu taki baka ibri konmakandra a krin pikinso, so taki na tra gemeente di e kon na ini a zaal, e kon miti disi na wan warti fasi. Disi e teri tu gi na sonde, te na wan gemeente e kon wantewante baka na trawan ini na zaal. A bun taki, so langa na ten gi okasi fu dati, fu den krin pikinso gi na gemeente di e kon na baka. Efu difrenti gemeente e kobroyki na zaal tapu na srefi dey, dan na kba fu na dey disi kan kon trutru bruya efu no wan sma e sorgu gi en.
7 No meki wwan te a e go fu yeye afersi wi de „naw makandra ini na srefi geest èn ini na srefi fasi fu denki”, ma so srefi tu ini na sori fu lespeki gi den Kownukondrezaal fu wi. — 1 Kor. 1:10.